radheef.info
ރަދީފު


ފަރުވާ
ނ (1) ބަލިވެއުޅޭ މީހެއްގެ ބައްޔަށް ފަސޭހަ ކުރުމަށްޓަކައި ކުރާ ކަންތައްތައް (2) ކަންކަމަށް ކަމޭހީކުރާ ކުރުން (3) ހޭހަން (4) ކުރާބޭސް
ހުވަނދު ފަރުވާ
ނ ގަސްގަހާގެއްސާއި މާމެލާމެލިން ނަގާ އަތަރާއި ހުވަނދު ބޭނުންކޮށްގެން ދޭ ފަރުވާއެއް
ބޭފަރުވާ
ނ ފަރުވާކުޑަ
ބޭސް ފަރުވާކުރުން
މ ބޭސްކުރުމާއި އެކަމާބެހޭ ގޮތުން ކުރާ ކަންތައްތައް ކުރުން
ބޭސްފަރުވާ
ނ ބޭސްކުރުމާއި އެކަމާބެހޭ ގޮތުން ކުރާ ކަންތައްތައް
ކަށީފަރުވާ
ނ ސީނުކަރައިގެ ހަކީމީ ފަރުވާއެއް މިއީ ހަށިގަނޑުގެ ވަކި ޚާއްޞަ ތަންތަނަށް ހިމަ ކަށިތަކެއް ހަރައިގެން ދޭ ފަރުވާއެކެވެ
ވިންދުފަރުވާ
ނ ހަކީމީ ފަރުވާއެއް މިއީ ފައިތިލައާއި އަތްތިލައާއި ބޮލުގެ ވަކި ތަންތަނަކަށް އޮބައިގެން ދޭ ފަރުވާއެކެވެ
ފަރުވާހޯދުން
މ ބަލިބައްޔަށާއި އުނދަގޫތަކަށް ފަސޭހަވާނޭގޮތް ނުވަތަ ލުއި ވާނެގޮތް ހޯދުން
ފަރުވާބެހެއްޓެވުން
މ ފަރުވާބެހެއްޓުން މިބަހުގެ މާތްގޮތާއި އެންމެ މާތްގޮތް
ފަރުވާކުރުން
މ (1) ބަލިވެއުޅޭ މީހެއްގެ ބައްޔަށް ފަސޭހަ ކުރުމަށްޓަކައި ކުރާ ކަންތައްތައް ކުރުން (2) ހޭހަންކުރުން (3) ބޭސް ކުރުން
ފަރުވާކުޑަ
ނއ (1) ފަރުވާތެރި މިބަހުގެ އިދިކޮޅު (2) އަޅާލުމެއް ނެތް (3) ސަމާލުކަން ކުޑަ
ފަރުވާކުޑަކަން
ނއނ (1) ފަރުވާތެރިކަމުގެ އިދިކޮޅު (2) ކަމަކަށްދޭންޖެހޭ ސަމާލުކަމާއި ބަހައްޓަންޖެހޭ ރައްކާތެރިކަމާއި އަހައްމިއްޔަތުކަން ދޭގޮތްނެތުން
ފަރުވާކުޑަކުރުން
މ (1) ކަންކަމަށް ދޭންޖެހޭ ސަމާލުކަން ނުދިނުން (2) ކަންކަމަށް ބަހައްޓަންޖެހޭ އަހައްމިއްޔަތު ނުބެހެއްޓުން (3) ކަންކަމަށް ބަހައްޓަންޖެހޭ ރައްކާތެރިކަން ނުބެހެއްޓުން (4) އަޅާލަން ޖެހޭކަންކަމާ އަޅާނުލުން
ފަރުވާކުޑަކޮށްލުން
މ (1) ފަރުވާކުޑަކުރުން މިބަހުގެ ލުއިގޮތް (2) ގަސްދުގައި ފަރުވާ ކުޑަ ކުރުން
ފަރުވާވުން
މ (1) ސަމާލުވުން (2) ހުޝިޔާރުވުން
ފަރުވާދިނުން
މ (1) ބަލިބައްޔަށް ބޭސްފަރުވާ ކޮށްދިނުން (2) ހޭހަން ކޮށްދިނުން
ފަރުވާތެރި
ނއ (1) ކަންކަމަށް ދޭންޖެހޭ ސަމާލުކަންދޭ (2) ކަންކަމަށް ބަހައްޓަންޖެހޭ އަހައްމިއްޔަތު ބަހައްޓާ (3) ކަންކަމަށް ބަހައްޓަންޖެހޭ ރައްކާތެރިކަން ބަހައްޓާ (4) އަޅާލަންޖެހޭ ކަންކަމާ އަޅާލާ
ފަރުވާތެރިކަން
ނއނ (1) ކަންކަމަށް ދޭންޖެހޭ ސަމާލުކަން (2) ކަންކަމަށް ބަހައްޓަން ޖެހޭ އަހައްމިއްޔަތު (3) ކަންކަމަށް ބަހައްޓަންޖެހޭ ރައްކާތެރިކަން (4) ކަންކަމުގާ އަޅާލާ އަޅާލުން
ފަރުވާތެރިކަންބެހެއްޓުން
މ (1) ކަންކަމަށް ދޭންޖެހޭ ސަމާލުކަން ދިނުން (2) ކަންކަމަށް ބަހައްޓަންޖެހޭ އަހައްމިއްޔަތު ބެހެއްޓުން (3) ކަންކަމަށް ބަހައްޓަންޖެހޭ ރައްކާތެރިކަން ބެހެއްޓުން (4) އަޅާލަންޖެހޭ ކަންކަމުގައި އަޅާލުން
ފަރުވާތެރިވުން
މ ފަރުވާތެރިކަން ބެހެއްޓުން
ފަރުވާލެއްނެތުން
މ (1) އަޅާލުމެއްނެތުން (2) ކަމެއް ކޮންމެ ގޮތަކަށް ދިޔައަސްވަރިހަމަވުން