radheef.info
ރަދީފު


ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
ހައްޖުދިޔަވަރު
ނ އަހަރުތެރޭން އެންމެބޮޑަށް ހިކޭދިޔަވަރު
ރަންދަނޑި ދިޔަމަގު
ނ ބިމުއަޑީގައި ރަންދަނޑި ދުވެފައިވާ ކަމަށް ހީކުރާ ރޮނގު
ރަންދިޔަ
ނ (1) އަންހެންކުއްޖަކާ ބޮޑަށް ހިތާވެގެން ލޯބިން ކިޔާ ވަނަމެއް ގިނައިން މިބަސް އިސްތިޢުމާލު ކޮށް އުޅެނީ ޅެމުގައެވެ (2) މަޖާޒު: ކަޅުބިލަމަސް
ރަތްގަރުދިޔަ
ނ ގިނައިރު ކައްކައިގެން ނުވަތަ ގިނަ މަސްކައްކައިގެން ރަތްކުލައައިސްފައި ހުންނަ ގަރުދިޔަ
ރިހާކުރު ގަރުދިޔަ
ނ ހިކިމިރުހާއި ބިލަމަގު އަޅައިގެން ލޮނުލައިގެން ރިހާކުރުގައި ކައްކާ ދިޔަ
ރިހާކުރުދިޔަ
ނ ފިޔަޔާއި މިރުހާ ކޮށައިގެން ރަހަދޭވަރަށް ރިހާކުރާއި ލޮނާއި ހުތް އަޅައިގެން މޮޑެފައި ފެނަށް ނުވަތަ ކާށިކިރުގެ ތެރެއަށް ގިރުވައިގެން ހަދާ ލައިގެން ކާއެއްޗެއް
ބޮނޑަދިޔަ
)ސ ( ބޮޑުދިޔަ
ބޮޑަދިޔަ
)ލ ( ބޮޑުދިޔަ
ކަމުދިޔައުން
މ ކަމުދިޔުން
ކިރުގަރުދިޔަ
ނ ރީނދުލާއި މަހާއި ފިޔަޔާއި ރޯމިރުހާއި އަޅައިގެން ކާށިކިރުގައި ކައްކާ ލައިގެން ކާ އެއްޗެއް. މި މަހާއި ތަރުކާރީގައިވެސް ކައްކައި އުޅެއެވެ
ކުޑަދިޔަ
މަސްއޮޑީގެ ވަތެއް )މަލިކު( (1) ކުޑަވަތް (2) ނަނދޮޅުވަތް
އުޅުނބުދިޔަ
ނ އުއިކަޅުކުރާން ޖަހާ ދިޔަ މިއީ ކާށިފެނަށް ދޮން ދަގަނޑު އަޅައިފައި އުދުނު ފުއްޑަނުގައި ބަހައްޓައިގެން ހަދާ ދިޔައެއް
ވެދިޔަތަން
ނ އިސްވެ ހިނގައި ދިޔަ ޒަމާން
ވޭންދިޔަ
ނ ރަހަޔަކުންކުރެ ރަހަޔެއް ނުލާގޮތަށް ދިޔާކޮށް ކައްކައިފައި ނުވަތަ ހަދައިފައި ހުންނަ ލައިގެން ކާއެއްޗެތި
ވޭތުވެދިޔަ
ނއ (1) ފާއިތުވެ ދިޔަ (2) މާޒީވެ ދިޔަ
މަރުގެދިޔަ
ނ މީހެއްގެ މަރުގެ ބަދަލުގައި އަތުލައިދެވޭ ފައިސާ ނުވަތަ މުދާ
މިދިޔަ
ނއ (1) ވޭތުވި (2) ފާއިތުވި
ފަންތޮށިދިޔަ
ނ ފާވެފައި ހުންނަ ފަންތޮށިބުޑު ތަޅައިގެން ފެލާ ދިޔަ
ފަތްދިޔަ
ނ އަހިމުލުން ތައްޔާރުކުރާ ދިޔައެއް. މިއީ ފޭލިފަދަ ތަކެތި ވިއުމަށްޓަކައި އުއިގައި ކުލަޖެއްސުމަށް ބޭނުންކުރާ އެއްޗެކެވެ
ފާދިޔަ
ނ ނުބައިވެގެން ފައިބާ ދިޔަ