radheef.info
ރަދީފު


ދުނި
ނ (1) ހެވިކަމުގެ ގޮތުންނާއި ހަނގުރާމައިގެ ތެރޭގައްޔާއި އެއްގަމު ކެޔޮޅުކަމުގައި ދުނިދަނޑީގެ ބާރުން ފޮނުވާތީރު (2) އައިނުގެ އޮނިގަނޑު ނުވަތަ ފައިކަށި (3) ކުޑައިގެ ފޮތިގަނޑު ހަރުކުރާދުނި ގަނޑުން އެކަތި (4) އަތޮޅުގެ ރަށްތައް އެތުރިފައި ހުންނަ ބޭރުބުރު (5) ވޮއްޑުންޏެއްހެން އޮންނަ ބުރުފަޅި (6) ދެއެއްޗެއްއޭގެ އަމިއްލަޒާތުގައި ކައިރިވިޔަނުދިނުމަށް ނުވަތަ ދުރުވިޔަނުދިނުމަށް ހަރުކޮށްފައި ހުންނަ ނަރުކޮޅު ނުވަތަ އެތިކޮޅު (7) ގުޑީގެ އޮނިގަނޑުން ބައެއް
ބޭރުދުނި
ނ އަތޮޅުގެ އެންމެބޭރު ފަރު
އޮއިދުނި
ނ ކަނޑުތެރޭ އޮއި ދެމިފައި ހުންނަ ރޮނގުރޮނގު
ވައިދުނި
ނ (1) އާދަޔާ ޚިލާފަށް އުޑުމަތީން ފެންނަ ހުދު ދިގު ތުނި ވިލާފަށެއް މިއީ ވައިޖެހޭނެ ކަމުގެ ލިޝާނެއްކަމަށް ބުނެއުޅެއެވެ. (2) އިލޮށީން ނުވަތަ އޮނުން ކުރުފަލަ ތުތިމަހަކާ ގާތްސިފައަކަށް ހަދައިފައި ކަރުދާހުން ހިއްޕައިގެން އިރުވައިގައި އެއްލާން ގެންގުޅޭ ގުޑީގެ ބާވަތެއް މީގެ ތިރީގައި ކުޑަ ފިނދުފަތެއް ހުންނާނެއެވެ
ވިއްސާރަދުނި
ނ ވާރޭވެހޭ ވައްތަރަށް ދުނިޔެމަތި އޮންނަ ދުވަސްވަރަށް އިރު ހުންނަ ފަރާތް ނޫން އަނެއް ފަރާތުގެ އުޑުމަތީން ފެންނަ ދުންޏެއް މިއީ ފެން ތިކިތަކަށް އިރުގެ ދަޅައެޅިގެން ކުލަކުލައިގެ ފަށްތަކެއްގެ ސިފައިގައި ފެންނަ އެއްޗެކެވެ
ވިގަނިދުނި
ނ ވިގަނީގެ އަލި. މިއަލި ފެންނަނީ އަލިފާން ކުލައިގެ ދުންޏެއްހެން ކެނޑެމުން ކެނޑެމުން ކަމަށާއި މިދުނި އަޅާފައި ހުންނަނީ ގަބުރުސްތާނަށް ކަމަށްވެސް ބުނެވެއެވެ
ވިގަނި ބަލާ! ވިގަނިދުނިއެޅުން
މ ވިގަނީގެ އަލިފެނުން
މައިދުނި
ނ (1) އެއްލަން ގެންގުޅޭ ގުޑީގެ ބާވަތްތަކުގެ މެދުގައި ދިގަށްއަޅާ ދުނި (2) އަތޮޅުގެ ބޭރުފަރު
ފަޅިދުނި
ނ (1) ކުޑައިގައި ހޮޅިކޮށް ހުންނަ ދުނި (2) އައިނުގެ ލޮލުގެ ދެބައިކުޅަ އެއްބައިގައި ހުންނަ ދުނި
ފިންދުނި
ނ ރާރާގުޑީގެ އެންމެތިރިޔަށް ހުންނަދުނި
ފިންދުނި ކާއްތާލައިފައި ދިއުން
މ މަޖާޒު: )މިސާލުބަހެއް( މުސީބާތެއް ނުވަތަ ނުރައްކަލެއްގެ ތެރެއަށް ކިރިޔަ ކިރިޔާ ނުވެއްޓި ސަލާމަތް ވުން
ފިލްމީދުނިޔެ
ނ ބައިސްކޯފް ފިލްމު އުފައްދާ މީހުންނާއި ފިލްމް ކުޅޭ މީހުންނާއި އެ މީހުންގެ ދިރިއުޅުމާއި ފިލްމް އުފެއްދުމާ ބެހޭ ދާއިރާ
ފެންދުނި
ނ )ޏ ( ވިއްސާރަދުނި
ދުނިރުވުން
މ (1) ދުނިދަނޑީގެ ވަރައިގައި ދުނިއެޅުން (2) ދުނިފޮނުވައިލުމަށް ތައްޔާރުކުރުން
ދުނިބައި
ނ (1) ކާރު ލޮރީފަދަ ތަކެތީގެ ފުރޮޅު ހަރުކޮށްފައި ހުންނަބަޔާއި މައިގަނޑާދެމެދުގެ ހެލުން ކޮންޓްރޯލް ކުރުމަށް ދަގަނޑުން ހަދައިފައި ހުންނަ ފޮތިބައި (2) ކުޑައިގެ ފޮތިގަނޑު ހަރުކުރަން ހުންނަ ދުނިތައް
ދުނިބާރުވުން
މ ދުނިގަދަވުން
ދުނިކިއަހަ
ނ )ޏ ( ދުނިކީސް
ދުނިކިޔަހަ
ނ )ޏ ( ދުނިކީސް
ދުނިކީސް
ނ ދަގަނޑުފަދަ ތަކެތި ކީހުމަށް ތިލަބަދަލުކުރެވޭ ގޮތަށް ހަދައިފައި އޮންނަ އާލަތެއް
ދުނިކޮޅު
ނ (1) އަތޮޅުގެ ރަށްތައް އެތުރިފައި ހުންނަ ބޭރު ބުރުނިމޭ ހިސާބު (2) މާޅޮސްމަޑުލު ދެކުނުބުރީގައި އޮންނަ ފަޅުރަށެއްގެ ނަން (3) ވަކިފެންވަރަކަށް ބާރުގަދަކޮށްގެން ވަކިކަމަކަށް ބޭނުންކުރާ އެކަތަކޮޅެއް
ދުނިއެރުވުން
މ )ސ ( އެއްޗެއް ވޮއްޑުންޏަކަށް ވާގޮތަށް ލެނބުން