radheef.info
ރަދީފު


ކުނާ
ނ (1) ވަކައާއި ސުތުލިފަދަ އެއްޗެއް ދިގަށް ފުރައިގެން ހައިން ނުވަތަ އެފަދަ އެހެން އެއްޗެހީން ވިޔާތަކެތި (2) ގަދަ އަލި ބަލަން ނުކެރިގެން ލޮލަށް ހަދަންޖެހޭ ގޮތް
ހަންޑިކުނާފަތް
ނ (މަލިކު) ކީސްފިލާ
ހަތަރުފަލުކުނާ
ނ ރާއްޖޭގައިވިޔާ ދުރުދުރުގައި ރޮނގުހުންނަ ކުނަލެއް މިއަށް މިނަން ކިއުނީ ވާރުނެގި ޒަމާނުގައި ހަތަރު ފައު ބޮލީގެ ބަދަލުގައި މިކުނާ ޤަބޫލުކުރާތީއެވެ
ހުރަސްކުނާ
ނ ކުޑައަށީ އިރުމަތީކޮޅުގައި ހުރަހަށް އަޅައިފައި އޮންނަކުނާ ދިވެހިގޮތަށް އަޅައިފައި ހުންނަ ގޭގޭގެ އެންމެ ޢިއްޒަތްތެރި ތަނަކީމިއެވެ
ހޯރަފިޔަކުނާ
ނ ހޯރަފިޔައިގެ ބައްޓަމަށް ކުރެހުން އަޅައިގެން ވިޔެފައި ހުންނަ ކުނާ މިއީ ތުނޑު ކުނަލުގެ ބާވަތެކެވެ
ނަމާދުކުނާ
ނ ނަމާދުކުރަން ބޭނުންކުރާ ކުނާ
ރޯލުކުނާ
ނ އޮޅައިފައި ހުންނަ ދިގުކުނާ މީގެ ބޭނުން ހިފަނީ ބޭނުންވަރަކަށް ބުރިކޮށްގެންނެވެ
ބަންގާޅުކުނާ
ނ ފުރެއްދެކުނާ
ބޮއިފަތްޖެހިކުނާ
ނ ހަތަރު ކަނުގައި ބޮއިފަތް ޖަހައިފައި ވިޔާ ތުނޑު ކުނާ މިއީ ކުނަލުގެ ވަރަށް މޮޅު ބާވަތެކެވެ
ބޮޑުކުނާ
ނ ރަސްމީގޮތުން އެކިއެކި ބޭނުމަށްޓަކައި ރާއްޖޭގައި ވިއުއްވާކުނާ މިކުނާ ހުންނަނީ ރޯލު ކުނާހެން ދިގުކޮށެވެ
ބޮޑުފަތަފޮޅިކުނާ
ނ ބޮޑުފަތަފޮޅިޔާއެކު ގެންނަ ފޭރާން ދެރަކުނާ މިއީވެސް ބޮޑުފަތަފޮޅި ފަދައިން ގެންނަ އެއްޗެކެވެ
ކަރުދާހުކުނާ
ނ ތުނޑުކުނަލުގެ މޮޅު ބާވަތެއް
ކުނާކުރުން
މ (1) ވައްތަރަކަށް ލޯކުޑަކޮށްލުން (2) "ކުނާ" ބަލާ!
މަލިންކުނާ
ނ މިސްކިތުގައި އިމާމު މިހާ ނަމާދު ކުރަން ޚާއްޞަކޮށްފައި އޮންނަ ކުނާ
މުސައްލަކުނާ
ނ ގެފުޅާއި ޒިޔާރަތްފުޅު ކުރަހައިފައި ހުންނަ ކުނާ
މެދުރިކުނާ
ނ (1) އިހުގައި ދޫލައިގެ ބަދަލުގައި ބޭނުންކުރާކުނާ (2) މެދުރިމަތީގައި އަޅާކުނާ
ފަންގިކުނާ
ނ މާލޫދު ހަރުގެ ފަދަ ތަންތާނގައި ބިންމަތީގައި ފަތުރަން ބޭނުންކުރާ ބޮޑެތި ކުނާ
ފުށުފޭލިކުނާ
ނ ދަތުރުމަތީގައި އަންނައުނު ލައިގެން ގެންގުޅޭ ކުނާ
ފުރެއްދެކުނާ
ނ ރާއްޖޭން ބޭރުން ގެންނަ ކުނާ
ދުންކުނާ
ނ (1) ގޭގޭގެ ޞަލަވާތް ކިޔަވާއިރު ދުންކިބާ ބަހައްޓަން ވިޔެފައި ހުންނަ ކުނަލެއް (2) ޞަލަވާތުކުނާ
ތަނުއެޅިކުނާހެން
މަޖާޒު: މީހަކު މާގިނައިން ގެއަކަށް ވަދެއުޅެން ފެށުމުން އެމީހަކާމެދު ބުނެއުޅޭ ބަހެއް