radheef.info
ރަދީފު


ގަތުން
މ (1) އަގެއްދީފައި އެއްޗެއް ހޯދުން (2) ބުޅީގައި މަސްޖެހުން
ހަޅޭއްފަޅޭއްޖަހައިގަތުން
މ ކުއްލިޔަކަށް މާބާރާށް ހަޅޭއްލަވައިގަތުން
ހަޅޭލައިގަތުން
މ ކުއްލިއަކަށް މާބޮޑަށް އަޑުގަދަ ކޮށްގަތުން
ހިށުވައިގަތުން
މ )ސ ( ދަރަންޏަށް އަތުލުން
ހިނައިގަތުން
މ (1) ޝަރުޢީގޮތުން ފެންވެރުން (2) ބޮޑު ޙަދަޘު އެރެގަތުން
ހިނިގަތުން
މ އެއްޗަކަށް މާގިނައިން ހިނިއެރުން
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހިފައިގަތުން
މ (1) އަތުލައިގަތުން (2) އޮޅުލައިގަތުން (3) ބަގުޑިލައި ގަތުން (4) ފޭރިގަތުން
ހިތުނިޔަތްގަތުން
މ (1) ހިތުން ގަސްތުކުރުން (2) އަޅުކަމަކަށް ފަށާއިރު އެކަން ހިތުގައި ގަސްތުކުރުން
ހިތްބިރުގަތުން
މ އެއްވެސް ކަމެއް ނުވަތަ ސަބަބެއްނެތި ބިރުގަތުން
ހިތްދަމައިގަތުން
މ (1) މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުންނަ ގޮތަކުން ހިތުގައި ލޯތްބާއި ކުލުނު އުފެއްދުން (2) މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުންނަ ގޮތަކުން ހިތުގައި ތަޢުރީފާއި އިސްތިޙުސާން އުފެދުން
ހިލިގަތުން
މ (1) ހަމައިންނެއްޓިގެން އުޅެގަތުން (2) ހޯބޯލަވައި ތެޅިފޮޅިގެތުން
ހީނގަތުން
މ ކުއްލިއަކަށް ގަދައަށް ހުނުން
ހީފުއްޕައިގަތުން
މ ހީފުއްޕުން
ހީގަތުން
މ ހީކެރުވުން
ހުހިގަތުން
މ ރުއްރުކުގައި ހުހިޖެހުން
ހުށަހޮޅިވަޑައިގަތުން
މ "ހުރަހޮޅިގަތުން" މިބަހުގެ އެންމެމާތްގޮތް
ހުށަހޮޅިގަތުން
މ ހުރަހޮޅިގަތުން
ހުރަހޮޅިގަތުން
މ (1) ކުރިމަތިވެގަތުން (2) ކަމަކާ ނުވަތަ މީހަކާ ބެހިގަތުން (3) ނުބެހޭކަމެއްގެތެރެއަށް ވަދެގަތުން
ހުސްބުޅީގައިގަތުން
މ (1) އެންނާޅާ ބުޅީގައި މަސްގަތުން (2) މަޖާޒު: ފިރިހެނަކު ކޮށްލާ ކުޑަކުޑަ އިޝާރާތަކަށް އަންހެނަކު ޖިންސީގޮތުން އިޖާބަދިނުން
ހެހެސްގަތުން
މ މީހަކާ ހިތާވެގެންގޮސް ހައްދުފަހަނަޅައި ދިއުން