radheef.info
ރަދީފު


ނެގުން
މ (1) އުފުލުން (2) އަތުލުން (3) ލިބިގަތުން (4) ދުރުކުރުން (5) ފުރާދުއްވާ އެއްޗެތި ވަޔަށް ހިއްލުން މިސާލު: )ހ( އެއްޗެއް އޮތްތާކުން ދުރުކުރުން )ށ( ސުންކަންނެގުން )ނ( ބިހިމުލިހިފަދަ ތަންތަން ނެގުން )ރ( ވަޒީފާނެގުން
ހަންނެގުން
ނ (1) ދިރޭ އެއްޗެތީގެ ހަން މަހުން ވަކިކުރުން (2) ދަތުރުކުރާއިރު ކަނޑުމަތިން ނުރައްކަލެއް ދިމާވެގެން އެކަން އެންގުމަށް ނިޝާނެއް އުފުލުން
ވަރުނެގުން
މ އެއްޗަކުން ޖެހިގެން ނުވަތަ އެއްޗެއްގައި ޖެހިފިތިގެން ހަށިގަނޑުގެތާކު އެކަމުގެ ނިޝާން އުފުލިފައި ހުރުން
މިންނެގުން
މ މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުރިވަރެއް ބެލުމަށް މިންއެޅުން
ފަތިގަނޑު ނެގުން
މ މުންޑާއި ފިރިހެނުން އަންނަ ފޭލީގެ ކޮޅުމަތި ވަކިގޮތަކަށް ފަށްފަށް ޖެހުން
ހަމަރޯނުނެގުން
މ ރޭނުން ގަނޑެއްގެ މަތިހަމަ ކުރާން ދަމާ ރޯނާ ހަމަޔަށް ރޭނުން
ހަތްކޮޅުނެގުން
މ ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުންގެ އިސްތަށިފުޅަށް ފުރަތަމަ ހަތްކޮޅު ފޮޅުވައިލުމާއި އެކަމާއި އެކުލެވިގެން ކުރާ ރަސްމީ ކަންތައްތައް ކުރުން
ހަތްއަތްތަވާޅީންގާނެގުން
މ ރިޔަނު ދެކޮޅުން މުގޯއްޔެއް އަޅަމުން ގޮސް ހަތްމުގޯލި އަޅައި ކޮންމެ މުގޯއްޔެއްގައި ހަތްގައުކޮޅު ބާއްވައިގެން ކުޅޭ ކުޅިވަރެއް މިކުޅިވަރުގައި އެއް މުގޯލި ދޮށުގައި އުޑަފައިން އިށީނދެ ގައުކޮޅެއް ހިފައިގެން ތެދުވެ ހިންދަމާލައި ދެން ޖެހިގެން ހުރި މުގޯލި ކައިރީގައި އުޑަފައިން އިށީދެ ބާއްވަނީއެވެ މިގޮތް މަތީން އެއް މުގޯއްޔަށް ފަހު އަނެއް މުގޯލި ހުސްކުރަމުންގޮސް ހަތްމުގޯލި ހުސްކުރަނީއެވެ
ހަލީސާނެގުން
މ މަޖާނެގުން
ހާލިނެގުން
މ )ޏ ( އުދުހޭ އެއްޗެހިތަކެއް ގިނަ ޢަދަދަކަށް ބައިބަޔަށް އެކުގައި އުދުހުން މިސާލު: )ހ( ފުޅަނގިތައް ހާލިނަގަން ފަށައިފިއެވެ )ށ( އެތާނގައި މަދިރި ގިނަކަމުން ހީވަނީ ހާލިނަގާހެންނެވެ
ހިކިބިންނެގުން
މ )މ ( ހިކިއެޅުން
ހިތުލީބޮލިނެގުން
ނ (1) ބޮލިއަތުރައިގެން ކުޅޭ ކުޅިވަރެއް މިކުޅިވަރުގައި އެކެއްގެ ހިތުން ގަސްތުކުރާ ބޮލި ދެވަނަ ފަހަރު އެތުރުމުގެ ގޮތުން އަނެކަކު ވިސްނައިގަނެއެވެ (2) މަޖާޒު: މީހަކާ ހިތާވެގެން އެކަން ފާޅުނުކޮށް ހުރެހުރެފައި އެމީހަކާ އިންނަ އިނުން
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ހިޔާނެގުން
މ އޮޑިދޯނިފަހަރުގެ ހިޔާ ރޫޅައިލުން
ހީބިހިނެގުން
މ ހީކަރުވައިގަތީމާ ނުވަތަ ބިރުގަތީމާ ބިހިތަކެއްހެން އިސްތަށިބުޑުތައް އުފުލުން
ކޯއްޓޭނެގުން
މ (1) ކޯއްޓޭ ކޮޅަށް ޖެހުން (2) މަޖާޒު: ކޮޅުވުން
ވޯޓުނެގުން
މ ވޯޓް ހޯދުން
ހޮވައިނެގުން
މ )މަލިކު( އިންތިޚާބުކުރުން
ނަންބަރުނެގުން
މ ނަންބަރުގެ ތަރުތީބުން ވެދެވޭ ތަންތަނަށް ވަނުމުގެ ނަންބަރު އަތުލުން
ނަކަލުނެގުން
މ (1) އަޞްލާ އެއްގޮތް އެއްޗެއް ހެދުން (2) ލިޔެފައިވާ ލިއުމެއް އެހެން އެއްޗަކަށް ނެގުން
ނަގިލިނެގުން
މ (1) ބަނދަރު ކުރުމަށްލައިފައި އޮންނަ ނަގިލިނެގުން (2) އިހުގައި ނާކޮޅު މީހުން ރާތިބު ކުރާއިރު އަންބާ ކިޔައިފައި ކުޅޭ ކުޅިވަރެއް