radheef.info
ރަދީފު


ބޮކި
ނ (1) ފެނާއި އެހެނިހެން ދިޔާއެއްޗެހީގެ ތެރޭގައި ހުންނަ ވައިގެ ބަނޑިބަނޑި (2) ކަރަންޓުން ދިއްލޭގޮތަށް ހުންނަ ނަރުކޮޅެއްލައިފައިވާ ބިއްލޫރި އެއްޗެއް އާންމުގޮތެއްގައި ހުންނާނީ މީގެ ފޫ ހޯލްޑަރަކަށްޖެހޭ ގޮތަށެވެ މީގެ ވަރަށް ގިނަ ވައްތަރުހުރެއެވެ (3) އެތެރެ ހުހަށް އޮންނަގޮތަށް ބިއްލޫރިން ނުވަތަ އެހެނިހެން ތަކެތިން ހަދައިފައި އޮންނަ ބޯޅަ
ބިއްލޫރިބޮކި
ނ (1) ބިއްލޫރިން ހަދައިފައި ހުންނަ އެއްޗެއް. މީގެ އެތެރޭގައި ހޮއި އޮންނާނެވެ. (2) "ބޮކި" ބަލާ!
ބޮކިނަނު
ނ ބޭރުކަނޑު ކަނޑުގައި ލޭނުއެޅުމަށް ހަދައިފައި ހުންނަ ތާރުލީ ނަނެއް
ބޮކިއެނދުން
މ (1) އެލެކްޓްރިކް ބޮކީގައި ހުންނަ ނަރުކޮޅު އަނދައިގެން ނުދިއްލޭގޮތްވުން (2) މަޖާޒު: ލޯކަނުވުން
ބޮކިއެރުން
މ ދިޔާ އެއްޗެއްގެ މައްޗަށް ބޮކި ނުކުތުން
ބޮކިއެރުވުން
މ ވައިފޮނުވައިގެން އުފައްދާ ބޮކިވައިގެ ތެރެޔަށް ދޫކުރުން
ބޮކިފަތިގަނޑު
ނ ރަހަފަތިގަނޑު
ބޮކިދަނޑި
ނ މަގުމައްޗަށް ނުވަތަ ހާމަތަންތަނަށް އަލިކުރަން ހޮޅިބުރި ނުވަތަ ބޮކި ހަރުކޮށްފައި ހުންނަ ދަނޑި
ބޮކިލުން
މ (1) އެއްޗެއް ރާމާވެގެން ނުވަތަ ކުނިވެގެން އޭގެ މައްޗަށް ބޮކިއެރުން (2) އެލެކްޓްރިކް ބޮކިޖެހުން ނުވަތަ ހަރުކުރުން (3) ބޮކިފަތިދެމުން
ބޮކިޖެހުން
މ (1) އެއްޗެއް ކެކެމުން އަންނައިރު އަޑިން އަރާބޮކި މައްޗަށް ފާޅުވުން (2) އެއްޗެއް ވިރުވާ އަޅާއިރު އޭގައި ކުދިކުދި ބިހިހެން ތަންތަން ހުރުން (3) ބޮކި ހަރުކުރުން
ފެންމަތިންދާބޮކި
ނ މަޖާޒު: ކަމަކަށް ނުވާ ކަންތައްތައް
ފެންބޮކި
ނ (1) އެތެރެއަށް ވައިވަދެގެން ފެނުން ހެދިފައި ހުންނަ ބަޑި (2) އެތެރެއަށް ފެންއަޅައިފައި ހަންކޮޅަކުން ހަދާބަޑި (3) ފެންއަޅައިފައި ހުންނަ ބޮކި
ދުންބޮކި
ނ އެތެރެނޭނގޭ ގޮތަށް ފުސްކޮށް ހުންނަބޮކި
ލޭނުބޮކި
ނ ލޭނުއެޅުމުގެ މަސްވެރިކަމުގައި ބޮއިގެ ގޮތުގައި ކަނޑަށް ލާން ބޭނުންކުރާ ވެހައިފައި ހުންނަ ބިއްލޫރިބޮކި ފަހަކަށް އައިސް ޕްލާސްޓިކުންވެސް މިބޮކި ހަދައިފައި ހުރެއެވެ
ސައިބޯނިބޮކި
ނ (1) ސައިބޯނި ފެނުން އެތެރެޔަށް ވައިވަދެގެން ހެދިފައި ހުންނަބޮކި (2) މަޖާޒު: ހަރުދަނާ ކަމެއް ނުހުންނަ ކަންތައް