radheef.info
ރަދީފު


ނިގޫހުދުކޮކާމަސް
ނ ކޮކާ މަހުގެ ބާވަތެއް މަހުގެ ކުލައަކީ މުށިކުލައެވެ މިކުލައިގެ ތެރެއިން ނޫކުލައެއްވެސް ފާއްދާފައި ހުރެއެވެ ބަނޑުދަށް ފަރާތުގެ ކޮތަރިބައިގެ ކައިރިފަށާއި ކުޑަކޮތަރިބައިގެ ކައިރިފަށް ހުންނަނީ ނޫކުލައެއްގައެވެ ނިގޫފަތް ހުންނަނީ ދޮންކުލައިގައެވެ
ރަސްކޮކާމަސް
ނ ކޮކާ މަހުގެ ބާވަތެއް ރަސްކޮކާލުގެ ޅަމަހާއި ބޮޑެތި މަހުގެ ކުލަ ތަފާތެވެ ޅަމަހުގެ ކުލައަކީ ނޫކުލައެވެ އަދި މަހުގައި ކޮޅު ވައްކޮށް ގުޅިފައިވާ ހުދުކުލައިގެ ރޮނގުތަކެއް ފާޅުކޮށް ހުރެއެވެ ބޮޑެތި މަހުގެ ފަހަތުބައިގާ ނިގޫފަތާއެކު ހުންނަނީ ރީނދޫކުލައިގައެވެ ދެއަރިމަތި ހުންނަނީ ގަދަނޫކުލައިގައެވެ އަދި ރީނދޫ ކުލައިގެ ރޮނގުތަކެއް ދެއަރިމަތީގައި ހުރެއެވެ
ބައިބުރުކޮކާމަސް
ކޮކާމަހުގެ ބާވަތެއް. މިމަހުގެ ކުލައަކީ ފެހިކުލައެވެ. މަހުގެ ކަރުތާފަތުގެ މަތީގައި ނޫކުލައިގެ ރޮނގުތަކަކާއި ފާޅުކަން ބޮޑު ލައްތަކެއް ހުރެއެވެ. މީގެ ކުދިމަހުގެ ދެފަރާތުގައި ހުދު ކުލައާއި މަޑުނޫކުލައިގެ ހަނދުފަޅި ބުރަށް ހުންނަކުރެހުންތަކެއް ހުރެއެވެ
ބޯރީނދޫ ކޮކާމަސް
ނ ކޮކާމަހުގެ ބާވަތެއް. މިއީ ވަރަށް ރީތިކުލަތަކަކުން ކުރެހުން އެޅިފައި ހުންނަ އެތެރެވަރީގެ ގުންޑޮޅިތަކުގައި ދިރި އުޅޭމަހެކެވެ މަހުގެ ލޮލާއި ނިންމަތިހުންނާނީ ރީނދޫ ކުލައިގައެވެ މަހުގެ ތުނބާއި ކޯމަތީގައި ހުންނަނީ ކަޅާއި ރީނދޫ ކުލައިގެ ތިކިތަކެއްޖަހައިފަ އެވެ
ކަށިކޮކާމަސް
ނ ކޮކާމަހުގެ ބާވަތެއް. މިއީ ކަރުތާފަތުގެ ތިރީބައިގައި ތޫނުކައްޓެއް ހުންނަ ކުޑަ މަހެކެވެ މަހުގެ ކުލައަކީ ކަޅުކުލައަކަށްދާ ގަދަމުށިކުލައެވެ މަހުގެ ހުރަހަށް ކަޅުކުލައިގެ ހިމަރޮނގުތަކެއް ހުރެއެވެ ކަރުތާފަތުގެ މަތީބައިގެ ފަހަތުގައި ކަޅުލަފެއް ހުރެއެވެ
ކުލަކޮކާމަސް
ނ ކޮކާމަހުގެ ބާވަތެއް. މިއީ ފަރުފަޅުތަކުގެ ބޭރުމަތީގައްޔާއި ގުންޑޮޅިތަކާ ފަރުގައި އުފެދިފައިހުންނަ ހޮހަޅުތަކުގައި ދިރިއުޅޭމަހެކެވެ. މުޅިމަހުގެ ހުރަހަށްވާގޮތަށް ދޮންނާރިނގުކުލައާއި ހުދުކުލައާއި ނޫކުލައިގެ ރޮނގުތަކެއް ހުރެއެވެ މަހުގެ ނިގޫ ފަތާއި ކުޑަ ކޮތަރިބައިގެ ކުލައަކީ ރީނދޫ ކުލައެވެ
ކޮކާމަސް
ނ )މ ( (1) ބަތްޕޮޅިމަސް (2) ބޮންޑޮޅޮމަސް