radheef.info
ރަދީފު


ދުވަނި
ނ ޢާންމުކޮށް ކުޑަކުދިންގެ ގައިންނަގާ ބައްޔެއް މީގެ ދެތިން ވައްތަރު ހުރެއެވެ އެއީ )ހ( ގޮށް ދުވަނި )ށ( ރަސްދުވަނި މިއެވެ މިތަނުން އެންމެ ނުރައްކަލީ ރަސްދުވަންޏެވެ މިދުވަނިނަގާނީ ކަނދުރާއިން މަތިންނެވެ ތިރިއަށް ފައިބަމުންގޮސް މެޔަށްވުރެ ތިރިވެއްޖެނަމަ ވަރަށްބޮޑަށް ނުރައްކާވާނެއެވެ ބޮޑެތިމީހުންގެ ގައިން މިދުވަނި ނަގައިފިނަމަ ކިޔަނީ މާވިހައެވެ ދުވަނިވެއްޖެނަމަ ހުންނާނީނޫކޮށް ނުވަތަ ރަތްކޮށެވެ ގޮށް ދުވަނި ނަގާނީ ތަންތަން ކޮޅުގައިގޮށް ގޮށަށެވެ
ރަތްދުވަނި
ނ ދުވަނީގެ ރަތްބާވަތް މި ބަލި ގިނައިން ޖެހެނީ ޅަކުދިންނަށެވެ
ރަސްދުވަނި
ނ މުޅިގަޔަށް ފެތުރޭ ބައްޔެއް ރަސްދުވަނި ޖެހުނީމާ މުޅި ކުއްޖާ އޮންނާނީ ރީނދޫވެފައެވެ ކުޑަކަމުދާ އެއްޗެހިވެސް ރީނދޫ ވާނެއެވެ
ވައިނޮޅިދުވަނި
ނ ދުވަނީގެ ބާވަތެއް މިބަލީގައި ވާގޮތަކީ ވައިނޮޅި ދުޅަވެގެން އެއްޗެއް ނުދިރެނީއެވެ
ފެންދުވަނި
ނ ކުޑަކުދިންގެގައިން ނަގާ ފެންއެރިފައި ހުންނަ ބިހިގަނޑެއް ބައެއް ފަހަރަށް މުޅިގައިންވެސް މިނަގާފާނެއެވެ
ފޮޅުދުވަނި
ނ ބިހިތަކެއްހެން ނަގައިފައި ފޮޅަށްވާ ދުވަނި މިއީ ޢާއްމުގޮތެއްގައި ކުޑަކުދީންގެ ގައިގެ ތަންތަން ކުޑަކޮށް ރަތްވެފައި ނަގާ އެއްޗެއް
ދުވަނިވުން
މ ދުވަނިނެގުން
ދުވަނިތެޔޮ
ނ ދުވަނީގެ ފަރުވާއަކަށް ހަދައިފައި ހުންނަ ތެޔޮ
ގަނޑުދުވަނި
ނ އާދަޔާ ޚިލާފަށް މާބޮޑެތިކޮށް ނަގާ ދުވަނި