radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ހަށިކޮޅުބުރަފުޅުވުން
މ " ހަށިބުރަވުން" މިބަހުގެ އެންމެ މާތްގޮތް
ހަށިކޮޅުފަސޭހަފުޅު
ނއ " ހަށިފަސޭހަ" މިބަހުގެ އެންމެ މާތްގޮތް
ހަށިކޮޅުފަސޭހަފުޅުކަން
ނއނ " ހަށިފަސޭހަކަން" މިބަހުގެ އެންމެ މާތްގޮތް
ހަށިކޮޅުފަސޭހަފުޅުވުން
މ " ހަށިފަސޭހަވުން" މިބަހުގެ އެންމެ މާތްގޮތް
ހަށިކޮޅުފުރާނޭވާފުޅުލެއްވުން
މ " ހަށިފުރާ ނޭވާލުން" މިބަހުގެ އެންމެ މާތްގޮތް
ހަނޑަސްގެކޮޅު
ނ )ބދ ( އަވަހާރަ ގަނޑުވަރުގެ ހަނޑަސްބުރި
އެތެރެގެކޮޅު
ނ ގަނޑުވަރުގަނޑުވަރުގެ އެތެރެގެ
އެސްމައުކޮޅު
ނ ހަމުގައި ނަގާ ބައްޔެއް މިއީ އެސްމައު ހުންނަހެން ނަގާ ފޮޅެކެވެ
ފަތިސްކޮޅު
ނ ފަތިސްވުމާ ކައިރި ވަގުތެއް
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހަތްބުރީނަނުކޮޅުގައި
ނ މަޖާޒު: ހުރި ދުރުމިން ބަޔާން ކުރުމަށް ބުނެއުޅޭ ގޮތެއް
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްކޮޅުނެގުން
މ ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުންގެ އިސްތަށިފުޅަށް ފުރަތަމަ ހަތްކޮޅު ފޮޅުވައިލުމާއި އެކަމާއި އެކުލެވިގެން ކުރާ ރަސްމީ ކަންތައްތައް ކުރުން
ހަލާދަނޑީގެ ދެކޮޅު ބަލާށެވެ
(ހަރުބަހެއް) ކަމެއްކުރަންވާނީ ހުރިހާ ފަރާތަކަށްވެސް ވިސްނައި އެއިން ލިބިދާނެ ގެއްލުމަކަށް ބަލައިގެންކަން އަންގައިދިނުމަށް ބުނެއުޅޭބަހެއް
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހިޔަނިފިލާކޮޅު
ނ މީހާ ވަޅުލާދުވަހު ތާރީޚުގައި ލިޔެފައި މަހާނައިގައި ޖަހާ ފިލާކޮޅު
ތަންތަންކޮޅުން ފުރާޅަށް އެއްސުން ހުނގުލިޖެހުން
މ ފަންފުރާޅުގެ އަސްކެނިވަލުގެ ހުނގޫ
ހުރާގޭދަރިކޮޅު
ނ ރާއްޖެ އިސްލާންވީފަހުން ހަތްވަނަޔަށް ރާއްޖޭގައި ރަސްކަންކުރި ޢާއިލާ މި ޢާއިލާގެ ފުރަތަމަ ރަސްކަލަކީ ހުރާ ދޮންމަރުދުރު ފަޑިއްތަކުރުފާނުގެ ޙުސައިން ދަހަރާ ތަކުރުފާނުގެ މުޙައްމަދު ފާމުލަދޭރި މަނިކުފާނުގެ ދަރިކަލުން އަލްޣާޒީ ޙަސަން އިއްޒުއްދީނު ދޮންބަންޑާރައިންނެވެ މިޢާއިލާއިން ތޭރަ ރަސްކަލުން ރަސްކަން ކުރެއްވިއެވެ
ވޮށްކޮޅުހެދުން
މ ގަނޑުވަރު ތެރޭގައި ދިއްލަން ގެންގުޅޭ ވޮށްތައް ސާފުކޮށް ތެޔޮއަޅައި ފުށްލައި ހެދުން
ހޮޓުކޮޅު
ނ ހަތަރެސްފައި ޖެހި ޖަނަވާރުގެ ފޫކޮޅު