radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ހަނދުބަޑި
ނ (1) އީދުރޯދައަށް ހަނދު ފެނުނީމާ ޖަހާ ބަޑި. (2) އިހުގައި ރަޖަބު ރަމަޟާން ޝައްވާލު މިތިންމަހުގެ ފުރަތަމަރޭ ޖަހައި އުޅުނު ރަސްމީބަޑި (3) މެދުވަރުގެ ހަރުމަތީބަޑި
ހަނދުވަރީމާ
ނ ކަށިގިނަގަހެއްގައި އަޅާ ކުދިކުދި މާތަކެއް. މިމަލުގައި ވައިލެޓް ކުލަޔާ ހުދުކުލަހުރެއެވެ. ފަތްވައްތަރުވާނީ ކުދި ހީނާފަތާއެވެ. މިގަހުގައި ނުކުންނައޮށް ވައްތަރުވާނީ ދޮންމޫސަގަހުގެ އޮށާއެވެ ނަމަވެސް މީގެ ކުލައަކީ ރީނދޫ ކުލައެވެ
ހަނދުވަރީގަސް
ނ (1) ހުނިގޮނޑި ފިލާގަހުގެ ފަތްހުންނަގޮތަށް ފަތް ހުންނަގަހެއް މިގަސް ހެދެނީ ހީނާގަސް ހެދޭގޮތަށެވެ (2) ހަނދުވަރީމާ އަޅާގަސް
ހަނދުވަރުގޮޅާ
ނ ގޮޅާގެ ބާވަތެއް ގިނައިން މިނުކުމެ އުޅެނީ ހަނދުވަރުދޭ ރޭރެއަށެވެ
ހަނދުފަޅިބިބީ
ނ ރާއްޖޭގެ ފަރުފަރުގެ ބޭރުގައި އުޅޭ ރީނދޫ ކުލައިގެ މަހެއް މިމަހުގެ ލޮލުގެ ހުރަހަށް ވަރަށް ފަލަ ކަޅުކުލައިގެ ރޮނގެއް ހުރެއެވެ މިރޮނގުގެ ފަހަތުގައި ހަނދުފަޅިބުރަށް ހުންނަފުޅާ ހުދުކުލައިގެ ރޮނގެއް ހުރެއެވެ އަދި މިހަނދުފަޅީގެ ފަހަތުން މަހުގެ މައްޗަށް ވާގޮތަށް ކަޅުކުލައިގެ ފުޅާރޮނގެއް ހުރެއެވެ މަހުގެ ނިގޫފަތުގެ ބުޑުދޮށް ހުންނަނީ ކަޅުކުލައިގައެވެ
ހަނގު
ނ އިހުގައި ރަނދުން ދެއްވާ އުޅުއްވި އޮޅިމެދުކަމުގެ ދަރަޖައެއް މިބޭކަލުން ތިއްބަވަނީ ދިވެހިރާއްޖޭގެ ރަސްގެފާނުގެ ލަޝްކަރުގެތެރޭގައެވެ
ހަނގުންފަރާ
ނ ދިވެހިރާއްޖޭގެ ދަނޑުވެރީން އަތުން އިހުގައި ސަރުކާރަށް ނެގިބައެއް މިނެގި މިންވަރަކީ ދަނޑުކޮށި ކޮންމެ ރަށަކުން ދެގޮނެވެ މިކެނޑުނީ 1531 ހ ވަނަ އަހަރުގައެވެ
ހަނގުރާމަ
ނ (1) ހަތިޔާރު ހިފައިގެން ނުވަތަ ހަތިޔާރު ބޭނުންކޮށްގެން އެއްބަޔަކު އަނެއްބަޔަކާ ތަޅައިމެރުން މިބަސް އާންމުކޮށް ބޭނުންކުރަނީ އެއްޤައުމު އަނެއް ޤައުމާ ދެމެދު ހިނގާ މިފަދަ ޙަމަލާތަކަށެވެ (2) މިސައިލާއި ރޮކެޓް ބޭނުންކޮށްގެން އެއްޤައުމު އަނެއް ޤައުމާ ކުރާ ހަނގުރާމަ
ހަނޑަސް
ނ (1) އަތްކަންކުރާމީހުން އެއްޗެތީގައި ހިފާންގެންގުޅޭ ދެފައިކަށިލީ ހަތިޔާރެއް (2) ގިފިލީގައި ހާޖިތަށް ދިއުމަށްޓަކައި ވަކިކޮށްފައިވާތަން (3) ކަކުނީގެ ދާނަ ދަތްގަޑު
