Radheef, ދިވެހިބަހުގެ ރަދީފު، ތެޅުން<br>ގެ މާނަ

radheef.info

ހަނުތެޅުން

މ (1) ހަނުހެދުން. (2) ލާޔާއި ކުރަނދާއެއްކޮށް ތަޅައި ހަނުގެ ހިލަ ބުރުގަނޑު ތައްޔާރުކުރުން

ހަންގަނޑުތެޅުން

މ ބެރުޖަހަން ދަސްކުރާން ހަންގަނޑުގައި ޖެހުން

ހާކަނޑުގައި ލަބަރިތެޅުން

މ (1) މަސްއައިނެއްގެ އެއްވެސް ޢަލާމާތެއް ނުފެންނަނީސް ކަނޑަށް އެންއުކަމުން ދުއްވުން (2) މަޖާޒު: ކަމެއްކުރާނެ ގޮތެއް ފެނިނެތީސް އެކަމެއް ކުރާން އުޅުން

ހިކިފަސްތާބަކަތެޅުން

މ މަޖާޒު: ނަތީޖާއެއްނެތް ބޭކާރު މަސައްކަތް ކުރުން

ހިތަކަށްބިތަކަށްތެޅުން

މ )ސ ( (1) ހިތުހުރިގޮތަކަށް އުޅުން

ހިތްތެޅުން

މ (1) ހިތުގެ ހަރަކާތް އިތުރުވުން (2) ހިތުގައި ބިރެއް ނުވަތަ ވަސްވާހެއް އުފެއްދުން (3) ކަންބޮޑުވުން (4) ހިތަށް ކުއްލިޔަކަށް އަސަރުކުރުން

ހޭލަމޭލާކަށްތެޅުން

މ )ސ ( ކަންތައްތަކެއްގައި ނުވަތަ މަސައްކަތެއްގައި އަވަދިނެތި އުޅުން

ރަނބަތެޅުން

މ ރަނބަހެލުވުން

ކޯތެޅުން

މ ގިނައިރުވާންދެން އަނގަ ގަދަކުރުން މިއީ ހިތާނުވެގެން މަލާމާތުގެގޮތުން ބުނާބަހެކެވެ

އަވަލިތެޅުން

މ ވީތަޅައިގެން އަވަލިހެދުން

ނަކަސްތެޅުން

މ ޖިމާޢުވުމުގައި ފިރިހެންމީހާއަށް އެދުންފުދުމަށްފަހުގައިވެސް ޖިމާޢުވުމުގެ ހަރަކާތް ހުއްޓާނުލައި ކުރިޔަށް ގެންދިއުމަށް މަސައްކަތްކުރުން ތިޔަކުރަނީ ތާކުންތާކު ނުޖެހޭ ކަންތަކޭ ބުނަންވެސް މިހެން ބުނެއުޅެއެވެ

ނާށިތެޅުން

މ މީހުން ގޮއްވާ ދެރަކުރުމަށް އެމީހާގެ ކައިރީގައި ދެނާށިތެޅުން

ނިތްތެޅުން

މ މަޖާޒު: ފަރުވާކުޑަކޮށް އަވަސް އަވަހަށް ނަމާދުކޮށްލުން

ރާޅާތެޅުން

މ ގޮނޑުދޮށުގައި ނުވަތަ ތޮށިމަތީގައި ނުވަތަ ކަނޑުތެރޭގައި އޮތް އެއްޗެއް ރާޅާ ޖަހަޖަހާ އޮތުން

ރާޅުތެޅުން

މ ކަނޑު ގަދަ ދުވަސްދުވަހު ކަނޑުމަތީގައި ދުއްވާ އުޅަނދު ފަހަރުގައި ރާޅު ގަދަޔަށް ޖަހަޖަހައި ހުރުން

ބަކަތެޅުން

މ ފެންގަނޑުގައި އަތްފައިން ތެޅުން

ބިންބިތެޅުން

މ މޯފަދަ އެއްޗަކުން ތަޅައިގެން ބިންބިން ތޮށި ފިލުވުން

ބިންތެޅުން

މ (1) ބިންގަނޑު ހަރުކޮށް އެއްވަރުކުރާން ތެޅުން (2) )ސ ( ބިންހެލުން

ބިކަތެޅުން

މ (1) ގަނަތެޅުން (2) އަޅާލާނެ މީހަކުނެތި އެކަނިވެރި ޙާލުގައި އެގޮތްމިގޮތަށް އުޅޭންޖެހުން