Radheef, ދިވެހިބަހުގެ ރަދީފު، ނުކުރުމުންގެ މާނަ

radheef.info

ހައިނުކުރުން

މ (1) ވަރުނުލުން (2) ކެނޑިނޭޅުން (3) ހުއްޓުމެއްނެތުން (4) މެދުކެނޑުމެއްނެތުން

ހޫނުކުރުން

މ (1) ހޫނުގެ އަސަރު ފޯރުވުން (2) ހޫނުކަން ގެނައުން މަޖާޒު: (3) ރުޅިއެރުވުން (4) ނުރުހުންތެރިކަން އުފެއްދުން

ރަހީނުކުރުން

މ ވަކިމަޤްޞަދެއް ހާސިލު ކުރުމަށްޓަކައި ގަދަކަމުން މީހަކު ނުވަތަ ބަޔަކު ހިފެހެއްޓުން

ކަރަންޓީނުކުރުން

މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުކުރުން (2) ބޭރު ރަށަކުން އަންނަ އުޅަނދެއްގައި ގައިންގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކަށް މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކިމުއްދަތެއް ވަންދެން ބަންދުކުރުން (3) ނުރައްކާތެރި ރޯގާއެއް އުޅޭ ރަށްރަށަށް މީހުން އަރާ ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުކުރުން

އިސާރަތްނުކުރުން

މ (1) އަޅައިނުލުން (2) ދެނަހުރި ކަމަށް ނުހެދުން

ފެންހޫނުކުރުން

މ (1) ފެނުގައި ހުންނަ ފިނިކަނޑުވައި ހޫނުކަން ގެނައުން (2) ފެން ކެއްކުން

ފޯނުކުރުން

މ (1) ފޯނުން ތަނަކާ ގުޅުން (2) ފޯނުން ވާހަކަ ދެއްކުން

ތަމްރީނުކުރުން

މ ކަމެއްކުރަން ފަރިތަކުރުވުން

ތޫނުކުރުން

މ (1) ކޮށިކަން ކަނޑުވައިލުން (2) އޫކުރުން

ތެލިފޯނުކުރުން

މ ފޯނުގެ ޒަރީޢާއިން މީހަކާގުޅުން

ލިޢާނުކުރުން

މ ލިޢާނުގެ ހުވާކުރުން

ގުލާނުކުރުން

މ ނޯކިރީ ކުރުން

ގޮތްދޫނުކުރުން

މ (1) ބޯހަރުވުން (2) ތިމާއަށް ފެންނަގޮތެއްގައި ދޫނުކޮށް ހިފެހެއްޓުން

ސިލުވާނުކުރުން

މ ސިލުވާނަށް ތެޅުން