radheef.info
ރަދީފު


ސަރުބީ
ނ އިންސާނުންނާއި ޖަނަވާރާއި ދޫނިސޫފާސޫފީގެ ހަށިގަނޑުގައި ހުންނަ ތަފާތު ތެލުގެ އެސިޑް އެކުލެވޭ ބައި ހަކަތަ އުފައްދަނީ މިބައިންނެވެ މިއީ ހަމުގެ އަޑީގައި ދާފަރައަކަށްވެސް އޮންނަ ތެލުގެބައި އެކުލެވޭ ދުއްޔެވެ
ބަނޑުބަލި
ނ ބަނޑުގައި އުފެދޭ ބައްޔެއް. މިބަލި ޖެހުމުން ބައެއް ފަހަރު ނޭވާހިނގުން ދަތިވެ ކުޑަކަމުދިއުމާއި ބޮޑު ކަމުދިއުމުގެ ނިޒާމަށް ބަދަލު އާދެއެވެ ދިވެހިންގެ ތެރޭގައި "ބަނޑުބަލި" ކިޔާ އުޅެނީ ބަނޑުގައި ސަރުބީ އުފެދި ބަނޑުގެ އެތެރޭގެ ބައެއް ގުނަވަން ދުޅަވުމުންނެވެ
ބަނޑުލުން
މ (1) ގަހަކަށް ނުވަތަ ރުކަކަށް އަރާއިރު ގަހުގައި ނުވަތަ ރުކުގައި ބަނޑުޖެއްސުން. (2) ބަނޑުގައި ޖައްސައި ބެއްދުން. (3) ސަރުބީޖަހައިގެން ބަނޑު ބޮޑުވުން. (4) ދަމައިފައި ހުންނަ ނަރު ނުވަތަ ވާ ނުވަތަ ރޯނު ފަދައެއްޗެއްސާއި ދޫކޮށްފައި ހުންނަ ކިރު ފަދަތަކެތީ ތިރިއަށް ގޮނިލުން
ފާންތެޔޮ
ނ (1) ބޯކިރު ނުވަތަ ކާށިތެޔޮ އަވީގައި ބެހެއްޓުމުން މައްޗަށް އަރާ ސާފުކޮށް ހުންނަ ތެޔޮ (2) ބޮޑުމަހާއި މިޔަރު ފަދަ ތަކެތީގެ މޭގަނޑާއި ހަން ނުވަތަ ބައެއް ޖަނަވާރުގެ ސަރުބީ އަވީގައި ހުރުމުން ނުކުންނަ ސާފުކޮށް ހުންނަ ތެޔޮ
ތުލް
ނ )ޏ ( މަހުގެ ހަމާއި މަސްގަނޑާ ދެމެދު ހުންނަ ސަރުބީ
ތެޔޮ
ނ (1) ބައެއްޒާތުގެ އޮށް އޮށާއި މަސްމަހުގެ ހަމާއި ސަރުބީއާއި މޭގަނޑުންހޭނޭ ފެނަށްވުރެ އޮލަ ދިޔާއެއްޗެއް (2) ބިމުގެ ތެރެއިން ނެގޭ އޮލަ މާއްދާއެއް މިމާއްދާއިން ޑީސަލާއި ކަރާސީނާއި އެކިވައްތަރުގެ ޕެޓްރޯލް އުފައްދައެވެ
ގެރިގިތެޔޮ
ނ ގެރީގެ ސަރުބީން އުފައްދާ ގަނޑުތެލެއް މިއީ ބޭހަށް ބޭނުންކުރާ އެއްޗެކެވެ
ސަރުބީޖެހުން
މ (1) ކާނާގައި ތެލުގެ މާއްދާތައް އިތުރުވުމުން ހަށިގަނޑަށް ބޭނުންވާ ވަރަށްވުރެ ތެލުގެބައި ހަށިގަނޑުގައި އިތުރުވެގެން ލޮކިމަސްޖަހައި ފަލަވުން (2) ސަރުބީ އުފެދުން
ސައިބޯނި
ނ ދޮވެސާފުކުރުމަށް ގެންގުޅޭ ފޮނުއަރާ އެއްޗެއް. މިހަދައިފައި ހުންނަނީ ތެލާއި ޕޮޓޭޝިޔަމާއި ސަރުބީ ފަދަ ބާވަތް ތަކުންނެވެ