radheef.info
ރަދީފު


ވެނި
ނ )ބދ ( ހަތަރު އިނގިލި ދިއްކޮށްގެން ކުރާ އިޝާރާތް
ހަނދުވެނިފާންކަން
ނއނ )ބދ ( ހަނދުވަރުގެ އަލިކަން
ހިނެވެނި
ނ އަންހެން ބޭފުޅުން އަރިހުގައި އުޅޭ ޚާއްޞަ ޚާދިމާ
ނުފިރުކެވެނިސް ދުވަން ނޫޅޭށެވެ
(ހަރުބަހެއް) (1) ކަމެއް ކުރަން ރަގަޅަށް ނޭގެނީސް އެކަންމޮޅަށް ދަންނަމީހަކަށް ހެދިގެން ނޫޅޭށޭ ބުނުމަށްޓަކައި ބުނެއުޅޭ ބަހެއް (2) ތިމާ އުޅެންވާނީ ތިމާގެ ފެންވަރުންނޭ ބުނަން ބުނެއުޅޭ ބަހެއް
ބޮޑުކިޔެވެނިން
ނ އިހުގައި. ދުޢާ ވެރިކަމާ އޮލީއާ މިބާވަތުގެ ރަސްމީ ކިޔެވުން ކިޔަވަން ދައުލަތުން ޚާއްޞަ ކުރައްވާފައިވާ ބައެއް. މިޖަމާޢަތް އެކުލެވިގެންވަނީ ދެ ޚަތީބުންނާއި ދެމަލިމުންނާއި ފަނޑިޔާރުގޭ ހަތަރު ނާއިބު ބޭކަލުންނާއި އަދި ފަސްމުދިން ބޭކަލުންގެ މައްޗަށެވެ
ކައިވެނި
ނ ކާވެނި
ކާވެނި
ނ (1) އަންހެނަކާ ފިހެނަކު ފިރިއަކާ އަންބެއްގެ ގޮތުގައި ދިރިއުޅުމަށް ދީނީ ހަމަތަކުގެ މަތިން އެދެމީހުން ގުޅުވައިދޭ ގުޅުވައިދިނުން (2) ނިކާހަ
ކާވެނިރަން
ނ ކާވެނިވާ ފިރިހެންމީހާ އަންހެން މީހާއަށް ޝަރުޢީގޮތުން ދޭންޖެހޭ އެއްޗެއް މިފައިސާ އިންނާއި ތަކެތީގެ ގޮތުން ދީއުޅެއެވެ މީގެ މިންވަރު ކަނޑައަޅާނީ އަންހެންމީހާއެވެ
ކާވެނިބަތް
ނ ކާވެނިވީ ފިރިހެންމީހާ އެކަމުގެ އުފަލުގައި ގާތްމީހުންނާއި ރަޙުމަތްތެރީންނަށް ކާންދޭ ކެއުން
ކާވެނިކުރުން
މ އަންހެނަކާ ފިރިހެނަކު ފިރިއަކާ އަންބެއްގެ ގޮތުގައި ދިރިއުޅަމަށް ދީނީ ހަމަތަކުގެ މަތިން އެދެމީހުން ގުޅުވައިދިނުން
ކާވެނިވުން
މ އަންހެނަކާ ފިރިހެނަކު ފިރިއަކާ އަންބެއްގެ ގޮތުގައި ދިރިއުޅަމަށް ދީނީ ހަމަތަކުގެ މަތިން އެދެމީހުން ގުޅުވުން
ކާވެނިމަތީ ތިންގަނޑެތި
ނ ކާވެނީގެ މުނާސަބާގައި ފިރިމީހާ އަނބިމީހާއަށް ދޭ ހެދުން
ކާވެނިޚުޠުބާ
ނ ކައިވެނިލައިދޭ މީހާ ކައިވެނިކުރާ ފިރިހެން މީހާއަށާއި އަންހެން މީހާއަށް ދޭ ނަޞޭޙަތް
ނ ކިޔެވެނި މިބަހުގެ އެއްވަނަ މާނަ ބަލާ! ކިއެވެނި
ކިޔެވެނި
ނ (1) ރަސްމީ ކިޔެވުންތައް ކިޔަވާން ދައުލަތުން ލައްވައިފައިވާ ޖަމާޢަތުގެ މީހެއް (2) )ރ ( ގިއުޅުފާޑަށް ހުންނަ ކަޅުކުލައިގެ މަހެއް
ކުދިކިޔެވެނިން
ނ ކަނބާ ޒިޔާރަތުގެ ފަސް ކިޔެވެނިންނާއި އެތެރެ ކޮއިލު މިސްކިތު ޒިޔާރަތުގެ ފަސް ކިޔެވެނިން
އައުކާވެނި
ނ އަލަށްކުރާ ކާވެނި
އެކުވެނި
ނ އެއްކަމަކާ ގުޅޭ ތަފާތު މަސައްކަތްތައް ހިނގާ ވިއުގައެއްގެ އިންތިޒާމުތައް އެކުލެވޭ ޢިމާރާތް މިސާލު: ކުޅިވަރު އެކުވެނި
އެވެނި
ނއ ތިމާއަށް އެނގިފައިވާ ކަމަކަށް ނުވަތަ އެއްޗަކަށް އިޝާރާތްކޮށް ބުނާގޮތެއް މިސާލު: އެވެނިކަމެއް ނުކުރާށެވެ
އެވެނިމިވެނި
ނއ ކަންތައްތަކެއްގެ ނުވަތަ އެއްޗެހިތަކެއްގެ މައްޗަށް އިޝާރާތްކޮށް ނަން ނުބުނެ އޭގެ ބަދަލުގައި ބުނާގޮތެއް. މިސާލަކަށް: އެވެނިމިވެނި ގޮތަށް އުޅޭ އެވެނިމިވެނި ކަންތައް ކުރޭ އެވެނިމިވެނި އެއްޗެހި ހޯދާ
ވަލީނެތްކާވެނި
ނ (1) ނަސަބުގެ ގޮތުން އަންހެނެއްގެވަލީ އަރާމީހަކުނެތް ކާވެނި (2) ޙާކިމާ ވަލީދީގެން ކުރާ ކާވެނި