radheef.info
ރަދީފު


ކޮތަރި
ނ (1) މަހުގެ ބުރިކަށިމަތީގައްޔާއި މަހުގެ ބަނޑުދަށުން ފޫޅުދަނޑީން ތިރީގައި ހަނިކޮށް ތުނޑުތުނޑަށް އުފުއްލާފައި ހުންނަފަށް (2) ދުންމާރި އެދުރުމީހާގެ ދުންމާރީގެ މަތީފަރާތުގައި މަހުގެ ކޮތަރިފާޑަށް ގުދުކޮށް ހަރުކޮށްފައި އޮންނަ ތުނޑުބައެއް މިހަރުކުރާނީ ރަސްމީ ބޮޑެތި ދުވަސްދުވަހަށެވެ
ބުރަކަށިމަތީގެ ކޮތަރިބައިގެ ހަރު ކަށިތައް ހުންނާނީ ގަދަމުށި ކުލައިގައެވެ ރަންރޮނގުލޮނދިމަސް
ނ ފާނައާ ވަރަށް އެއްގޮތް ސިފައެއްގައި ހުންނަ މަހެއް މިމަހުގެ ބޭރު ހަންގަނޑުގައި ވިހަ ލޮންޖެއް ހުރެއެވެ މަހުގެ ދެއަރިމަތީގައި މަހުގެ ދިގަށް ރަތްކުލައިގެ ފަސް ރޮނގު ނުވަތަ ހަ ރޮނގު ހުރެއެވެ
ރަތްކޮތަރިރައިވެރިމަސް
ހށ ރައިވެރިމަހުގެ ބާވަތެއް މިމަހުގެ ކުލައަކީ ރިހިކުލައެވެ މިރިހިކުލައާއެކު ރަތްކުލަިއގެ ދަޅައެއް މަހުގައި ހުރެއެވެ ނިގޫފަތް ހުންނާނީ މަޑުރަތްކުލައިގައެވެ
ކަޅުކޮތަރިރައިވެރިމަސް
ނ ރައިވެރިމަހުގެ ބާވަތެއް. މިމަހުގެ ކަރުތާފަތުގެ ކުރީބައިގެ ތރީގައި ވަރަށް ތޫނު ހަރުކައްޓެއް ހުރެއެވެ. މަހުގެ ތިރީތުން މަތީ ތުނބަށްވުރެ ދިގުވާނެއެވެ މަހުގެ ހުޅުނބުތަކުގެ މެދު ހުންނަނީ މަޑުރަތްކުލައެއްގައެވެ ބުރަކަށިމަތީގެ ކޮތަރިބައިގެ ހަރުކަށިތަކުގެ މަތީ ބަޔާއި ތިރީބައި ފިޔަވައި މުޅި ކޮތަރިބައި ހުންނަނީ ކަޅުކުލައިގައެވެ
ކަޅުކޮތަރިދަންބޮޑު
ނ ދަންބޮޑުގެ ބާވަތެއް މިއީ ފަރުފަރުގެ ބޭރުން ފުންހިސާބުގައި ގިނައިން އުޅޭ މަހެކެވެ މަހުގެ ކުލައަކީ ފަނޑުފިޔާތޮށި ކުލައެކެވެ މަހުގެ ކަރުތާފަތުގެ ހުރަހަށް ކަޅުރަތްކުލައިގެ ފުޅާ ރޮނގެއް ހުންނާނެއެވެ
ކޮތަރިރީނދޫދަންބޮޑު
ނ ދަންބޮޑުގެ ބާވަތެއް މިއީ ބުރަކަށިމަތީ ކޮތަރިބައިގެ ހަރުކަށިތައް ރީނދޫ ކުލައިގައި ހުންނަމަހެކެވެ ކަރުތާފަތުގެމަތީ ކައިރިފަށުގައި ކަޅުކުލައިގެ ލަފެއްހުރެއެވެ މަހުގެ ކުލައަކީ މަޑުރަތްކުލައެވެ ހުޅުނބުތަކުގެ ކައިރިފަށް ހުންނަނީ ގަދަ ރަތްކުލައިގައެވެ
ކޮތަރިވިލާ
ނ ބައެއްމަހުގެ ހުޅުނބު ހުނަގޮތަށް ކުރެހުމަކަށް ވާނޭހެން އުޑުމަތީގައި ޖަހައިފައި ހުންނަ ވިލާ
ކޮތަރިލީދުންމާރި
ނ ކޮތަރިހަރުކޮށްފައި އޮންނަ ދުންމާރި މިއީ ދުންމާރިވެރީންގެ އެދުރުމީހާއަށް ރަސްމީގޮތުން ދެއްވާފައި އޮންނަ ޢިއްޒަތުގެ ދުންމާރިއެވެ