radheef.info
ރަދީފު


ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
އެތެރެމާފިތް
ނ )ލ ( ގިފިލި
ފިތްނެގުން
މ (1) ހަށިގަނޑުގެ ތަންތާގައި ބައެއް ޒާތުގެ އެއްޗެހި ހެފީމާ އެ ތަނެއް ދުޅަވުން. (2) މީހެއްގެ ނުވަތަ ކުއްޖެއްގެ ގައިގައި އިލޮށި ފަތިން ނުވަތަ އިލޮއްޓަކުން އަދި ނުވަތަ އެއްތެޔޮ ގަނޑެއް ފަދަ ހިމަ އެއްޗަކުން ޖެހީމާ އެތަނެއް އުފުލުން (3) ވިހައެއްގެ ސަބަބުން ނުވަތަ ބައްޔެއްގެ ސަބަބުން ހިރުވައިފައި ނުވަތަ ނުހިރުވާ ހަށިގަނޑުގެ ތަންތަންކޮޅު އުފުލުން
ފިތްކަނޑައިގެންދިއުން
މ ބިރު ނިހާޔަތަށް ދިޔަކަން ބަޔާންކުރުމުގެ ގޮތުން ބިރާ ގުޅުވައިގެން ބުނެއުޅޭ ބަހެއް މިސާލު: އެރޭ އެޖެހި ގުގުރިން އަހަރެން ބިރުން ފިތްކަނޑައިގެން ދާވަރުވިއެވެ
ފިތްއިލޮށި
ނ އިލޮށި
ފިތްވަކަރު
ނ )ހދ ބ ( ފިތްދާލި
ފިތްފަން
ނ ރުކުގެ ފޮޅުޖަހައިފައި ހުންނަ ފަން
ފިތްދާލި
ނ ދިވެހި ބޭހުގެ ބާވަތެއް މިއީ ގައިން ފިތްނެގުމުން ގާނައިގެން ވަށާން ނުވަތަ ބޯން ބޭނުން ކުރާ ފިތްފިތަށް ހުންނަ ލަކުޑިއެކެވެ
ފިތްދާލިހެލުން
މ )ސ ( ނިޔަރޮދިން ހަންފޮޅުން
ފިތްގަނޑު
ނ ކެވޭ އެއްޗެއްގެ ސަބަބުން ނުވަތަ ގައިގައި އެއްޗެއް ހެފުމުން ހަށިގަނޑުން އުފުލޭ ތަންތަން މިސާލު: މާމަކުނު ހެފީމާ ނަގާ ފިތްގަނޑު
ފިތްޖެހިއުޅާ
ނ އުޅަލުގެ ބޭރުފިތްފިތަށް ހުންނަ އުޅާ
)ފިތް މިބަހުގެ 7 ވަނަ މާނަ ބަލާ!( ފިތްޖެހިތެލި
ނ ފިތްޖަހައިފައި ހުންނަ ތެލި
ފިތްޖެހިތޮރާ
ނ ފިތްފިތަށް ހުންނަ ތޮރާ
ފިތްޖެހިގޯނބިލި
ނ (1) ފިތްޖެހި ގޯބިލިފުޅި (2) ގުޑުގުޑާ ފުޅި
ދެލިމަހިފިތް
ނ )ޏ ( ދިލަފުށި
ލޭފިތް
ނ ދުވަނީގެ ބާވަތެއް މިހުންނާނީ ބިހިތަކެއްހެން ލޭކުލައިގައެވެ މިއަށް ފަރުވާއެއް ނުލިބި ގިނަދުވަސް ވެއްޖެނަމަ މިތަން ފާރުވެދާނެއެވެ