radheef.info
ރަދީފު


ހަރުބީއަށް ހިނގުން
މ ހަރުބީއަށް ހަމަވާގޮތަށް ފިޔަވަޅު އަޅަމުން ހިނގުން މިއީ އިހުގައި ގަނޑުވަރުތެރޭ ފިރިހެން ބޭފުޅުން ދަސްފުޅު ކުރައްވާ ކަމެކެވެ
ހިނގުން
މ (1) ދިރޭތަކެތީގެ ތެރެއިން ހަތަރެސްފައި ހުންނަ ޖަނަވާރާއި ދެފައި ހުންނަ ތަކެތި ފައިގެބޭނުންކޮށްގެން ކޮންމެވެސް ކޮޅަކަށް ދިއުން (2) އިރުހަނދާއި ތަރިތަކާއި ފަލަކުތައް އެނބުރުން (3) މެޝިނާއި އިންޖީނުގެސޯބުތައް އެނބުރި އެނބުރިހުރުން (4) ދުނިޔޭގެ ކަންތައް ވޭވެހުރުން (5) ހެލިހެލި ހުރުން މިސާލަކަށް: ގަޑީގެ ބަރު ހިނގުން (6) ޖައްވީ އުޅަނދުން ބޭރުގައި ހަވާގެ ތެރޭގައި އިންސާނުން އެއްތަނުން އަނެއްތަނަށް ދިޔުން (7) ލެޔާއި ފެންފަދަ ތަކެތި ހޮޅިހޮޅީގައި ނުވަތަ ނާރުތަކުގެ ތެރޭގައި ދައުރު ކުރުން (8) ފެންފެންގަނޑާއި ކޯރުކޯރާއި ކަނޑުގައި ފެނާއި އޮއި ދަތުރު ކުރުން (9) ޢާންމުކޮށް ގަބޫލުކުރުން )01( ހަލުއިކޮށް ވިކުން
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ހުވާހިނގުން
މ )ގ ( މަރުވުން
ހުވާސްހިނގުން
މ )ޏ ސ ( (1) ފުރާނަ ދިއުން (2) މަރުވުން
ނަންހިނގުން
މ މަޝްހޫރުވުން
ނައިބުކަމާ ހިނގުން
މ ރަޖަބުމަހު ހަވަނަދުވަހު ދައުލަތުން ބޮޑު ރަސްމީ ޖަމާއަތެއް ފޮނުވައިގެން ހަތަރުއަވަށު މައިޒާންގޭދޮށުގައި ދީނުގެ އަމުރު މަޢުރޫފު ކުރުން. މި ޖަމާއަތް އެކުލެވިގެންވަނީ ބޮޑުބޭކަލުން ޚަތީބު ބޭކަލުން ފަނޑިޔާރުގޭ ނާއިބު ބޭކަލުން މަލިން ބޭކަލުން އަސްކަރު މުސްކުޅިން މަޖިލީހަށް އަރާބޭކަލުން މުދިން ބޭކަލުން ދޭވާނީން މިބޭބޭކަލުންގެ މައްޗަށެވެ
ރަސްފަރީގައި ހިނގުން
މ ކަނޑި އައްޑަނަ ނުވަތަ ހަލާ ދަނޑި ހިފައިގެން ދާނޑުގައި ރަސްފަރީގެ ކުރެހުން އެޅޭގޮތަށް ހިނގުން
ރޭމަގު ހިނގުން
މ ރޭގަނޑު ހިލޭއަންހެނުންގެ އަވައިގާ ހިނގުން
ބަތާހިނގުން
މ އިހުގައި އީދު ބާރަ ދުވަސްދުވަހު ޞަލަވާތްފުޅު ކިޔަވަން ބައިހަދައިފައި ގޭގެޔަށް ހިނގުން. މިބައިމީހުން ހިނގާނީ ބޮލުގައި ފޮށާއޮޅައިގެން ނުވަތަ ރުމާލެއް އަޅައިގެންނެވެ
ބިކަހިނގުން
ނ (1) ސަލާންޖަހާން ހިނގުން (2) ގެއެއް ދޮރެއް ނެތިގެން އެކިއެކި ގޭގޭގައި ނިދައިއުޅުން
ބޮޑުމަސްހިނގުން
މ (1) ބޮޑުމަސް އުޅުން (2) ދުނިޔެ ވަށައިގެން ބޮޑުމަސް އެނބުރުން
ކުރުހިނގުން
ނ ކުޑަތަން ކޮޅެއްގެ ތެރޭގައި ދެކޮޅަށް ދެކޮޅަށް ގިނައިން ހިނގުން
ކުރުމަގު ހިނގުން
މ އެއްތާކު ދެކޮޅަށް ދެކޮޅަށް ހިނގުން
ކޮރާހިނގުން
މ ފަޔަށް ލިބުނު ގެއްލުމެއްގެ ސަބަބުން އެއްފައި މައްޗަށް ޖެހެމުން ހިގުން
އަތޮޅުހިނގުން
މ އަތޮޅުވެރިން ނުވަތަ އަތޮޅުވެރިން ފޮނުވާ މީހަކު އަތޮޅުގެ ހުރިހައި ރަށަކަށް އަރަމުން ދިއުން
އަތްހިނގުން
މ (1) އަތްތެރިމަސައްކަތާ އަތުމަސައްކަތުގައި ކުޅަދާނަވުން (2) އަތްފަރިތަވުން
ވަށައިހިނގުން
މ އެއްޗެއްގެ ނުވަތަ ތަނެއްގެ ބޭރުން ވަށައިގެން ހިނގުން
ވައިހިނގުން
މ (1) ވައިހުރި އެއްޗެއްގެ ފޫގޮސްގެން ނުވަތަ ފެޅިގެން އެއިން ވައި ނުކުތުން. (2) ހުރަހެއްނެތި އެއްފަރާތުން އަނެއްފަރާތަށް ވައިހިނގާގޮތް ހަމަޖެހިފައިވުން. )ވެންޓިލޭޝަން( (3) އެއްފަހަރަކު ވައިޖެހޭ މިސްރާބަކުން އަނެއް މިސްރާބަކަށް ވައި ބަދަލުވުން
(2) ވައި އެނބުރުން ބަލާ! ވައިވަށާހިނގުން
މ (1) ދެމޫސުން ބެދޭ ދުވަސްވަރު އެކިއިރު އެކިދިމާއިން ވައިޖެހުން