radheef.info
ރަދީފު


ހެލުން
މ (1) ގުޑުން (2) އެއްޗެތީގައި އަތްލައި ފޮރޮޅުން (3) އެއްޗަކަށް އެއްޗެއް ބާނައިގެން ތެޅުވުން (4) އުފުލުން (5) ތެޅުވުން (6) )ސ ( ހުޅުވުން (7) )ލ ( ފަން ގަނޑުން ބޯދި ފެއްސުން
ހިތުންފޮހެލުން
މ ހިތުންފިލުވުން
ހުންވިހެލުން
މ ހަށިގަނޑުން ހުމުގެ ހޫނުކަން ފިލުން
ހެހެލުން
މ ހެހުން މިބަހުގެ މާނަ ލުއިކުރުމަށް ބުނެއުޅޭ ގޮތެއް މިސާލު: "މިކާށި ހެހެލާދީ" މިހެން ބުނެފިނަމަ އެއީ އާދޭހުގެ މާނަޔާއެކުގައި ބަސް ލުއިކޮށްލަނީ އެވެ
(5) ހެލުން މިބަސް ކުރުވުމުގެ މާނައިގައި ބޭނުން ކުރާގޮތް ހެއްލުން
މ (1) ތިމާ ބޭނުންގޮތަކަށް އަނެކާ އަނބުރައިލުން (2) ތިމާގެ ބަސްދަށުލުން (3) އުނދޯލިފަދަ ތަކެތި ދެފަރާތް ދެފަރާތަށް ދާނޭގޮތް ހެދުން (4) މީހަކުލައްވައި އަތުން އެދުން ފުއްދުވުން
ހެލިވަތްހެލުން
މ (1) ކޮށްނިމިފައިއޮތްކަމެއް އަނެއްފަހަރު ކުރަން ނުޖެހެނީސް ކުރުން (2) )ޅ ( މީހަކުކޮށް ނިންމައިފައި އޮތްކަމެއް ތިމާކުރިކަމެއް ކަމުގައި ހަނދާންވެގެން ދެވަނަ ފަހަރަށް އެކަންތައް ކުރުން މިސާލު: ފޮޅައިނިންމައި އޮތްތަނެއް އަލުން ފޮޅުން
ހޭމަސް ހެލުން
މ (1) ކުރުމަހާއި ވޮށިމަސް ގެންނާން ހޭމަސްދޮއްޓެއްގައި ލައިގެން ކަނޑުގައި ކޭއްތުން. (2) މަޖާޒު: އަންހެނުން ހިތް ޖެއްސުމަށްޓަކައި ޖިންސީ ގުނަވަން ކަހައި ގޮތްގޮތް ހެދުން
ރަށްހެލުން
މ ބިންހެލުން
ރެހެލުން
މ )ގ ( ރެނދުލުން
ބަލަށް އެހެލުން
މ (1) ބާވެގެން ދެން ނުދުއްވާން އެއްގަމަށް އެރުވުން. (2) މަޖާޒު: ބޭނުންކޮށްގެން އުޅޭ އެއްޗެއް ދެން ބޭނުން ނުކުރާން ބެހެއްޓުން
ބަލިހެލުން
މ (1) މީހެއްގެ ހުންނަ ވިޔާނުދާ ހަޑިހުތުރު ޢަމަލެއް ތަކުރާރު ކުރުން (2) ދާއިމީ ބައްޔެއް ހުރުމާއެކު ދުވަސް ދުވަސްކޮޅުން ބަލިނުބައިވުން
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބިންހެލުން
މ (1) ބިމަށް ލޮޅުން އެރުން (2) ރަށްގުޑުން (3) ޒަލްޒަލާ މިއީ ބިމުގެ ވަރަށް އަޑީގައި ހިނގާ ހަމަނުޖެހުމެއްގެ ސަބަބުން ބިމުގެ ތޮށިގަނޑު ތެރޭގައި އުފެދޭ ފިއްތުމުގެ ރާޅު ބާންޏަކުން އުފެދޭ ލޮޅުމެކެވެ ބޮޑެތި ބިންހެލުންތައް އަންނަނީ ބިމުއަޑީގައިވާ ހިލަތަކުގެ ފަށަލަތަކުގައި ހުންނަ ދެރަކަމެއްގެ ސަބަބުން އެފަށަލަތައް ހަލާކުވުމުގެ ސަބަބުންނެވެ ކުދިކުދި ބިންހެލުންތައް ކަނޑުގެ ރާޅުތަކާއި ޖައްވީ ފިއްތުންތަކުގެ ސަބަބުން އަތުވެދާނެއެވެ ބިންހެލުމުގެ ބާރުމިން މިނަނީ ރެކްޓަރ މިންގަޑުންނެވެ މިއީ 1 ން 9 ށް ދަރަޖަބަހައިފައިވާ މިންގަޑެކެވެ އިންސާނުންނަށް ބިންހެލުމެއް އިޙުސާސްވާނީ މި މިންގަޑުން އެންމެ ކުޑަވެގެން 5 1 އާ ހަމަވުމުންނެވެ
ބިންގާހެލުން
މަޖާޒު: ކަމެއްގެ މައިގަނޑަށް ލޮޅުމެއް އެރުން ނުވަތަ އެކަމަށް ކުށެއްވުން
އަތުންހެލުން
މ ތިމާގެ އަތުން ތިމާގެ ޝަހުވާނީ އެދުން ފުއްދުން
އަތްފައިހެލުން
މ (1) ކަންތައްކުރެވުން (2) ކުއްޖަކު ބޮޑުވަމުންއައިސް ކަންތައް ކުރެވޭވަރުވުން
އުޑަގޮހެލުން
ނ )ސ ( އުކުނޑިކޮއްޓުން
އެހެލުން
މ ފުރާދުއްވާ އެއްޗިއްސާއި މޫދުގައި ހުންނަ ބޮޑެތި ލަކުޑި ގަނޑުގަނޑު ދަމައި އެއްގަމަށް އެރުވުން
ވިހެލުން
މ (1) ފަންކާއެއްފަދަ އެއްޗަކުން ވިހުމަށް ލުއިކޮށް ބުނާގޮތް (2) އެތިފަހަރެއް އެޅުން
މައިހެލުން
މ )ލ ( ކައްޓަލަ ވެލުގައި ކައްޓަލަ ހުރިތޯ ބެލުން
މާބަނޑުންހެލުން
މ )ސ ( މާބަނޑުން ފިރުކުން