radheef.info
ރަދީފު


ހިލަކިހުނު
ނ ބައްޔެއްގެ ނަން. މިބަލީގައި ކުޑަކަމުދިއުން ދަތިވެ ބަނޑުގައިރިހި ކުރިމަތި ފަރާތުން ހިލަ ނުވަތަ ވެލިކަހަލަ އެއްޗެއް އަންނާނެއެވެ. އަޞްލުގައި ކިހުނުބައްޔާއި ހިލަ އުފެދޭ ބައްޔާއި މާބޮޑުގުޅުމެއް ނޯވެއެވެ ނަމަވެސް ދެބަލީގައިމެ އަވަސް އަވަހަށް ކުޑަކަމުދާން ޖެހިފައި ކުޑަކަމުދާއިރު ތަދުވާގޮތްވާތީ ހިލަކިހުނޭ ކިޔާފައިވަނީއެވެ
ބޮޑުލަކި
ނ (1) ބޮޑެތި ތެލަނގަ އެއްލައިފައި ހުންނައިރު ލަސްލަހުން އެއް ހަމަޔަކުން ހެލޭ ހެލުން (2) ގުޑި ދަމާއިރު ވަކިގޮތަކަށް މަޑުމަޑުން ހެލޭހެލުން
ލަކިބުރުއްސުން
މ އަނެކަކާ ދިމާޔަށް ނުރުހުމުގެ ބަސް ބުނެވޭފަދަ ފަރާތަކުން މީހަކާ ދިމާއަށް ނުރުހުމާއެކު ބާރަށް އެއްޗެހިގޮވުން
ލަކިބުރުވުން
މ )ގ ( ރުޅިއައިސްގެން ބާރަށް އެއްޗެހި ގޮވުން
ލަކިބޭލުން
މ ތެލަނގަ ލަކިޖެހޭއިރު ނަގުލުން ބަނޑިބަނޑި ނުވަތަ ގުދުގުދު ބޭލުން
ލަކިއެޅުން
މ (1) ނަގައިފައި ހުންނަ ރިޔަލެއްގެ ދެހަންޖާ އެއްކޮށް މެދުން ބަނުން. (2) ލަނބުރާނާއި ހަންޖާފަދަ ތަކެތި ބާރުކޮށް އެއްސުމަށްޓަކައި ކުއްލިއަކަށް ދަމައިލުން
ލަކިއޮއްޓުގަނޑު
ނ ތެލަނގައިގެ ފިޔަދުނީގައި އެއްކޮނޑުން އަނެއްކޮނޑަށް އަޅާ ހުރަސް
ލަކިޖެހުން
މ (1) ތެލަނގަ އެއްލައިފައި ހުންނައިރު ވައިގެ ސަބަބުން ދެފަރާތަށް ހެލޭހެލުން. (2) ލަނބުރާން ނުވަތަ އޮޑިދޯނިފަހަރު އަޅައިފައި ހުންނައިރު އެތަކެއްޗަށް ވަމުންދާ ޙަރަކާތުން އެވަލަށް ދޫވެފައި ބާރުވާއިރު ވާގޮތްވުން (3) ރުޅިއައިސްގެން ބާރަށް އެއްޗެހި ގޮވުން
ލަކިޖެއްސުން
މ (1) ތެލަނގައާއި ގުޑިފަދަ އެއްޗެހި އެއްލައިފައި ހުންނަ އިރު އޭގައި ޖަހައިފައި ހުންނަވަލަށް ނުވަތަ ނަނަށް ހަދާގޮތަކުން އެއަށް ލަކިޖެހޭގޮތްވުން (2) ކުއްލިކުއްލިއަށް އެއްޗަކަށް ދެމުން