ހަނޑުފޮޅާނާށިގަނޑު
ނ ހަނޑޫފޮޅާއިރު ކުރިޔަށްއަރާނީ ހަނޑޫ ނަގާށާއި ބަތްޕޮޅިޔަށް ހަނޑޫއެޅުމަށް ބޭނުންކުރާނާށިގަނޑު. މިއީ ބޮޑެތިކާށި ދިގަށްކީހައި ބޭރުމަށާއި އޮފުއަރުވައިފައި އޮންނަނާށިގަނޑެކެވެ
ހަނޑޫ
ނ ގޮވާމުގެ ބާވަތެއް މިއާއްމު ގޮތެއްގައި ބޭނުންކުރަނީ ބަތްކައްކާށެވެ
ހަނޑޫކަނޑާމޯ
ނ ވަނަށް އަޅައިގެން ހަނޑޫތަޅަން ގެންގުޅޭ އެތި މިހުންނަނީ ދެކޮޅު ފަލަކޮށް މެދުގައި ހިފާތަން ހިމަކޮށް ކުރެދިންލިޔެފައެވެ
ހަނޑޫމުގުރާދަތި
ނ ހަނދޫ ފަދަތަކެތި ހިމުން ކުރުމަށް މައުދަނީ އެއްޗަކުން ހަދައިފައިހުންނަ އާލަތެއް
ހަނުކަކުނި
ނ )އ ( ހުދުފަހާއި ކަޅުފަސް ބެދުނު ހިސާބުގައި ހަރުކޮނެގެން އުޅޭ ކަކުންޏެއް މިކަކުނީގެ ފައި ވަރަށް ބަލިކަށި ވާނެއެވެ ތޮށިގަނޑު ހުންނާނީ މަޑު އަޅި ކުލައިގައެވެ
ހަނޯބެރުން
މ )ސ.( ވެއްޓޭ ބައްޔަށް ނިސްބަތްކޮށް ބުނެއުޅޭ ބަހެއް މިބަސް ބޭނުންކޮށް އުޅެނީ އަރާރުންވުމުގެ ތެރޭގައި ނުވަތަ ކޮންމެވެސް ހަމަނުޖެހުމެއްގެ ތެރޭގައެވެ
ހަންމުށި
ނ (1) ދިރޭ އެއްޗެހީގައި ތަޅާން ގެންގުޅޭ އާލާތް. މިއޮންނަނީ ލަޓިގަނޑެއް ނުވަތަ ބޮންތިއެއްގެ ކުރީކޮޅުގައި ނަނުފަށެއް ބައްދައިފައެވެ ނޫނީ ބޮންތީގެ ކޮޅު ހިމަކުރަމުންގޮސް ނަނުގަނޑެއްހެން ހަދައިފައެވެ (2) މީހުންނަށް އަދަބުދޭން ގެންގުޅޭ އެތި
ހަންފީމިޔަރު
ނ މިޔަރުގެ ބާވަތެއް މީގެ ހަމާއިމަސްގަނޑު ވަރަށް ބަލިވާނެއެވެ މި ވައްތަރުވާނީ ފާނަޔާއެވެ
ހަންދަ
ނ (1) މޫދުގައި ދިރިއުޅޭ ގޮޅާބާވަތުގެ އެއްޗެއް މީގެ ބޭރުގައި ހުންނާނީ އުން ފަޅާފައެވެ (2) ސަނދަރަބޮލި
ހަންގަނޑު
ނ (1) ބެރުޖަހަން ދަސްކުރުމަށްޓަކައި ބެރުއެދުރުގޭގައި އޮންނަބެރެއް. މިއީ ހަމުގެ ކެހެރިނުކޮށައި ދޫކޮށްއަޅައިފައި އޮންނަބެރެކެވެ. (2) ދިރޭއެއްޗެއްގެ ހަމުގެބައެއް. (3) ކުރަފަތްތޫނުކުރަން ގެންގުޅޭ ހަމުގެ ފޮތިވަރު. (4) އިހުގައި ކަސްޓަމުގައި އޮންނަ ބޮޑުފޮތެއް މިހަދައިފައި އޮންނަނީ ބޮޑެތި ކަރުދާސް ހުރިގޮތަށެވެ މިއީ ބޯޓުފަހަރުން ގެންނަމުދަލާއި ތަކެތި ބޭލޭވަރު ބަހައްޓާފޮތެވެ އަދި އެކްސްޕޯޓް އިންޕޯޓް ބަލަހައްޓާ ފޮތަކީ ވެސްމި އެވެ
ހަންޑިހެއްލުން
މ ނިދީގައި މަނިބޭރުވުން ގިނަފަހަރަށް މިކަންތައްވަނީ ހުވަފެނެއްގެ ތެރޭގައެވެ