radheef.info
ރަދީފު


ތެދު
ނ (1) ދޮގުގެ އިދިކޮޅު (2) ގުދެއްލެނބުމެއްނެތް (3) ސީދާ
ހިތުން ތެދުކުރުން
މ (1) ޔަޤީންކުރުން (2) ކަށަވަރުކުރުން (3) ޝައްކެއްނެތުން
ނިޔަތްތެދުކުރުން
މ ކަމަކާއިމެދު ޝައްކު ފިލުވައި ގަސްތު ސީދާކުރުން
ފުންމައިގެންތެދުވުން
މ ކުއްލިޔަކަށް ތެދުވުން
ތެދުނިޔަތް
ނ ހިތުގައި ކަނޑައަޅާ ރަނގަޅުގޮތް
ތެދުބަސް
ނ (1) ޙަޤީޤަތާ އެއްގޮތަށް ބުނާބުނުން (2) ދޮގުނުލައިބުނާބަސް
ތެދުބުނުން
މ ޙަޤީޤަތާ އެއްގޮތަށް ސާފުކޮށްބުނުން
ތެދުބެލުން
މ ރަހަފަތިގަނޑެއްފަދަ އެއްޗަކުން ތަނެއްގެ ނުވަތަ އެއްޗެއްގެ ދެފަރާތް ހަމަހަމަތޯ ބެލުން
ތެދުކުރުން
މ (1) ލެނބިފައި ނުވަތަ އަރިވެފައި އޮތްއެއްޗެއް ސީދާކުރުން (2) ޤަބޫލުކުރުން (3) ރަހަކުރުން
ތެދުކުރުވުން
މ (1) އެއްޗެއްސީދާކުރުވުން (2) ވާހަކައެއް ނުވަތަ ޚަބަރެއް މީހަކުލައްވައި ޙަޤީޤަތެއް ކަމަށް ޤަބޫލު ކުރުވުން
ތެދުކުޅައުން
މ ޙަޤީޤަތެއްކަމަށް ޤަބޫލުކުރުން
ތެދުކޮށްލުން
މ (1) ގަބޫލުކޮށްލުން (2) އެއްޗެއްގެ ގުދުކަން ސީދާކޮށްލުން (3) ރަހަކޮށްލުން
ތެދުއުއިވަޑާން
ނ (1) ތެދަށް އުއިޖަހައި ކީހައި މަށައިގެން ވަޑިފައްޗަށް ކުރާވަޑާން (2) ކިއްސަރުވަޑާމުގެ އިދިކޮޅު
ތެދުވުން
މ (1) އެއްޗެއް ސީދާވުން (2) ޙަޤީޤަތަކަށްވުން (3) އިންތަނުން ނުވަތަ އޮތްތަނުން އުފުލި ހަށިގަނޑު ސީދާކޮށްލުން
ތެދުވެރި
ނއ (1) ދޮގުނުބުނާ (2) ކަންވީގޮތް އޮޅުވައިނުލާ (3) މަކަރުނުހަދާ (4) އަމާނާތްތެރި (5) އިޚްލާޞްތެރި (6) ވަފާތެރި
ތެދުވެރިކަން
ނއނ (1) އޮޅުވައިނުލާކަން (2) މަކަރުނުހަދާކަން (3) އަމާނާތްތެރިކަން (4) އިޚްލާޞްތެރިކަން (5) ވަފާތެރިކަން
ތެދުވެރިކަންހުރުން
މ (1) އަމާނާތްތެރިކަންހުރުން (2) އޮޅުވައިނުލުމުގެ ސިފަހުރުން (3) އެއްގޮތަކަށްވެސް މަކަރު ނުހަދާ ކަމުގެ ސިފަލިބިފައިހުރުން (4) އިޚްލާޞްތެރިކަންހުރުން (5) ވަފާތެރިކަންހުރުން
ތެދުވެރިވުން
މ (1) ދޮގުނުބުނުން (2) އޮޅުވައިނުލުން (3) މަކަރު ނުހެދުން (4) އަމާނާތްތެރިވުން (5) އިޚްލާޞްތެރިވުން
ތެދުވެރިޔާ
ނ (1) ވަފާތެރިޔާ (2) ދޮގުނުބުނާމީހާ (3) އަމާނާތްތެރިޔާ (4) އިޚްލާޞްތެރިޔާ
ތެދުވެރީން
ނ ތެދުވެރިޔާ މިބަހުގެ ގިނަގޮތް
ތެދުވެވަޑައިގަތުން
މ ތެދުވުން މިބަސް އެންމެ މާތްކޮށް ބުނާގޮތް