radheef.info
ރަދީފު


ބަހުރުފެނަށްވަންދެންކިޔެވުން
މަޖާޒު: ކިޔެވެއްޔެއް ކިޔެވިލެއް ގަދަކަން އަންގައިދިނުމުގެ ގޮތުން ބުނެއުޅޭބަހެއް
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހިތީކިޔެވުން
މ ހިތިދުވަހު އަޞްރު ނަމާދުން ފައިބައިގެން ބޮޑު ކިއެވެނީންނާއި ކަމުވޮށިނުވޮށީން އެދުވަހު ހިއްޗަށް ވަޑައިގަންނަވާ ޒިޔާރަތެއްގެ ކައިރީގައި ފޮތް ފޮއްޓެއް ކިއެވުން
ރިވާޔަށްކިޔެވުން
މ ހަރުކޮށް ކިޔެވުން އެއީ ފޮތް ފޮށިކިޔާއިރު ކިޔަވާހެން އަވަސް އަވަހަށް ކިޔެވުމެވެ
ބަޙުރުކިޔެވުން
މ ކިޔަވާގެއަޅައި މާމެލާމެލީން އަންބަލަންލައި ކަނޑަށް ލޭދައްކާނޭ ތަކެތި ފާލަމުގައި ބަނދެގެން ބަޙުރުދުޢާ އާއިއެކު ކިޔެވެލި ކިޔެވުން. ކިޔާނިމުނީމާ ލޭދައްކާއިރު މާވެސްދައްކާނެއެވެ. ލޭދައްކާ ތަކެއްޗަކީ ހާލާއި ވެލަޔާއި ކަހަނބާއި ގެރިބަކަރިފަދަ ތަކެއްޗެވެ މިއިން އެއްޗެއްގައި ލޭ ނެތްނަމަ ލޭ ދައްކާނީ އިނގިލި ކަނޑައިލައިގެންނެވެ
ކަންޒޫރިކިޔެވުން
މ ކަނޑުމައްޗާ ބެހޭގޮތުން ޒިޔާރަތަށާއި މަޤާމަށް ފާތިޙާ ކިޔެވުން
އޮގަރުކިޔެވުން
މ (1) އޮގަރުމަސްލިބޭ މީހާ އަހަރަކު އެއްފަހަރު ކައްކައިގެން ޞަލަވާތް ފާތިޙާ ކިޔެވުން (2) މަސްދޯނި ފަހަރުން އޮގަރުމަސްދީގެން ކޮންމެ ދުވަހަކު މަސްދޯނި ލަފާއިރު އެތާ އިނދެގެން ޞަލަވާތްފުޅާއި ފާތިޙާ ފަރިއްކޮޅު ކިޔެވުން އޮގަރު ކިޔަވާއިރު ހުރިހާ ވަލީވެރިންނަށް ފާތިޙާ ފަރިއްކޮޅު ކިޔަވައިފައި ކަނޑުމަތި ފާތިޙާ ކިޔަވާނެއެވެ (3) ރާވެރީން ރާތަށްޓެއް ދީގެން މިފާތިޙާ ކިއުއްވުން
މައިތިރިކިޔެވުން
މ ކިޔެވެއްޔެއް ކިޔަވާއިރު މައި ތިރިޔަށް ކިޔަވާތަކެތި ކިޔެވުން
މައިތިރިޔަށްކިޔެވުން
މ ކިޔެވެއްޔެއް ކިޔަވާއިރު އެކަމުން އަތުވެދާނެ ނުރައްކަލަކުން ދިފާޢުވުމަށް ކިޔަވާ ކިޔެވުން
މަތިންތިރިޔަށް ކިޔެވުން
މ އިހުގައި ކުދިންނަށް ޤުރުއާން ކިޔަވައިދޭއިރު ތިރިންމައްޗަށް ކިޔަވައި ނިޔާވީމާ ދެން ބަޤަރާ ސޫރަތުން ފެށިގެން ތިރީސްވަނަ ފޮތުގެ ނިޔަލަށް ކިޔެވުން
މަސްވެރިކަމަށްކިޔެވުން
މ މަސްވެރިކަން ރަނގަޅު ކުރުމަށް ކިޔެވެލި ކިޔެވުން
މަސްމަތިކިޔެވުން
މ މީހާ މަރުވުމުން ކޮންމެ މަހެއް ފުރޭ ދުވަސް ފާހަގަކޮށް ފާތިޙާ ކިޔެވުން
ގޭކިޔެވުން
މ )ސ ( މީހަކު މަރުވުމުން އެމީހެއްގެ ގޭގައި ވަކި މުއްދަތަކަށް ކިޔެވުން
ފަސްފުޅިކިޔެވުން
މ އިހުގައި ގަނޑުވަރު ތެރޭގައި ހުންނަ ލޯގަނޑުން ފަސްފުޅިޔަށް ޖެހީމާ )ރޭގަނޑު އެގާރަ ޖެހީމާ( މެދު ޒިޔާރަތް ދޮށުގައި ދުޢާވެރިކަން ކިޔެވުން
ފާތިޙާކިޔެވުން
މ މަރުވެފައިވާ މީހުންނަށް ރަޙުމަތްލެއްވުންއެދި ހެޔޮ ދުޢާކުރުން
ފޮތުންކިޔެވުން
މ ފިލިދަސްވުމުން ޢައްމާފޮތުން ކިޔަވަން ފެށުން
ފޮތްފޮށިކިޔެވުން
މ ޤުރުއާނުގެ ތިރީސްފޮތް ބަޔަކުލައްވައި ކިޔުއްވުން
ފިލައިންކިޔެވުން
މ ފިލާލިއެގެން ކިޔެވުން ކުރީ ޒަމާނުގައި ކުޑަކުދިންނަށް ޢަރަބި އަކުރު އުނގަންނައިދީ ޤުރުއާން ވަކި ހިސާބަކަށް ދާންދެން ކިޔަވައި ދެނީ ފިލާލިއެގެންނެވެ
ފެންކިޔެވުން
މ ފެންމެތުރުން
ދުޢާވެރިކަންކިޔެވުން
މ (1) އިހުގައި ދުޢާވެރިކަން ކިޔަވާ މީހުން ރޭގަނޑު ނުވައެއް ޖަހާއިރުގައްޔާއި އެގާރަޖަހާއިރު މެދުޒިޔާރަތްދޮށުގައި ޞަލަވާތް ފާތިޙާ ކިޔަވައި ދުޢާކުރުން (2) ރޯދިބަރަކާތަށް ކިޔަވާ ކިޔެވެލި ކިޔެވުން