radheef.info
ރަދީފު


ނެށުން
މ (1) ހަމައެއްގެ މަތިން ހެލިފެލިވެ ޙަރަކާތްތަކެއް ކުރުން (2) ނ ރާގަކަށް ނުވަތަ ލަވައަކަށް ހަމަކޮށް ފައި ޖެހުމާއެކު ހަށިގަނޑަށް ގެންނަ ހެލިފެލިވުމެއް
ބަނޑިޔާނެށުން
ނ ބަނޑިޔާ ހިފައިގެން ނަށާނެށުން
ބޮލިމަލާފަތަށްނެށުން
މ ދިވެހިސަގާފީ ނެށުމެއް މިނެށުން ނަށާނީ ކުޑަލޯމަލާފަތަކަށް ބޮލި އަޅައިގެން ލަވަޔަކަށް ހަމަވާނޭހެން އެތަޅުވަމުންނެވެ މިނެށުން ނަށާނީ އަންހެނުންނެވެ ނުވަތަ ފިރިހެނުން އަންހެން ހެދުން އަޅައިގެންނެވެ
ބޮޑުމާލިނެށުން
މ އުނަގަނޑުން ތިރި ވަށައިގެން އެއްވަރަށް ބޮޑުކޮށް ފުއްޕައިފައި ހުންނަ ރޫބައެއް ލައިގެން ކޮނޑުމާޖަހައިފައި ބޮލުގައި ވައްތަރެއްގެ ތާޖެއް އަޅައިގެން ބެރުގައިޖަހާ ލަވަޔާ ކިޔާލަވަޔާ ހަމަވާގޮތުން ނެށުން
ކާސިމަޖާނެށުން
މ ބޮލިމަލާފަތް ހިފައިގެން ނެށުން
ކިޔާހާލަވަޔަކަށް ނެށުން
މަޖާޒު: ބުނިހައި ގޮތަކަށް ބުނިހައި ކަމެއް ނުކުރެވޭނެއޭ ބުނަން ބޭނުންކުރާ ބަހެއް
މާލިނެށުން
ނ މާލިހެދުން އަޅައިގެން ނަށާ ނެށުން
ފުނަނުޖަހާބެރަކަށްނެށުން
މ )މިސާލުބަހެއް( (1) ފޯރިއެއްނެތް ކަމެއްގައިއުޅުން (2) އެއްޗެއް ނުލިބޭ ކަމެއްގައި ބައިވެރިވުން
ފޯމާލިނެށުން
ނ ފޯމާލި ކުޅުމުގައި ނަށާ ތަފާތު ވައްތަރުގެ ނެށުން