radheef.info
ރަދީފު


ބޭލުން
މ (1) މަތީގައި ހުރިއެއްޗެއް ތިރިކުރުން. (2) އެއްގަމުގައި އޮތްއެއްޗެއް ކޮށްޕައި މޫދަށް ނުވަތަ ފެންގަނޑަކަށްލުން (3) ހަށިގަނޑުން ފަޅައިފައި ހުންނަ އިސްތައްޓާއި ގެރިބަކަރިފަދަ ޖަނަވާރުގެ ކެހެރި ތޫނު އެއްޗަކުން ކަހައި ފިލުވުން (4) ދަތުރުކޮށްފައި އައިމީހަކު އެއްގަމަށް ގެނައުން (5) ރަށުންބޭރަށް އަންނަމީހަކު ރަށުގައި ނުވަތަ ގެއެއްގައި ބެހެއްޓުން (6) އުޅަނދަކުން މީހަކު ނުވަތަ އެއްޗެއް އެއްގަމަށް ނުވަތަ އެހެން އެއްޗަކަށް ނުވަތަ ތަނަކަށް ގެންދިއުން (7) ދަތުރު ފަތުރު ކުރާ އުޅަނދަކުން ތަކެއްޗާއި މީހުން ހުސްކުރުން (8) ރަށެއްގައި ދިރިއުޅޭބަޔަކު އެރަށުން ބޭރުކުރުން (9) އެހެލުމުގެ އިދިކޮޅު )01( ކުޅިވަރުކުޅޭ ދަނޑަކުން ނުވަތަ ކޯޓަކުން މީހުން ނުވަތަ ބަޔަކު ބޭރުކުރުން
ވަރުބޭލުން
މ މަޖާޒު: (1) ބާރުނެއްތައިލުން. (2) އަންނަ ރުޅިގަނޑު މީހަކަށް ނުވަތަ އެއްޗަކަށް ފިލުވައިލުން
ނާބަބޭލުން
މ ނާބަ ޖަހަންވާއިރަށް ނުޖެހުނުނަމަ ކުދިބޭކަލަކު ނާބަޖަހާބެރާ ދަނޑިގަނޑު ބާލައިގެން ދެގެދޭތެރެއަށް ގެންދިއުން )މިހެން ހަދައިފިނަމަ ދެން ނާބަޖެހޭނީ އަލުން އިޒުނަ ހޯދައިގެންނެވެ
ބުރޫބޭލުން
މ ބުރޫ ފިލުވުން
ބެރުކޮޅުބޭލުން
މ އިހުގައި ގަޑުވަރުތެރޭ ބޭފުޅަކު ބެރުކޮޅު ޖައްސަވާން ވެގެން ނާބުސް ޚާނުން އެތަނަކަށް ބެރުގެންގޮސް ބެހެއްޓުން
ބޯބޭލުން
މ ރޭޒަރު ނުވަތަ ކުރަފަތް ތޫނުއެއްޗަކުން ކަހައިބޮލުގެ އިސްތަށިތައް ފިލުވުން
ކަނިބޭލުން
މ (1) އޮޑިފަހަރުގެ ކަނި ފަހަތަށް ގެނައުން (2) ކަނި އޮހޮރުވުން
ވަށިބޭލުން
މ (1) ދަތުރުވެރިއެއްގެ ގޮތުގައި އުޅޭއިރު އަންނައުނުލާން ގެންގުޅޭ ވަށިފޮށި ގެއެއްގައި ބަހައްޓައިގެން އުޅުން (2) މަޖާޒު: އިހަށްވަދެ ނޫޅޭތަނަކަށް ވަދެ ގަދަކޮށްލައިގެން އުޅުން
ވެދުންބޭލުން
މ ބޭރު ޤައުމަކުން ހަދިޔާގެ ގޮތުގައި ފޮނުވާ ތަކެއްޗާއި އެއާއެކުގައި ފޮނުވާ ފަތްކޮޅު ޚާއްޞަ ރަސްމިއްޔާތަކާއެކު މާލެ ބާލައި ރަދުންގެ އަރިއަހަށް ގެންދިއުން
މަސްދޯނިބޭލުން
މ މަހަށް ހެޔޮކުރުމުގެ ބޭނުމުގައި ދޯނި ތައްޔާރުކޮށް ޞަލަވާތް ފާތިޙާ ކިޔަވައި ދޯނިބޭލުން
މުދާބޭލުން
ނ ފުރާ ދުއްވާ އެއްޗެހިން މުދާ ހުސްކުރުން
މޯރާބޭލުން
މ (1) ރިޔަލުގެ ކަނިބޭލުން (2) ރިޔަލުގެ ކަނި ހުރަސްކުރުން
ފަތްކޮޅުބޭލުން
މ ކީރިތި މަހާރަދުން އޮޅުދޫކަރައިގެ ގަވަރުނަރަށް ފޮނުއްވާ ނުވަތަ ގަވަރުނަރު ކީރިތި މަހާރަދުންނަށް ފޮނުއްވާ ފަތްކޮޅު ރަސްމީ އިއްޒަތުގައި އެއްގަމަށް ބޭލުން
ފަލިބޭލުން
މ ފަލިޖަހަންވީމާ ފަލީގެދޫ ފެނުގައި އެޅުވޭ ވަރަށް ފަލިތިރިޔަށް ދަމައިލުން
ތޮށިބޭލުން
މ )ހ ( ގަހެއްމަރައިލުމަށްޓަކައި އެގަހުގެ ވަކިހިސާބަކުން ތޮށިނެއްޓުން
ފިއްޓިބޭލުން
މ )ސ ( ބޮލުގައި ޓަކިތެޅުން
ފުލަށް މަޅިބޭލުން
މ ތެލަނގަ އެއްލައިފައި ހުންނައިރު މަޅިތަކެއް ފައިބަމުން ދާހެން ނަގުލަށް ބަނޑިލަމުން ދިއުން
ފެންޑާބޭލުން
މ ފެންޑާހެދުން
ފޮށާގަނޑުބޭލުން
މަޖާޒު: (1) ފަޟީޙަތްވުން (2) ބޭޒާރުވުން
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ދަރިބޭލުން
މ ބަނޑުގައި އޮތް ދަރިވައްޓައިލުން