radheef.info
ރަދީފު


ކޭން
ނ (1) ވަކި ގޮތަކަށް އަތުރައި ތައްޔާރުކޮށް ބޮޑު މަލާފަތަކަށް އަޅައިފައި ހުންނަ ކެއުމެއް މީގެ ކިތަންމެ ބާވަތެއް ހުރެއެވެ (2) އެތައްބަޔަކު ކެއުމަށްޓަކައި ވަކިގޮތަކަށް އަތުރައި ތައްޔާރުކޮށްފައި ހުންނަ ކެއުމެއް
ހަރުފަތުކޭން
ނ (1) ރަށްރަށުގެ ޚަތީބުން ފުރަތަމަ ހުކުރު ކުރުމަށްފަހު ރައްޔިތުންނަށް ދީއުޅުނު ކެއުމެއް (2) ހަރުފަތަށްއެރިކޭން
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ
ހުއްބުކޭން
ނ ހުއްބުކިޔަވާ މީހާއަށް ކައްކާ ބަދިގެއިން ގެންދާ ބޮނޑިބަތް މަލާފަތެއް
ރިހަބަތްކޭން
ނ މައުލޫދަށް ކައްކާ ކޭމުގެ ބާވަތެއް. އާންމުކޮށް މިކޭމުގައި ހުންނާނީ ފެންބަތާއި ބަރަބޮލު ރިހައާއި ކިރެވެ. މިކިރަކީ ހަނޑުލު ފުށުގައި ފޮނިކޮށް ކައްކާފައި ހުންނަ އެއްޗެކެވެ. މިއީ ހިޔަރަކާތް މާލޫދާއި ގަނޑުމާލޫދާއި ރަންމާލޫދު ފަދަ މާލޫދުތަކަށް ކައްކާއުޅުނު ކޭމެކެވެ
ރޮށިފޮޅިކޭން
ނ ބާރަމަޢުލޫދު ހުއްޓާން ގަނޑުވަރުތެރޭން ގެންދާ ކޭމެއް މީގައި ހުންނާނީ މަޑުފޮޅި ޒާތުގެ ރޮއްޓެކެވެ
ބައިބެލިކޭން
ނ ވިލިވިއްޔަށް ބަހައިގެން މަސައްކަތްކުރާއިރު ބަޔާހަވާލު ވެފާވާމީހާ އެބަޔަކަށް ދޭ ކޭން
ބާލީކޭން
ނ އެކަކު ނުވަތަ ގިނަބަޔަކު ކައިގެން ބާކީވާބައި
ބެހިކޭން
ނ އޮޅިމެދު މީހުން ބަހައި އަވަދިވެގެން ކެއުމަށް އެއޮޅި މެދެއްގެ ވެރިއެއްގެ ގޭގައި ކައްކާ ކޭން
ބޭލިކޭން
ނ (1) ކައިއަވަދިވީމާ ހަރުގެއިން ނެރޭކޭން. މިއީ މާލޫދުގެ ރަސްމިއްޔާތަށް ހަރުގެއަށްގެންދާ އިރާކޭން ދަމުކޭން އަވަލިކޭން ފަދަ ކޭން ކައިނިމުނީމާ ހަރުގެއިން ނެރުމުން އެކޭކަމަށް ކިޔާއުޅޭނަމެކެވެ (2) މަޖާޒު: އިނދެގެންއުލެ ދުވަސްދިއުމަށްފަހު ވަރިކޮށްފައި އިން އަންހެންމީހާ
ބޮޑުކޭން
ނ ދެކުކުޅުލައި ދެފަރާތުގައި ފުއްޕިޖަހައި ބޮޑެތި މަލާފަތަށް އަޅައިފައި ހުންނަ ކޭން
ކުޑަކޭން
ނ އެއް ކުކުޅުލައިފައި. އެއްފަރާތުގައި ފުއްޕިޖަހައިފައި އަނެއްފަރާތުގައި ސީރާ ހުންނަ ކޭން
ކޭންބެއްލެވުން
ނ (1) މާތްކޮށް ވާހަކަދެއްކުމުގައި ކެއުން (2) ކެއުން މިބަހުގެ މާތްގޮތް
ކޭންއެޅުން
މ (1) " ކޭން" ތައްޔާރުކުރުން (2) )ޏ ސ( ކޭންއަޅާތައްޓަށް ބަތްއަޅައި މަތިއެއްވަރުކޮށް އޮމާންކުރުން
ކޭންމަތީކޭން
ނ ބޮޑުބޭކަލުންނާއި އަސްކަރު މުސްކުޅިން ފަދަ ބޭކަލުންނަށް ކޭން ގެންދާ ކުދިބޭކަލުންނަށް ހުންނަ ކުދި ކޭން
ކޭންޕު
ނ (1) ސިފައިންނަށް ތަމްރީންދިނުމަށް ބައިތިއްބާ ތަން (2) ވަގުތީ މަސައްކަތަށް ނުވަތަ ފަރުވާއަށް މީހުން އެއްތަނަކަށް އެއްކޮށްގެން އެމަސައްކަތް ހިންގާތަން (3) ދިރިއުޅުމަށް ނުވަތަ މަޑުކުރުމަށްޓަކައި ވަގުތީގޮތުން ހަދައިފައި ވާތަން
ވަޤްފުކޭން
ނ ވަޤުފު ޞަލަވާތް ކިޔެވުމަށްޓަކައި އަހަރަކު އެއްފަހަރު ވަޤުފު މުދަލުން ތައްޔާރުކުރާ ކެއުން
ވިޔަކުރާކޭން
ނ އިހުގައި ސަރުކާރުން ވާރު ނެންގެވިއިރު އެކަމުގެ ހިސާބުކުރުމަށް ރާއްޖެތެރެއަށް ފޮނުައްވާ ބޭކަލުންނަށް ރައްޔިތުންގެ ފަރާތުން ކައްކާ ކޭން
މަސްމަތީކޭން
ނ މީހަކު މަރުވީމާ އަހަރު ފުރެންދެން ކޮންމެ މަހަކު އެދުވަސްފާހަގަކޮށް ކައްކާކޭން
މާކޭން
ނ ބޮޑުކޭން
ފަސްމީރުކޭން
ނ 7671 މ. ހާތާނގައި ކައްކައި އުޅުނު ކޭމެއް. މި ކޭމުގައި ހުންނާނީ 5 ތަށި ފޮނިރިހަ 5 ތަށި ދިޔާރިހަ )ތަފާތުކޮށް( ތެލުލިމަސް ލޮނު ހަކުރު ކިރު )ފޮނިކޮށް ކައްކައިފައި ހުންނަ( ގިތެޔޮ ބިސްގަނޑު ކަލިޔާ ހަލުވާ ޒިލޭބި ފެންފޮޅި މިއީ މުޅިކޭމުގެ މަތި ނިވާވާ ވަރަށް އަޅާ ފޮޅިއެކެވެ