radheef.info
ރަދީފު


ކާޑު
ނ (1) ކެއުމަށް ބޭނުންކުރާ މައިގަނޑު ބާވަތްތައް ކަމުގައިވާ ހަނޑޫ ހަކުރު ފުށް. (2) އެކިއެކި ބޭނުމުގައި ރީތިމިނަކަށް ހަދައިގެން ގެންގުޅޭ ބޯކަރުދާސްކޮޅު. މިސާލު: )ހ( އެޑްރެސްކާޑު. )ށ( ޕޯސްޓުކާޑު. )ނ( ދަޢުވަތުކާޑު. )ރ( ހެޔޮއެދުންތަކުގެ ކާޑު. (3) އިލެކްޓްރޯނިކް ބައެއްތަކެތީގެ ޚިދުމަތް ލިބިގަތުމަށްޓަކައި ބޭނުންކުރުމަށް ޕުލާސްޓިކުން ނުވަތަ މަޢުދަނީ އެއްޗަކުން ތުނިކޮށް ފަތިކޮށް ހަދައިފައި ހުންނަ އެއްޗެއް. މިސާލު: )ހ( ފޯނުކާޑު. )ށ( ކުރެޑިޓްކާޑް. )ނ( ތަޅުދަނޑިކާޑު. )ރ( އަވަސްފައިސާ ކާޑު. (4) މުދައު ކޮންޓްރޯލްކޮށްގެން އުޅޭ ތަންތާނގައި އެގެއަކަށްތަކެތި ގެންނަންވީ ޢަދަދު ލިޔެފައިވާ ކަރުދާސްކޮޅު. (5) މުދައު ކޮންޓްރޯލް ކޮށްގެން އުޅޭ ތަންތާނގައި މީހަކަށް ނުވަތަ ބަޔަކަށް ކޮންޓްރޯލް ޤަވާޢިދުން ދޫކޮށްފައިވާ ކާބޯތަކެތީގެ ކޮއްތު. (6) ކޮމްޕިއުޓަރުފަދަ އެއްޗެހީގައި އެކިއެކި ވާޖިބުތައް އަދާކުރުމަށްނަގައި ބަދަލު ކުރެވޭގޮތަށް ޖަހައިފައި ހުންނަ ބޯޑު (7) )ބދ ( ފިރިހެން ހަށި
ކާޑުންކެނޑުން
މ ރަށެއްގެ ނުވަތަ ގެއެއްގެ ކާޑުގެ ރަޖިސްޓްރީން މީހަކު ވަކި ކުރުން
ކާޑުބަދަލުކުރުން
މ އެއް ގެއެއްގެ ކާޑުގައި އޮތް މީހަކު އަނެއް ގެއެއްގެ ކާޑުގައި ޖެހުން
ކާޑުބަލި
ނ ބައްޔެއްގެނަން. މިބައްޔަކީ ކާންނުލިބުމުގެ ސަބަބުން މާބޮޑަށް ހިކި ދެރަވެ އަތްފަޔާއި މޫނާއި ބަނޑު ފޮއްސިވާ ވުމެވެ
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކާޑުދަތުރު
ނ ރަށްފުށުމީހުން ކާޑުބަލާ މާލެޔަށް ކުރާ ދަތުރު
ކާޑުގެ
ނ އިހުގައި ރާއްޖެތެރޭގެ ރަށްރަށުގައި ކާޑުގެކަންތައް ހިންގައި އުޅުނުތަން
އޮރިޔާންކާޑު
ނ މީހުން އޮރިޔާމުން ކުރެހިފައި ހުންނަކާޑު
ފީކާޑު
ނ ފީދައްކާ ކާޑު
ދަރަނިކާޑު
ނ ދަރަނީގެ ގޮތުން ސަރުކާރުން ރައްޔިތުންނަށް ދޫކުރައްވާ ހަނޑޫ ހަކުރު ފުށް ފަދަ ތަކެތި
ދަރުމަކާޑު
ނ ސަރުކާރުން ހިލޭދެއްވާކާޑު
ދަޢުވަތުކާޑު
ނ އެކިކަންކަމަށް ދަޢުވަތު ދިނުމަށްޓަކައި ފޮނުވާވަކިގޮތަކަށް އޮންނަ ލިއުމެއް
ޕޯސްޓުކާޑު
ނ ކުރުނޯޓެއްފަދަ އެއްޗެއް ލިޔެފައި ޕޯސްޓުމެދުވެރިކޮށް ފޮނުވާ ކާޑެއް މީގެ އެއްފުށުގައި ފޮޓޯއެއް ނުވަތަ މަންޒަރެއް ހުރެއެވެ