radheef.info
ރަދީފު


އަޅު
ނ (1) ކޮންމެ އިންސާނަކީ ﷲގެ އަޅެއް (2) މީހަކަށް މިލްކުވެފައިވާ މީހާ (3) މިނިވަންކަން ލިބިގެންނުވާމީހާ (4) ދުޢާކުރާއިރު ނިކަމެތިކަމުގެ ގޮތުން "އަހަންނޭ" ބުނާބަސް
ވަރިޔާއަޅުވާބުނުން
މ (1) ތިމާގެ އަނބިމީހާ ވަކިކަމެއް ކޮށްފިނަމަ ނުވަތަ ނުކޮށްފިނަމަ އަނތްބެއް ނޫނޭ ބުނުން. މިސާލު: އަހަންނާއެކީ އުޅެން އަހަރެންގެ ގެޔަށް ނުދިޔައްޔާ ތިޔައީ އަހަރެންގެ އަނތްބެއް ނޫނޭ ބުނުން. (2) ފިރިމީހާ ތިމާގެ އަނބިމީހާ ގާތު ތިމަންނާ ވަކިކަމެއް ކޮށްފިނަމަ ނުވަތަ ނުކޮށްފިނަމަ އަންބެއް ނޫނޭ ބުނުން
މ ވަރިޔާ އަޅުވާބުނުން ބަލާ! ވަރިޔާއެޅުވުން
ހިއަޅު
ނ ހިޔަޅު
ނަހައްދަވާއަޅުން
މަޖާޒު: ރަނގަޅުކަމުގެ ގޮތުން ނުވަތަ ނުބައިކަމުގެ ގޮތުން ވިއަސް ފާހަގަ ކުރެވޭފަދަ ކަމެއް ނުކުރެވޭ މީހުން
ބުރުއަޅުވައިލުން
މ (1) ވިއްސައިލުން (2) ކަމޭނުހިތާ ގޮތުގައި އެއްލައިލުން
އަޅުކަން
ނ (1) އެކަން ކުރުމުން ސަވާބުލިބޭކަންތައް (2) ކީރިތިﷲ ރުހި ވޮޑިގެންވާކަންތައް (3) ހެޔޮކަންތައް
އަޅުކަންކުރުން
މ އެކަން ތަކުން ސަވާބުލިބޭކަންތައްކުރުން. މިސާލު: ނަމާދުކުރުން ޞަދަޤާތްދިނުން ޤުރުއާން ކިޔެވުން
އަޅުވައިލުން
މ އެޅުވުމަށް ކިޔާލުއިގޮތް
އަޅުވެރި
ނއ އަޅުކަންތައް ގިނައިންކުރާ
އަޅުވެރިކަން
ނއނ އަޅުވެރި
އަޅުވެރިޔާ
ނ ގިނައިން އަޅުކަންތައްކުރާމީހާ
އަޅުވެތި
ނއ (1) އަޅަކާ އެއްފަދަ (2) އަޅެއްގެ ގޮތްހުރި
އަޅުވެތިކަން
ނއނ އަޅުވެތި
އަޅުވެތިކުރުން
މ އަޅެއްގެ ގޮތްހެދުން
އަޅުވެތިވުން
މ އަޅަކާ އެއްގޮތްވުން
އަޅުދާސް
ނ އަޅުވެތިކަން
އަޅުދާސްކުރުން
ނ އަޅުވެތިކުރުން
އަޅުދާސްވުން
މ އަޅުވެތިވުން
އަޅުގަނޑު
ނ ތިމާއަށްވުރެމޮޅުމީހުންނާ ވާހަކަދައްކާއިރު އަހަންނޭ ބުނުމުގެ ބަދަލުގައި ބުނާގޮތެއް
އަތުއަޅުވައިލުން
މ އެއްޗެއް އަތުލައިގަތުން