radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ފަނޑިޔާރުއޮޑި
ނ މާލޭގައި އޮޑިއޮޑި މަތިން ތޮށިލައި އުޅުނު ދުވަސްވަރު އެކަމުގައި ބޭނުންކުރި އޮޑިއެއްގެ ނަން. މިސާލު: ބަންޑާރައޮޑި އަތިރީގޭ އޮޑި ސައްޔިދު ކިލެގެފާނު އޮޑި
ފަނަލުދަނޑި
ނ )ސ ( ދޯނީގެ ދިރުނބާކޮޅުގައި ބޭނުންކުރާ ރިތް
ފަނާ
ނ (1) މީހުނާއި ދިރޭ ކޮންމެ އެއްޗެއް ވާ މަރު. (2) އެއްޗެއް ނެތިދާދިއުން. (3) އޮޑިދޯނިފަހަރު އެޅުމަށް ނަގިލީގެ ބަދަލުގައި ބޭނުންކުރާ ގަލެއް. މިގައު އޮންނާނީ ވަށްކޮށް ފަތާކޮށް މެދުގައި ލޯވަޅެއް ތޮރުފައި އެތަނަށް ދަނޑިއެއް މަހައިފައެވެ
ފަނާވާޖެހުން
މ ފަނަލުގެ ދަނޑިއާއި ގަލާއެއްކޮށް ވަލެއް ބެއްދުން މިއީ ނަގިލީގައި ދަތުވާޖަހާ ބޭނުމުގައި ފަނަލުގައި ޖަހާ ވަލެކެވެ
ފަނިކޮނުން
މ (1) މަސްބޭނުމަށް އެންގަނޑުގެ ގޮތުގައި ބުޅީގައި އެޅުމަށް ބޭނުންކުރާ ފަންޏެއް ކޮނެގެން ނެގުން. މިފަނި ނަގާނީ ދިޔަވަރު ހިކިފައި އޮންނައިރު ގޮނޑުދޮށުން ނުވަތަ ފަޅުމަތީގައި ހިކިފައި ހުންނަ ތަންތަނުންނެވެ (2) ފަނި އޭގެ ހަރުކޮނުން
ފަނީ ޖުއްލާބު
ނ ފަނިވީމާ ބަނޑުސާފުކުރުމަށް ދޭ ބޭހެއް
ފަނީބޭސް
ނ ފަނިވުމުން ފަނިން ސަލާތަތްވުމަށް ބޭނުންކުރާ ބޭސް. މިބޭސް ގުޅަބޭހުގެ ގޮތުގައްޔާއި ދިޔާ ބޭހުގެ ގޮތުގައި ހުރެއެވެ
ފަނީކަފަގަނޑު
ނ ކުޑަކުދިން ފަނިވީމާ ބޮލުގައި އަޅާ ބޭސް ކަފަގަނޑެއް
ފަނީފަނީކުޅުން
މ (1) ކުޑަކުދިންކުޅޭ ކުޅިވަރެއް މިކުޅިވަރު ކުޅޭއިރު ބައިވެރިވާން ބޭނުން ހުރިހާ ކުދިންގެ ތެރެއިން ދެކުއްޖަކު ނުކުމެ އެއްކުއްޖަކު "ފަނީ ފަނީ ކޮން އެއްޗެއްހޭ"؟ ބުނާއިރަށް އަނެއްކުއްޖާ "މަޅިފައްޗޭ" ބުނެފައި ދުއްވައި ގަންނަނީއެވެ އެއީ ފަނި ހިފައިގެން ދިއުމެވެ އޭނާގައިގައި އަތްލުމުން ފަނިލިބުނީއެވެ
ފަނީސަރުބަތު
ނ ފަނިވީމާދޭ ފޮނިރަހަލާ ދިޔާ ބޭހެއް
ފަންހުޅު
ނ ހިކިފަން ނުވަތަ ފަންވަތް އެއްކޮށް ބަނދެފައި އޮންނަ ބޮނޑިއެއް މިއީ އަލިފާން އެއްތަނުން އަނެއްތަނަށް ގެންދިއުމަށާއި އަލިކަމެއްގެ ގޮތުގައި ބޭނުންކުރުމަށް އަލިފާން ރޯކުރުމަށް ހަދާ އެއްޗެކެވެ
ފަންބަނުން
މ (1) ރުއްގުނުމުގައި ގުނަމުންދާ ރުއް ފާހަގަ ކުރުމުގެ ގޮތުން ފަންވަތް އެއްސުން (2) ރޮދު ލުމުގައި ބޭނުންކުރާ ވަލުގައި ފަންއެއްސުން
ފަންކާ
ނ ވައިޖައްސަން ބޭނުންކުރާ އެއްޗެއް މީގެ ވައްތަރުތައް ވަރަށްގިނައެވެ
ފަންތި
ނ (1) ދަރަޖަ މިސާލު: މަތީފަންތީގެ ބޭފުޅެއް (2) ބައި (3) ޢުމުރު މިސާލު: މެދު ފަންތީގެ ރުކެއް (4) އިސްކޮޅު (5) ވަރު
ފަންގަނޑުތޮޅި
ނ ފަތިކޮށް ދިގުކޮށް ހުންނަ މަހެއް. މިއީ ތޮޅީގެ ބާވަތެކެވެ. މިއީ އެހެން މަސްމަހާ ޚިލާފަށް ބަނޑުދަށް ފަރާތުގެ ކޮތަރި ބައިނަގޫފަތާ ވަރަށް ކައިރީގައި ހުންނަ އަދި ކަންފަތްވެސް ބަނޑުދަށް ފަރާތުގައި ހުންނަ މަހެކެވެ މިމަސް މާކަނޑުތަކުގައި އުޅޭތީ މަދު ފަހަރެއްގައި ނޫނީ ނުބޭނެއެވެ
ފަންގިކުނާ
ނ މާލޫދު ހަރުގެ ފަދަ ތަންތާނގައި ބިންމަތީގައި ފަތުރަން ބޭނުންކުރާ ބޮޑެތި ކުނާ
ފަންގިލުން
މ ވިދެފައި ހުންނަ ފަން ބޭނުންކޮށްގެން ފުރާޅެއް ހިޔާކުރުން
ފަންގެއެރުވުން
މ ފުރާޅެއްގައި ފަންގިލާއިރު ގިނަ ފަންގަނޑުތައް ގުޅުވައި އޭގެކޮޅު ފުރާޅުމަތީ ތިބޭ މީހުންގެ އަތަށް ދިނުން
ފަންޏަށްލުން
މ (1) ދުވަސް ނުފުރާ ވިހާ ކުއްޖާއަށް ނުވަތަ ވިހާއިރު ވަރުދެރަ ކުދިންނަށް ހޭހަން ކުރުމަށް ހަކުރު ފަނީގައި ބޭއްވުން (2) ޣުލާބުޖާނު ފަދަ ފޮނިކާއެއްޗެހި ފަނީގައި ބެހެއްޓުން
ފަންސުރު
ނ ހިމަދިގުކޮށް އޮންނަ ލަކުޑި ކޮޅެއްގެ ތެރޭގައި ހަރުދެލި ކަހަލަ އެއްޗެއް އޮންނަ ލިޔުމަށާއި ކުރެހުމަށް ބޭނުންކުރާ އެއްޗެއް