Radheef, ދިވެހިބަހުގެ ރަދީފު، ފޮޅުންގެ މާނަ

radheef.info

މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން

ހަނޑޫފޮޅުން

މ ބަތްޕޮޅިއަކަށް އަޅައިގެން ހަނޑުލުގެ ކުނޑިއާއި ނިޔާއި ބުރި ހަނޑުލާއި މޫހަނޑޫލާ ވަކިވާގޮތް ހެދުން

ހަންފޮޅުން

މ ގައިގެހަން މަރުވެ އެތިއެތިކޮޅަށް ނެއްޓުން

ހަފޮޅުން އެތެރެވުން

މ (1) މަތިކަނުން އެތެރެވުން (2) މަޖާޒު: ކޮންމެވެސް ޖަމާޢަތެއްގައި އެންމެ ދެރަ ގޮތުގައިނަމަވެސް ހިމެނިގެންވުން

ހީހަން ފޮޅުން

މ )ސ ( ތެޔޮހަން ކެނޑި ފާރުވާ ބަލިޖެހުން

ނޭފަތް ފޮޅުން

މ އަރިދަފުސްފޮޅުން

ކަންފޮޅުން

މ ކަމުފޮޅުން

ކަމުފޮޅުން

މ (1) ތަނަވަސްކަމެއް ޙާޞިލުވުން (2) ބޭނުންކަމެއްވުން (3) ބޭނުންހިފޭގޮތްވުން

މަހިފޮޅުން

މ މަހިއުފެދޭގޮތަށް ފެންމައްޗަށް ތިލަވެއުޅޭ މަސްއައިނާއި މަހުގެ ބައިބައިގަނޑު ބަޑިތަޅައިގެންފައި ކުއްލިއަކަށް އަޑިއަށް ދިއުން

ފަރިވެފޮޅުން

މ )ހ ( (1) ނުފޮޅޭ މަލެއްގެ ފިޔަތައް ދުރުވެ ރޫޅުން ނުވަތަ ނިއުޅި ހުޅުވުން (2) މަޖާޒު: އުފަލުން ފުރުން

ތޮށިފޮޅުން

މ (1) ގައިގެހަން ތޮށިތަކެއްހެން ނެއްޓުން (2) ގަސްގަހުގެ ތޮށި ހިކިގެން އަމިއްލައަށް ނެއްޓުން

ދަބަރުފޮޅުން

މ ދަބަރު ޖަހާއެއްޗެހީގައި އެތިކޮޅުކޮޅަށް ނެއްޓޭވަރަށް ބަދަރު އުފެދުން

ތަޅައިފޮޅުން

މ ރުޅިއައިސްގެން އެކަކު އަނެކެއްގެ ނުވަތަ އެއްބަޔަކު އަނެއްބައެއްގެ ގަޔަށް އަތްލުން

ތެޅީފޮޅުން

މ (ޏ) ތެޅިފޮޅުން