radheef.info
ރަދީފު


އޫ
ނ (1) އެކި ބޭނުމަށްޓަކައި އެއްޗިއްސަށާއި ތަންތަނަށް ހަރާން ކޮޅު ފޭއްސައިގެން ގެންގުޅޭ އެއްޗެއް މިސާލު: މަސްފިހާއޫ ބެންބޮޅުނަގާއޫ (2) ޔޫރަޕްމީހުން ކާންގެންގުޅޭ ކަށިގަނޑު މިހުންނާނީ ދަނޑި ސަމުސަލެއްގެ ސިފާގައި ކޮޅު ހަތަރު ދަތަށެވެ (3) )ސ ( އުއި (4) ނއ އެއްކޮޅު ފޭހިފައިވާ
ކަށިއޫރު
ނ ދޫނިފަތުގެ ތަނޑުކަހަލަ ކުރެހުންއެޅި ދިގު ތުނޑު ތޫނު ކަށިތަކެއް މުޅިގައިން ފަޅައިފައިވާ ކުޑަވަރެއްގެ ޖަނަވާރެއް. މީހެއްގެ އުނދަގުލެއް ފޯރައިފިނަމަ މި ފުއްޕާލައެވެ
އޫނ
އ (1) ނޫނެކޭ ބުނުމުގެ ބަދަލުގައި ބުނެއުޅޭގޮތެއް. (2) ކީކޭހޭ އެހުމުގެ ގޮތުން ބުނެއުޅޭ ބަހެއް. (3) އޯތްޔޭ ބުނާން ބޭނުންކުރާ އަކުރެއް. (4) ރުޅިއައިސްގެން "ތިޔަހެން ނުހަދާށޭ" ބުނުމުގެ މާނައިންވެސް މިހެން ކިޔަތެވެ. (5) އެކަންތައް ދެނަހުރިނަމަ ނުކުރާނޭކަމެއް ކޮށްކޮށްހުއްޓައި އަނެކެއްގެ ފަރާތުން ތިމާއަށް އެނގޭ ވަގުތު ބުނާ ގޮތެއް. (6) ނިދާފައި އޮންނަމީހާއަށް ގޮވީމާ ހޭ ލެވެމުންދާއިރު އަނގައިން ބުނާގޮތެއް. މިމާނަތައް ދޭހަވާނީ ބުނާރާގުންނާއި ބުނެވޭ ދިގުކުރު މިނުންނެވެ
އޫނއެޅުން
މ ޙާލުދެރަވެ ނުވަތަ ނިދާފައިވާ މީހަކަށް ގޮވީމާ ކިރިޔާ އާނއެކޭ ބުނުން
އޫނާޑެތޯޅު
ނ )ގ ( ތުންދިގު ތޮޅި
އޫރު
ނ (1) ހަތަރެސްފައިކުރު ހަށިގަނޑު ބޮނޑިމަސް. އަނގަކުޑަ ޖަނަވާރެއް މީގެ މަސް ވިލާތުމީހުން ވަރަށް ގިނައިން ކައިއުޅެއެވެ އިސްލާމުންނަށް މީގެ މަސްކެއުން ޙަރާމެވެ (2) ސުވަރު
އޫބޫފިލި
ނ ބަޅުފިޅީގެ ދެމޭފިލި
އޫފިޔަމަދިރި
ނ (1) ހިމަދިގުކޮށް އަޅިކުލައިގައި ހުންނަ މަދިރިއެއް. މިބާވަތުގެ މަދިރި ލޭބޯއިރު ބަނޑުފުރުނީމާ ލޭތައް ދުއްވައިލައިފައި އަނެއްކާވެސް ބޯނީއެވެ. މިހެފީމާ އެހެން މަދިރި ހެފުމަށްވުރެ މާތަދުވާނެއެވެ
އޫދު
ނ ނަރުފުރައިފައި އޮންނަ ލަވަޖަހާ އެއްޗެއް
އޫދެއު
ނ (ސ) ދިގުދައު
އޫތެއްރާ
ނ )ގ ( އުއިވަށައިފައި އޮންނަތޭރި
އޫގަނޑޮ
ނ )ސ ( (1) އުއިގަނޑު (2) ވިޔާން ފުރައިފައި ހުންނަ އުއިފަށްތައް
އޫޑުވަކި
ނ )ގ ( ކިރުދޫނި
ވަލުއޫރު
ނ މީދަލާ ވައްތަރު މީދަލަށް ވުރެބޮޑު އޫރަށްވުރެން ކުޑަ ޖަނަވާރެއް
ވެލިއޫޑު
ނ )ގ ( އުނިޔަމަހުގެ ބާވަތެއް
ވެލިއޫޑު
ނ )ގ ( ވެލިއުޑި
މަސްއޫލިއްޔަތު
ނ (1) ކަމެއްގެ ޒިންމާ (2) ކަމެއް ބޮލުގައި އަޅަންޖެހޭ ޖެހުން
މަސްއޫލު
ނ (1) ކަމެއް ބޮލުގައި އެޅިފައިވާ (2) ކަމެއްގެ ޒިންމާއެޅިފައިވާ
މަސްއޫލުވުން
މ (1) ކަމަކާ ޒިންމާވުން (2) ކަމެއް ބޮލުގައި އެޅުން
މަސްއޫލުވެރިޔާ
ނ ޒިންމާ ބޮލުގައި އަޅަންޖެހޭ މީހާ
ތެދެއޫވަޑާން
ނ )ސ ( ތެދުއުއިވަޑާން