radheef.info
ރަދީފު


ޅިޔަ
ނ (1) ލަކުޑިގަނޑުގައި އުއިނާރާ އޮންނަތަން (2) ގަސްގަނޑުގެތެރެއަށް ތޮށި ވަދެފައި އޮންނަތަން (3) މަސްގަނޑުތެރޭ ހުންނަ ފަށްފަށް (4) ވަކިބާވަތެއްގެ ކުރެހުމަކައި ލިޔުމެއްގެސިފަ (5) މަސްގަނޑުބުރިވެ ވަކިނުވާވަރަށް ވަޅިން އަޅާތަން (6) މަސްގަނޑުގައި ހުރަހަށްއަޅާ ދެޅިޔަދޭތެރޭގެ ފޮތިވަރު (7) ބައެއްތަކެތި ވަކިނުކޮށް ކަފައިފައި ހުންނަ ކެފުން
އެލޯވަޅިޔަ
ނ ކުޑަކުދީންކުޅޭ ކުޅިވަރެއްގައި ކިޔާބަންޖެއް
ހަވަރުފެންފޮޅިޔަށްއެޅުން
މ (1) ހަވަރު ގޮވާލުމަށް ފެންފޮޅި ފިހާން މަޖިލީހަށް އަރާ ބޭކަލުންގެ ގޭގެޔަށް ހަނޑޫ ބެހުން (2) މަޖާޒު: ތިމާޔަށް އިވުނު ޚަބަރެއް ހުރިހާތާކަށް ފަތުރަމުން ހިނގުން
ނޭވާހޮޅިޔަށް އެޅުން
މ ފުރާނަދާން ކައިރިވާއިރު މުޅިހަށިގަނޑަށް ބާރުކޮށްގެންނޫނީ ނޭވާ ނުލެވޭ ގޮތްވުން މިހާލުގައި ގިނައިން ނޭވާލެވޭނީ އަނގައިންނެވެ ބައެއް ފަހަރަށް ކަރުތެރެއިން އަޑުކިޔާ ގޮތްވެސްވެއެވެ
ބޯފޮޅިޔަށް ވަޑައިގަތުން
މ ބޯފޮޅިދުވަސް ދުވަހުގެ ހަވީރު ނުވަތަ ރޭގަނޑު އެތެރެކޮއިލު މިސްކިތްތެރެޔަށާއި މެދު ޒިޔާރަތް ދޮށަށް ހުކުރުމިސްކިތްތެރެޔަށާއި ދަންނަ މުޙައްމަދު ރަސްގެފާނު މިސްކިތްތެރެޔަށް ފާތިޙާ ވިދާޅުވަން ރަދުން ނުވަތަ ރަދުންގެ ބަދަލުގައި ޢިއްޒަތަށް ވަޑައިގަންނަވާ ބޭފުޅަކު ރަސްމީ ޢިއްޒަތުގައި ވަޑައިގަތުން
ޅިޔަނު
ނ (1) ގާތް ތިމާގެ އަންހެނަކު އިން ނުވަތަ އިނދެގެން އުޅޭ ފިރިހެންމީހާ (2) އަނބިމީހާ ނުވަތަ ފިރިމީހާގެ ތިމާގެ ފިރިހެނާ
ޅިޔަނެގުން
މ އަކުރުތަކެއްގެ ބައްޓަމަށް ޅިޔަކަނޑައި ނަގާކުރެހުން މިކަން އާއްމުކޮށް ކޮށްއުޅެނީ ލަކުޑީގައެވެ
ޅިޔަންބޭބަލިކުޅަ
ނ )ވ ( ގާވިޔަމަސް
ޅިޔަންކަން
ނއނ ޅިޔަނަކަށްވާކަން
ޅިޔަންފަހަވެރިކަން
ނއނ ތިމާގެ މީހަކާ އިނުމުން ވާގާތްކަން
ޅިޔަބެދުން
މ ކައްކާ އެއްޗެއް އޮލަވަމުން އައިސް އެތިކޮޅެއްނެގީމާ އެނެގިތަން އެނގެން ހުންނަވަރަށް އޮލަވުން
ޅިޔަކުރެހުން
މ ބިންވަޅުނަގައި ކުރެހުން
ޅިޔައަކުރު
ނ ފައިކޮޅުތައް ދިގުކޮށް ހުންނާނޭހެން ލާމަހަމުން ލިޔެފައިހުންނަ ޢަރަބި ލިޔުމެއް މިބަލަލާއިރު ފުރަތަމަ ފެންނާނީ ކުރެހުމެއް ހެންނެވެ އިހުގެ ބައެއް މިސްކިތް މިސްކިތުގެ ބެރީގައްޔާއި ބައެއް މަހާނަގަލުގައި މިލިޔުން ލިޔެފައި ހުރެއެވެ
ޅިޔައެޅުން
މ (1) ޅިޔަޔަށް ވާނޭހެން ކެފުން (2) ބުރިވެ ވަކިނުވާވަރަށް ކެފުން
ޅިޔަޖެހުން
މ ޅިޔަ އެޅުން
ކަޅިޔަމަސްދޫނި
ނ )ގ ( ކިރުދޫނީގެ ބާވަތެއް މިއީ ބޯކަޅުކޮށް ތުންގަނޑު ރީނދޫކުލައިގައި ހުންނަ ދޫންޏެކެވެ މިދޫނީގެ ކުލައަކީ މަޑުއަޅިކުލައެވެ
ކިރުޅިޔަ
ނއ ކިރުޅި
ކިރުޅިޔަބިބީ
ނ ބިބީމަހުގެ ބާވަތެއް މި މަސް ފަރު ފަޅުތަކުގެ ބޭރުގެ ފުންހިސާބުތަކުގައި ދިރިއުޅެއެވެ މަހުގެ މައިގަނޑު ކުލައަކީ ރަތްރީނދޫ ކުލައެވެ
ކިރުޅިޔަވެން
ނ ވެނުގެ ބާވަތެއް މިވެން ހުންނާނީ ކިރުޅި ވައްތަރަކަށެވެ
ކިރުޅިޔަމަސް
ނ ފަރުމަހުގެ ބާވަތެއް މިއީ ކުދިއައިން ހަދައިގެން ފަޅުތެރޭގައާއި ވިލުވިލުގައި ދިރިއުޅޭ މަހެކެވެ މަހުގެ ކުލައަކީ ގަދައަޅިކުލައެވެ ބަނޑުދަށް ފަރާތުގައި ހުންނަނީ މަޑުއަޅިކުލައެވެ މަހުގެ ދިގަށް ހުންނަ ހުޅުނބު ބަރި ދެމެދުގައި ރަންކުލައިގެ ރޮނގެއް ހުރެއެވެ
ކުޅިޔަން
ނ )ނ ކ ( ހޮނިހިރު ދުވަހުގެ ހެނދުނުކޮޅުން ނުބައި އިރުވަރު