radheef.info
ރަދީފު


ދެވުން
މ (1) ކައިވެނިކުރުވުން ނުވަތަ ކޮށްދިނުން (2) އަލިފާނުގެ ހޫނުން ހަނާކުރުން (3) ދިއުން މިބަސް އިޚްތިޔާރަކާނުލައި ކުރެވުނީމާ ބުނާގޮތް (4) ގާ ނުވަތަ އަކިރި އަންދައި އުވަޔަށް ހެދުން
ނިންދެވުން
މ (1) އަނެކަކުލައްވާ ކުރުވުމުގެ މާނައިގައި ނިދުން މިބަސް ބުނެއުޅޭގޮތް. (2) އިންޖެކްޝަނަކުން ބޭހަކުން ފަރުވާއަކުން ނުވަތަ އެނޫންވެސް ގޮތަކުން ނިދިއަންނާނޭގޮތް ހެދުން (3) ނިދޭނޭގޮތް ތަނަވަސްކޮށްދިނުން (4) މަޖާޒު: އަންހެނަކު ރޭގަނޑު އެނާގެ ގާތުގައި ހިލޭ ފިރިހެނަކު ބާއްވައިގެން އޮތުން
ރަނޑެހެދެވުން
މ )ގ ( (1) ޚުޝާމަދު ކުޅައުން (2) ދޮގުތާރީފު ކުރުން
އައްޓަށްގެންދެވުން
މ ހަނގުބޭކަލުން މަޖިލީހަށް އަރާ ބޭކަލުން ބޮޑު ބޭކަލުން ވަރު ތެރެއަށް ލެއްވީމާ ފުރަތަމަ ދަމަށް ދުރުވާންޖެހޭ ރޭ އެއަށްޓެއްގެ ބޭކަލުން ދުރުވެ އެމީހަކު ގޮވައިގެން ދަމުއަށްޓަށް ދުރުވުން އެގެއެއްގައި އަށީ ބޭކަލުންނަށް އަވެލި ހުންނާންވާނެއެވެ އެރޭ އައްޓަށް އަރުއްވާފައި އެބޭކަލަކު ދުރުވާނީ ގެޔަށެވެ
ބެނދެވުން
މ (1) އަމިއްލައަށް އެއްސިގެންވުން (2) ކަމެއްގައި ބެދި އެކަމެއްގައި ހައްޔަރުވުން
އަރިހަށްގެންދެވުން
މ މަހުއެއްޗެތިކޮޅު ދެއްވައިފައިވާ ބޭފުޅުންގެ އަރިހުގައި އުޅޭން ގެންދިއުން
އުވަދެވުން
މ މުރަކަ އަކިރި ގައުފަދަތަކެތި އަންދައިގެން އުވަޔަށް ހެދުން
އެންދެވުން
މ މީހަކުލައްވައި މުންޑުފޮށާ ފަދަތަކެތި އަނުން
ފުއްދެވުން
މ ހިންމަވައިދެއްވުން
ތަދެވުން
މ )ގ ( ތަދުވުން
ތެދެވުން
މ )ޏ ސ ( ތެދުވުން
ލޮނދެވުން
މ )ގ ( ލޮނދިވުން
ގިފިއްޔަށްދެވުން
މ މަޖާޒު: ބޮޑުކަމު ނުވަތަ ކުޑަކަމު ދެވުން
ގެންދެވުން
މ (1) ގެންދިއުން މިބަސް މާތްކޮށާއި އެންމެ މާތްކޮށް ބުނާގޮތް (2) މަޖާޒު: މަރުވުން
ގޯލެއްދެވުން
މ ފުޓްބޯޅައާއި ހޮކީފަދަ ކުޅިވަރުގައި ލަނޑެއް ދެވުން