radheef.info
ރަދީފު


ފޭބުން
މ (1) ތިރިއަށް އައުން (2) އޮހުން (3) ރަށެއް ފަދަތަނަކަށް އެރުން ނުވަތަ އެފަދަތަނެއް ދޫކޮށްލައިފައި ދިއުން (4) މިސްކިތް ފަދަ ތަނަކުން ނުކުތުން (5) ނަމާދުކޮށް އަވަދިވުން (6) ހިކިފަސްތާކު ހުރެފައި ފެންގަނޑަކަށް ނުވަތަ މޫދަށް އެރުން (7) އުޅަނދެއްގެ ފަޅުވެރިންގެތެރެއިން މީހަކު އަމިއްލަޔަށް ވަކިވުން (8) ފަތް ނުވަތަ އިސްތަށި ވެރުން (9) ދުވަސްކޮޅަކަށް ރަށެއްގައި ހުރެލުން
ހަމަބިމަށްފޭބުން
މ (1) މަތީ މަޤާމަކަށް ދެވުމުން ބޮޑާވެ ކިބުރުވެރިވެފައި ހުރި މީހަކު ދަށް މަޤާމަކަށް ބަދަލުވުން (2) ކުއްލިއަކަށް ދިމާވާ ކަމެއްގެ ސަބަބުން އައިސްފައި ހުންނަ ރުޅިގަނޑު ފިލައިގެން ދިއުން
ނަގުލަށްގުއިފޭބުން
މަޖާޒު: ކޮންމެވެސް ގޮތަކުން މީހާގެ ގަދަރުނެތި ދެރަވުން
ނަގޫފޭބުން
މ ނަގޫރޯޅި ފޭބުން
ރޯޅިފޭބުން
މ ވިލާގަނޑުން ނަގޫފޭބުން
ބުރިފޭބުން
މ ފުރަގަސްފަރާތް ބޭރަށް ނުކުތުން
ކުނިފޭބުން
މ (1) ވިހައި މަސްތުރަ ވުމަށްފަހު ހަޑިތަކެތި އައުން (2) ފުރަގަސް ފަރާތުން ނަޖިސްނޫން އެހެން ހަޑިތަކެތި އައުން
ކެރިފޭބުން
މ (1) ދުރުގައި ހުރިވިލާގަނޑަކުން ވާރޭވެހިވެހި ހުރުން (2) ކެރިބޭލުން
ނ ކުޅިޖެހުމުގެ އިޞްޠިލާޙުގައި އޮނުގަނޑު އަޅައިގެން ވަކިގޮތަކަށް ކުރިއަށް ގޮސްފައި ފަހަތަށް އައިސް ހެދުން އަރައިފޭބުން
އަގުފޭބުން
މ (1) އަގުދެރަވުން (2) ޤަދަރުކުޑަވުން
އާރުކާޓީފޭބުން
މ (1) މަޖާޒު: މުސްކުޅިވެ ބާރުދެރަވުން (2) މީހާގެ އައްޒާތީކަން ދިއުން (3) އަންހެނުންގެ ޒުވާންފުރާ ދިއުން މިބަސް ގިނައިން ބުނެއުޅެނީ އަންހެނުންނާއި މެދުގައެވެ
އޮޔަށްފޭބުން
މ އޮޔާ ދަށްކުރުން
ވަރުފޭބުން
ނ (1) ފަންވަރު ދިއުން (2) ވަރުބަލިވުން (3) ކުރީގައި ހުރި ބާރު ކުޑަވުން
)އުރަވަޅީ ވައި( ވައިފޭބުން
ނ ބައްޔެއްގެ ނަން މިބަލީގައި ވާގޮތަކީ ދަށްބަނޑަށް ތަދުވުމާއިއެކު ވައިގެ ސަބަބުން އުރަވަޅި ބޮޑުވަނީއެވެ
ފަންވަރުފޭބުން
މ މަޖާޒު: ބާރުކެނޑުން
ފަލަށް ފޭބުން
މ ފަލަށް އެރުން
ފިނިފޭބުން
މ ވައިގެތެރޭގައި ހުންނަ ތެތްކަން އިތުރުވެ އެ ތެތްކަން ބިމަށާއި ގަސްގަހުގެ ފަތްތަކަށް ފޯރުން
ފުރަގަސްފަރާތްފޭބުން
މ (1) ވަޔަކުން ނުވަތަ ބަނޑުހިކިގެން ލިބޭ ހާނީއްކައަކުން ފުރަގަސް ފަރާތުން ނަޖިސް ނިކުންނަ ހޮޅީގެ ކޮޅުބޭރަށް ނުކުތުން (2) ބުރި ފޭބުން
ފުސްފޭބުން
މ ލޮލުގެ ގޮބޮޅީގެ މައްޗަށް ފުސްއެރުން
ފެންފޭބުން
މ (1) އުސްތަނަކުން ފެންއޮހުން. މިސާލު: ފަރުބަދަމަތިން ފެން އޮހުން. (2) ފުރާޅު ފަދަތަނަކުން ނުވަތަ ފެންއަޅައިފައި ހުރި އެއްޗަކުން ތަނެއް ހަލާކުވެގެން ފެންއޮހުން (3) ވާރޭ ހުއްޓުމަށްފަހު ގަސްގަސް ހެލިލުމުން ފެން އޮހޮރުން (4) ހަށިގަނޑުގެ ތަނަކުން ފެންނުކުމެ އޮހޮރުން
ފޭރާބުޑަށް ކިހައްޑިޔަފޭބުން
މ މަޖާޒު: ފިރިހެންމީހާގެ ގައިމަތީގައި އަންހެންމީހާ އޮވެ ޖިމާޢުވެގެން އެދުން ފުއްދުން