radheef.info
ރަދީފު


ޅ
ނ ތާނައިގެ ހަވަނައަކުރު
އަތްގުޅި
ނ ބަގުޑި ބައްދާގޮތަށް ދެއަތްގެންގޮސް ދެއަތު އިނގިލިތަކުގެ ކުރިޖެއްސީމާ އޭގެއެތެރެ
އަތްގުޅިކެއުން
މ އެއްޗެއްގައި ދެއަތުން ބެއްދީމާ ދެއަތުގެ އިނގިލިތަކުގެކުރި ޖެހުން
އަތްގުޅުން
މ (1) އެކުވެރިކަމުގެގޮތުން އެކަކު އަތުގައި އަނެކަކު ހިފުން (2) ލިބާހު ބަދަނުގައި އަތް ހަރުކުރުން (3) މަޖާޒު: އެކުވެރިވުން
)ޅަގަސް( އަލަބިހި
ނ އަލަގަހުގެ ނިރު
އަލިހޮޅި
ނ ބަޑިބޭހުން ހަދާ ކުޅިވަރުގެ އެއްޗެއް މިއީކަރުދާހުން ހޮޅިއެއްހަދައި އެތެރެއަށް ބަޑިބޭސް އަޅައިގެން އަތުން ހިފަހައްޓައިގެން ރޯކުރާވަރަށް އަލިގަދަ އެއްޗެކެވެ
އަލިފާނާކުޅުން
މ ބޭނުމެއްނެތި އަލިފާން ގެންގުޅެ އެއްޗެތީގައި ރޯކޮށްހެދުން
އަލިފާނުކުޅިވަރު
ނ (1) ބަޑިކުޅި ހަވާ އަލިދަނޑި މިބާވަތުގެ ކުޅިވަރު (2) ބަޑިބޭހުން ހަދައިގެން ރޯކުރާން ގެންގުޅޭ ކުޅިވަރުގެ ތަކެތި
އަލިފާނުކުޅިވަރު
ނ ބަޑިބޭހު ކުޅިވަރު
އަލިފާންއެޅުން
މ (1) ދެއެއްޗެއް ޖައްސައިގެން ނުވަތަ ބިއްލޫރި ގަނޑަކުން އިރުގެދަޅަ އެއްޗަކަށް އަޅުވައިގެން އަލިފާން ރޯވާގޮތްހެދުން (2) ހޫނު އުހައްދައިގެން އަލިފާން ރޯވާގޮތްހެދުން
އަގުޅި
ނ (1) ކަންނޭލުގެ ކޮޅުބައްދާން އަޅާފޮތިކޮޅު (2) ތާކިހަލުގެ މަތި ބައްދާން އަޅާފޮތިކޮޅު (3) ހޮޅިފަދަ އެއްޗެހީގެ ކޮޅުބައްދާން ޖަހާ އުނގުރި
އަގުޅިނެއްޓުން
މަޖާޒު: (1) ބަންދުކަންފިލުން (2) ހިނގަހިނގައި އޮތްކަމެއް ބަންދުވެ އޮވެފައި އަލުން ހިނގައިގަތުން
އަގުޅިނެތްކަންނެޔޮ
މަޖާޒު: (1) ހަރުދަނާކަންކުޑަ (2) ޙަޤީގަތުގައި ޤަދަރެއްނެތް (3) ކަމެއްނުވެވޭ މީހާ
އަގުޅިއެޅުން
މ އަގުޅިހަރުކުރުން
އަގުޅިޖެހުން
މ އަގުޅިވެއްދުން
އަސަޅިޔާ
ނ މިނާބޭހުގެ ބާވަތެއް މިއީރަތްކުލައެއްގައި ހުންނަ ކުދިއޮށެކެވެ ފެނަށް އެޅީމާ ކުޑަކޮށް މަސްލާގޮތް ހުންނާނެއެވެ
އަސާރައެޅުން
މ ނުކައްކައި އަސާރަ ތައްޔާރުކުރުން
އަސީދާގުޅަ
ނ އިހު ޒަމާނުގައި ރޯދަވީއްލުމަށްޓަކައި ގަނޑުވަރުތެރޭގައި ހަދާގުޅައެއް މިގުޅަ ހަދާނީ ކުދި ބޭކަލުންނެވެ
އަސުރަށްފޮޅޭމައު
ނ އަސުރުމައު
އަސްކަރުމުސްކުޅިން
ނ އަސްކަރުންގެ ދަނޑި ދެއްވައިފައި ތިބޭ މީހުން ޢިއްޒަތަށް ވަޑައިގަންނވާއިރު މިމީހުން ތިބޭނީ ރަދުންގެ ކަނާތްޕުޅު ފަރާތުގައެވެ
އަސްކެނިވަޅު
ނ އަސްކެނީ ފެން ބިމަށް އޮހޭ ތަން