radheef.info
ރަދީފު


ރަތްވިލާއޮއްސުން
މ އިރުއޮއްސޭއިރު ހުޅަނގު ފަރާތު އުދަރެހުގައި ހުންނަ ކުލަތައް ފިލައިގެން ދިޔުން
ކޮޅުއޮއްސުން
މ ދިވެހިރުއް ދުވަސްވެގެން ފަންނުފޮޅޭ ގޮތްވުން
އިރުއޮއްސުން
މ (1) އިރުހުޅަނގަށްގޮސް އުދަރެހުގެ ތިރިޔަށް މުޅީން ނިވައިވުން (2) އިރުއަސްތަވުން
އޮއްސުން
މ (1) އިރު ހަނދު ތަރި ވިލާފަދަ އުޑުމަތިން ފެންނަ ތަކެތި އުދަރެހާ އެޅި ނުފެންނަގޮތްވުން. (2) ގޮސް އަނބުރާ ނުފެންނާނޭ ގޮތެއްގައި އަނބުރައިލުން. (3) ރުއް ގިނަދުވަސްވެގެންގޮސް އެއްޗެއް ނުގަންނަގޮތްވުން މިހެން ވީމާ ކިޔަނީ "ކުރިއޮއްސުމެ"ވެ (4) މަޖާޒު: މީހަކު އަނބުރާ އަންނާން ތާކަށް ގޮސްފައި ދެން ނައުން (5) މީހަކު އަލުން ކުރިނާރާ ގޮތުގައި ދަށަށް ދިއުން
ވާދޫ ކަނޑަށް ގަހާތަރި އޮއްސުން
މ މަޖާޒު: އިތުބާރު ނުކުރެވޭ މީހަކާ އެއްޗެއް ޙަވާލުކުރުމުން އެއެއްޗެއް ގެއްލިދާނެކަން އަންގައިދިނުމުގެ ގޮތުން ބުނެ އުޅޭ ބުނުމެއް
ފެންއޮއްސުން
މ (1) ފެން އަޅައިފައި ހުރި އެއްޗަކުން އަނެކައްޗަކަށް ނުވަތަ ތަނަކަށް އެފެން އެޅުން (2) ފެން އަޅައިގެން އުވަ ފުރޭނީމާ އޭގައި ހުންނަ އުވަތައް ނުފައިބާނޭހެން މަޑުމަޑުން ފެންހުސްކުރުން (3) ތެޔޮހާނަން ކިރު އެތި ކައްކައިފައި ބެހެއްޓީމާ ތެލާ ވަކިން އަޑީގައި ހުންނަ ފެން ހުސްކުރުން (4) މަޑުކުރާ ތަކެތީގައި ހުންނަ ފެން ބޭރަށް އަޅައިލުން (5) ހަނޑޫ ދޮވެފައި ހުންނަ ފެން ބޭރަށް އަޅައިލުން (6) ހިތި ފިލުވުމަށް ފެނަށް އަޅައިފައި ހުންނަ އެއްޗެހިން ފެން ހުސްކުރުން
ތަރިއޮއްސުން
މ (1) ގިނިހިލައިގައި ރޯވެގެންގޮސް ހުލިވުން (2) ތަރިނިވުން މަޖާޒު: (3) ކަމަކަށް މަޝްހޫރުމީހަކު މަރުވުން (4) މަޝްހޫރުކަން ދިއުން ނުވަތަ ލިބިލިބިހުރި ރަނގަޅެއް ހުއްޓުމަކަށް އައުން (5) ނަސީބުދަށަށް ދިއުން