radheef.info
ރަދީފު


ހިތިކަދޫވެލެއްގެ ބުޑަށް ފެންކަމުގައި މާމުއި އެޅިއަސް އޭގައި އަޅާ އެއްޗެއް ފޮންޏެއް ނުވާނެއެވެ
(މުސްކުޅިބަހެއް) ނުބައިކަމުގައި ޙައްދު ފަހަނަޅާފައިވާ މީހަކަށް ކިތަންމެ ހެޔޮ ނަސޭހަތެއް ދީ ވިސްނައިދީ ހެދިޔަސް އޭނާގެ ނުބައިކަމަށް ބަދަލެއް ނާންނާނެކަން އަންގައިދިނުމުގެ ގޮތުން ބުނެއުޅޭބަހެއް
ބަޅެއްގެ ނަގޫ ސަންފާ އޮނަކަށް ލައިފައި އޮތަސް ތެދެއް ނުވާނެއެވެ
(މުސްކުޅިބަހެއް) ނުބައި އާދަތައްހިފި އަޚުލާގު ނުބައިވެފައި ހުރިމީހަކަށް ނަޞޭހަތެއް ދިނަސް، ކިތައްމެ ނަމޫނާއެއް ދެއްކިއަސް އެއާދަތަކަކާ ވަތްކެއް ނުވެވޭނެއޭ ބުނުމަށް ބުނެއުޅޭ ބަހެއް.
ކުކުޅުފައިދޮށުވެފިޔޮކެއް މަރެއްނުވާނެ
)މިސާލުބަހެއް( ކަމެއް ރަނގަޅަށް ދަންނަ މީހަކު އަތުން ކަމެއް ގޯސްނުވާނެކަން ދެއްކުމަށް ބުނެއުޅޭ ބަހެއް
އާލާތްނެތިކެޔޮޅެއްނުވާނެ
)މުސްކުޅިބަހެއް( މަސައްކަތަށް ކިތަންމެ މޮޅުމީހެއް ކަމުގައިވިޔަސް އެމަސައްކަތެއްގެ އާލާތްނެތި އެމީހަކަށް އެކަމެއް ނުކުރެވޭނެކަން އެންގުމަށް ބުނެއުޅޭބަހެއް
މަކުނު ފިނދުން ވަލެއް ހުހެއް ނުވާނެ
)މުސްކުޅިބަހެއް( އެކަކުބުނާ ކޮންމެ އެއްޗަކަށް އެއްޗެއް ބުނެ ދޫނުކޮށް ޒުވާބުކުރަންފެށީމާ ބުނެ އުޅޭ ބަހެއް
ފޮތެއް އޮތަކަސް އެދުރެއްނުވާނެއެވެ
(މުސްކުޅިބަހެއް) ފޮތެއް އޮތަކަސް އެއިން އެއްޗެހި އޮޅުން ފިލުވައިދޭނެ މީހަކު ނެތި އަމިއްލަޔަށް އުނގެނި ނުގަނެވޭނެކަން އަންގައި ދިނުމުގެ ގޮތުން ބުނެއުޅޭ ބަހެއް.
ފޮތެއްއެދުރެއްނުވާނެ
)މުސްކުޅިބަހެއް( ފޮތެއް އޮތަކަސް އެދުރެއް ނުވާނެއެވެ
ދެއްވާފަރާތަކަށްމަދެއްނުވާނެ
)މުސްކުޅިބަހެއް( ދީލަތިވުމަށް ހިތްވަރު ދިނުމުގެ ގޮތުން ބުނެއުޅޭ ބަހެއް
ދެފަހަރަކަށް މަރެއްނުވާނެ
)މުސްކުޅިބަހެއް( މަރުވާފަދަ ކަމަކާ ކުރިމަތިލާން ދާއިރު ބުނާ ހިތްވަރުގެ ބަހެއް
ކަލާސީންނަކަށް ނަވެއް ބަލެއް ނުވާނެއެވެ.
ގޮތެއް ހުހެއްނުވާނެއެވެ.