radheef.info
ރަދީފު


ނޭވާކޮޅަށްދިއުން
މ (1) ނޭވާނުލާ ހުރެވޭ އެންމެ ގިނައިރުވުން (2) ނޭވާ ހުސްވުން (3) މަޖާޒު: ކަމެއް ކުރަމުންގޮސް އެކަމެއް ވެވޭންހުރި ހުރިހައިގޮތް ހުސްވުން
ނޭވާގެކޮޅަށް
ނއ (1) ކިރިޔާ ހާސްނުވާ ވަރަށް (2) ކުޅަދާނަވެގެންވާ އެންމެމަތީ ދަރަޖައަށް
ބަސްނުވިކޭ އޮޑީގެ ދިރުނބާކޮޅަށް ނާރާށެވެ.
(މިސާލުބަހެއް) ބަސްގަބޫލު ނުކުރާ ބަޔަކަށް މަގުދައްކާ މީހަކަށް ނުވާށެވެ.
ކޮޅަށްހުރުން
މ (1) މީހަކު ތެދުވެހުރުން (2) ކޮއްޅުން ހުރުން (3) އެއްކޮޅު ތާކުޖެހިފައި އަނެއްކޮޅު މައްޗަށް ވާގޮތަށް އެއްޗެއް ތެދަށްހުރުން
ކޮޅަށްދިއުން
މ (1) ނިމުން (2) ހުސްވުން
ކޮޅަށްޖެހުން
މ ނަގައިތެދުކުރުން
އަޑުގެކޮޅަށް
ކއ އަޑުގައިހުރި އެންމެ ބާރަށް
އެކޮޅުމިކޮޅަށްވިސްނުން
މ ހުރިހާ ފަރާތަކަށް ފިކުރުކޮށް ބެލުން
ދެކޮޅަށްދެމުން
މ މަޖާޒު: (1) މީހަކު ނުރުހޭކަމެއްގައި އޭނާގެ ނުޤަބޫލުގައި ހުރިތާކުން އެހެންތާކަށް ގެންގޮސް ގެނެސް ހެދުން (2) އެއްޗެއް ތިމާގެ އެއްވެސް ފައިދާއެއްނެތި އެހެންމީހުންގެ ބޭނުމަށް މާގިނައިން ގެންގޮސް ގެނެސްހެދުމަށް ބުނެއުޅޭ ބަހެއް
ލޮލުކޮޅަށްފެނުން
މ މަޖާޒު: މާދުރުން ކިރިޔަކިރިޔާ ފެނުން
ލޮލުކޮޅަށްފެންނަ ހިސާބު
ނ ހަމަލޮލަށް ފެންނަ އެންމެ ދުރު ހިސާބު
ލޮލުކޮޅަށްގޮސް އޮބައިލުން
މަޖާޒު: ލޮލަށް ނުފެންނަ ހިސާބަށް ދިޔުން
ލޯލިތައްކޮޅަށްޖެހުން
ގބ (1) ބިރުގަތުމުގެ ސަބަބުން ނުވަތަ ރުޅިއައުމުގެ ސަބަބުން ނުވަތަ މިނޫންވެސް އިޙުސާސަކުން ގައިގައި ހުންނަ ލޯލިތައް ކޮޅަށް ޖެހުން. (2) ވާހަކައެއް އިވިގެން ނޫނީ ތަނެއް ނުވަތަ އެއްޗެއް ފެނިގެން ކުރި އިޙުސާސު ބަޔާންކުރުމަށް ބުނާގޮތް (3) ހީބިހި ނެގުން