radheef.info
ރަދީފު


ދަނޑު
ނ (1) އެއްވައްތަރެއްގެ ގަސްހައްދައިފައި ހުންނަ ތަންތަން މިސާލު: )ހ( ހަނޑޫދަނޑު )ށ( އަލަދަނޑު (2) ބައެއްކަހަލަ ކުޅިވަރުކުލޭ ބިން މިސާލު: )ހ( ބޯޅަދަނޑު )ށ( ހޮކީދަނޑު (3) މަޖާޒު: ކަމެއްގެ ދާއިރާ މިސާލު: އޭނާއަކީ ޅެންވެރިކަމުގެ ދަނޑުގައި ވަރަށް ކުރިއަރައިފައި ހުރި މީހެކެވެ
ބޮޑުދަނޑުމަތި
ނ އިހުގައި މާލޭގެ އިރުމަތީ ފަރާތު ފާރުން އަތިރީން އުތުރުބައި
އެހުރުދަނޑު
ނ ދަނޑުކޮށާއިރު އެދަނޑުގެ ތެރެއިން އެދުރުމީހާއަށް ޚާއްޞަކޮށް ފައިވާ ދަނޑު
ދަނޑުހަނގު
ނ ދަނޑުފަނގު
ދަނޑުހެއްދުން
މ (1) ދަނޑެއްގައި ހައްދަން ގަސްތުކުރާ ވައްތަރެއްގެ ގަސް އެދަނޑެއްގައި އިންދައި ރޯކޮށް ބެލެހެއްޓުން (2) ދަނޑުވެރިކަން ކުރުން
ދަނޑުބިން
ނ ދަނޑުގޮވާންކޮށް އުޅޭ ބިން
ދަނޑުބުޅި
ނ (1) )ޅ ( ދަނޑު އަލިކޮށްފައި ފަސްގަނޑު ޖަހަން އަޅާ މަށަންދައްޗެއް (2) މ ދަނޑު ކޮށައިގެން ދަނޑަށް ގޮވާންލުމަށްފަހު ދަނޑުގައި އަޅަން ގެންގުޅޭ ވައްތަރެއްގެ މަށަންދައްޗެއް
ދަނޑުބުޅިއެޅުން
މ (1) ދަނޑު އަލިކޮށްފައި ފަސްގަނޑު ޖަހަން އަޅާ މަށަންދަތި އެޅުން (2) ދަނޑަށް ގޮވާންލުމަށްފަހު ދަނޑުގައި އަޅަން ގެންގުޅޭ ވައްތަރެއްގެ މަށަންދައްޗެއް އެޅުން
ދަނޑުކޮށުން
މ ދަނޑު ހެއްދުމަށްޓަކައި ވާކޮށައި ދަނޑުބިން ތައްޔާރުކުރުން
ދަނޑުއެންދުން
މ ދަނޑުކޮށައިގަސްތައް ހިކުނީމާ އެތަކެތި އެންދުން
ދަނޑުވަޅިޖެހުން
މ އިރުވަރުން ގޮވާން ކަނޑަން ފެށުން
ދަނޑުވެރިޔާ
ނ ދަނޑުހައްދާމީހާ
ދަނޑުމަތި
ނ ދަނޑުތެރެ
ދަނޑުފަނގު
ނ ގަސްގަހާގެހި ހައްދާ ދަނޑާއި އާމްދަނީ ލިބޭ ހިންނަފަދަ ތަންތަން
ދަނޑުގޮވާން
ނ ދަނޑުގައި ހައްދާގޮވާމުގެ ބާވަތްބާވަތް
ދަނޑުގޮވާންކުރުން
މ ދަނޑުހެއްދުން
ތަޅަދަނޑު
ނ )ލ ( ތަޅުދަނޑި