radheef.info
ރަދީފު


ދެކޮޅު
ނއ (1) އެއްޗެއްގެ ނުވަތަ ކަމެއްގެ ނުވަތަ ތަނެއްގެ ފެށޭކޮޅާ ނިމޭކޮޅު (2) އިދިކޮޅު
ހަލާދަނޑީގެ ދެކޮޅު ބަލާށެވެ
(ހަރުބަހެއް) ކަމެއްކުރަންވާނީ ހުރިހާ ފަރާތަކަށްވެސް ވިސްނައި އެއިން ލިބިދާނެ ގެއްލުމަކަށް ބަލައިގެންކަން އަންގައިދިނުމަށް ބުނެއުޅޭބަހެއް
ކައިވަތުދެކޮޅުއަގޫފުރަ
)މިސާލުބަހެއް( އާދަޔާޚިލާފަށް ދޭތެރެގާތްކޮށް ކަމެއްވާންފެށީމާ ދީއުޅޭމިސާލެއް މިސާލު: އޭނާ ކައިވަތު ދެކޮޅު އަނގޫފުރައިގައެވެ
ދަނޑިގަނޑުގެދެކޮޅުއެނގުން
ގބ މަޖާޒު: ކަންކަމުގެ ހެޔޮނުބައި ވަކިކޮށް އެނގުން
ދުނިޔޭގެދެކޮޅުފެނުން
މ (1) ދުނިޔޭގެ ތަނަވަސްކަމާއި ދަތިކަމާއި ހިތާމަ ތަޖުރިބާ ކުރެވިފައިވުން (2) އުމުރުން ދުވަސްވެ އިހާއިފަހުގެ ތަޖުރިބާތައް ލިބުން
ދެކޮޅުހެދުން
މ (1) އެއްބަސްނުވުން (2) ނުރުހުން ފާޅުކުރުން (3) އަނެކަކުބުނާ ބަހަކާ ނުވަތަ ދައްކާ ވާހަކައަކާ އިދިކޮޅަށް ހެކިދައްކައި ވާހަކަ ދެއްކުން (4) ނުކިޔަމަންތެރިވުން
ދެކޮޅުނުޖެހުން
މ (1) ލިބޭ އާމްދަނީއަކުން ހަމަނުޖެހުން (2) ބުނާއެއްޗިއްސާ ކުރާކަންތަކާ ދިމާނުވުން
ދެކޮޅުނުޖެހޭކަން
ނއނ (1) ލިބޭ އާމްދަނީއަކުން ހަމަނުޖެހޭކަން (2) އުޅުމުގައި ގޮތެއްނެތްކަން (3) ބުނާއެއްޗިއްސާއި ކުރާކަންތަކާ ދިމާނުވާކަން
ދެކޮޅުންކާވެން
ނ މަޖާޒު: (1) އަންހެނުންނާވެސް ފިރިހެނުންނާވެސް ޖިންސީގުޅުން ބަހައްޓާ ފިރިހެނާ (2) ދެފަރާތުން ފައިދާނަގާ މީހާ
ދެކޮޅުބެލުން
މ (1) އެއްޗެއްގެ ނުވަތަ ތަނެއްގެ އެކޮޅާއި މިކޮޅުބެލުން. މަޖާޒު: (2) ކަމެއްގެ ރަނގަޅު ނުރަނގަޅާއި ހެޔޮނުބައި ބެލުން (3) އިހާއި ފަހަށް ބެލުން
ދެކޮޅުއެއްވަރުވުން
މ (1) ދެމީހަކު ނުވަތަ ބަޔަކު ވާދަކޮށްގެންކުރާ ކަންތަކުގައި ވަކިކޮޅެއް މޮޅުނުވެ ނިމުން (2) މަޖާޒު: އަންހެނުން މުސްކުޅިވެ އަނގައިން ދަތްވެރުމުން ބުނެއުޅޭބަހެއް
ދެކޮޅުވުން
މ (1) ދެބަސްވުން. (2) އިދިކޮޅުވުން. (3) އެއްބައިވުން މިބަހުގެ އިދިކޮޅު
ދެކޮޅުވެރި
ނއ (1) ޙަސަދަވެރި (2) އެއްބައިވުމެއްނެތް (3) ދެބަސްވާ (4) ނޭއްގާނި
ދެކޮޅުވެރިން
ނ (1) ކަންކަމާމެދު ދެކޮޅު ހަދާ މީހުން (2) ޙަސަދަވެރިން
ދެކޮޅުވެރިކަން
ނއނ (1) ބައެއްގެ ކިބައިގައި ނުވަތަ މީހެއްގެ ކިބައިގައި ހުރި ނޭއްގާނިކަން (2) އެއްބަސްނުވާކަން (3) ދެބަސްވާކަން (4) އެއްބައިވުމެއްނެތްކަން (5) ހަސަދަވެރިކަން (6) ނޭއްގާނިކަން
ދެކޮޅުވެރިވުން
މ (1) އަރާރުންވުން (2) ދެބަސްވުން (3) ހަމަނުޖެހުން އުފެއްދުން
ދެކޮޅުވެރިޔާ
ނ (1) ހަސަދަވެރިޔާ (2) ދެބަސްވެފައިވާ މީހާ
ދެކޮޅުޖެއްސުން
މ (1) ލިބޭއެއްޗަކުން ފުއްދުން (2) ދައްކާ ވާހަކައެއް ފޫބެއްދުން
ތިންދެކޮޅުނުގަތުން
މ މަޖާޒު: ކަންކަމާ މާއަވަސް އަރައިގަނެގެންއުޅުން