radheef.info
ރަދީފު


ކަށްފެންޖެހުން
މ ތަލަކުން ފެންޖެހުން
ވައިފެންޖެހުން
މ (1) ކުރުނބާ ކަނޑާއިރު އޭގެ ތެރޭގައި ހުންނަ ވައި ނެރެލުމަށްޓަކައި އެއްޗެއް ހަރައި ނުވަތަ އެއްޗަކުން ޖަހައި ތޮރުފައިލުން (2) މަޖާޒު: އުޅޭތަން ފިޔަވައި އެހެން ތަނެއްގެ ވަޔާއި ފެނުގެ ސަބަބުން ހަށިގަނޑު ރަނގަޅުވުން
ފަނިފެންޖެހުން
މ އެއްޗެއް ނުދިރޭވަރަށް ޙާލުދެރަވެފައިވާ މީހަކަށް ފަނިފޮދު ފެންފޮދު ދިރޭގޮތްވުން
ފާތިޙާތަށީގެފެންޖެހުން
މ އިހުގައި ފާތިޙާ ކިޔަވާއިރު "ޔަރުޙަމުއްﷲހުއްމަ" ދުޢާ ކިޔަން އަތްނެގީމާ ފާތިޙާޔަށް އަޅާފައި ހުންނަ ތަށީގައި ބަތްހުރިނަމަ އެބަތް އަވަހަށް ހުސްކޮށްލައިފައި އެތަށި ނުދޮވެ އެތައްޓަށް ފެންފޮދެއް އަޅައިފައި ބޮޑުއަށި ތަންދޮށަށާއި ގޯތިތެރެޔަށް އުކައިލުން މިހެން ހަދާނީ ތިން ފަހަރުއެވެ
ފިނިފެންޖެހުން
މ މާލޫދު ދެބައިކުރަން ތެދުވީމާ ހުވަނދުދީފައި ގުލާބުދާނުން މީރުވަސް ދުއްވައިފައި ހުންނަފެން ވިއްސުން އެކިއެކި ކުޅިވަރުތައް ކުޅޭ އިރުވެސް މިގޮތަށް ފެންވިއްސައެވެ
ފެންޖެހުން
މ (1) ފެންޖެހުމަށް ތައްޔާރުކޮށްފައި ހުންނަ ހޮޅިފަދަ އެއްޗަކުން ވިނަ ހައްދައިފައިވާ ތަންތަނަށާއި ގަސްގަހާގެއްސަށް ފެންދިނުން (2) މަގުމަގާއި އެކިއެކި ތަންތަނުގެ ހިރަފުސް ބޯވުމުން ފެންޖަހާ ހޮޅިން ނުވަތަ ފެންދޭ އެތިގަނޑުން ބިންގަނޑުތެންމުން (3) ފެންއުކުން (4) ކާށީގެ ދިޔަޖެހުން
ތަލަކުންފެންޖެހުން
މ މައްޔިތާވަޅުލައިފައި އަތްދާނިން މަހާނަމައްޗަށް ފެންވިއްސުން
ތެޔޮތާހަށްފެންޖެހުން
މ މަޖާޒު: ރުޅިއައިސްފައިހުރި މީހެއްގެ ރުޅިގަދަވާނެ ކަހަލަ ކަމެއްކުރުން ނުވަތަ އެފަދަ އެއްޗެކޭ ބުނުން
ލޭފެންޖެހުން
މ (1) ރޫފަ ރަނގަޅުވުން (2) ރޫފަޖެހުން
ގައިފެންޖެހުން
މ މަޖާޒު: (1) ފެންވެރުން (2) ގައިންތާހިރުވުން