radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ކިރުފަނިހަނދި
ނ (ޅ) ފަނިހަނދީގެ ބާވަތެއް. މިއީ އާދައިގެ ފަނިހަންޖަށްވުރެ މަސްގަނޑު ތުނި ކިރުފެން ކުލައިގެ ހަންޖެކެވެ.
ކިރުފެލުން
މ (1) ކާށިފަދަ ތަކެތީގެ ހުނީން ކިރުނެގުން (2) ޖަނަވާރުގެ ކިރުވައްގަޑުން ކިރުނެރުން (3) ތިނަ ވައްގަނޑުން ކިރުނެރުން
ކިރުޖެއްސުން
ނ މައިމީހާގެ އުރަމަތީގައި ޅަކުއްޖާގެ އަނގަޖެއްސުން
ކިބާފިލާ
ނ ސަންދޯކު ނާޅާ ވަޅުލާ މައްޔިތާގެ މަތީން ޖަހާން ތިނބިގަނޑެއްހެން ބަނދެފައިވާ ދެފިލާ
ކިއެވެނީން
ނ އިހުގައި ރަސްމީ ކިޔެވުންތައް ކިޔަވާން ދައުލަތުގެ ފަރާތުން އުޖޫރަދެއްވައިފައި ތިބިމީހުން
ކިއްލާހެދުން
މ މަޖާޒު: އެހެން ބައެއްގެ ތަނެއްގައި ތިމާގެ އަމިއްލަ ކަންތައް ގަނޑެއް ހިންގުން
ކިއްސަރުއުއި
ނ އޮޑިދޯނިފަހަރު ބަންނައިރު މަޑޫމަތީގައި ލަނބަމުން ޖަހާއުއި
ކިއްސައްދެވި
ނ މިއީ ގަބުރުސްތާނުގައި އުޅޭކަމަށް ބުނާ ދެތްވެކެވެ. މިދެވި މީހުންނަށް ބަލިޖައްސައި ކުލަ ރީނދޫކޮށް މާބަނޑު މީހުންގެ ބަނޑުގައި ރޮނގުއަޅައި އުޅޭކަމަށް ބުނެއުޅެއެވެ
ކިފާޔަތުގެ ފަރުޟު
ނ ޖަމާޢަތެއްގެ ފަރާތުން އެކަކު ނުވަތަ ބަޔަކު ކުރީމާ ފުދޭ ނުކުރީމާ އެންމެ ފާފަވެރިވާ ފަރުޟު މިސާލު: ބޭސްވެރިކަން ފަދަ ފައިދާ ހުރި ޢިލްމުތައް އުނގެނުމަކީ ކިފާޔަތުގެ ފަރުޟެކެވެ
ކިފާޔަތުގެ ސުންނަތް
ނ ޖަމާޢަތެއްގެ ފަރާތުން އެކަކު ކުރީމާ ސުންނަތް ޙާޞިލުވާ ނުކޮށްފިނަމަ އެންމެން ސަވާބުން މަޙުރޫމުވާ ސުންނަތް މިސާލު: ފަރުޟު ނަމާދަށް ވަގުތުގައި ބަންގިދިނުމަކީ ކިފާޔަތުގެ ސުންނަތެކެވެ
ކިލަގެ
ނ ހަތްދޮށު ކޮލިން ލިބޭ ދަރަޖައިގެ ނަން
ކިލަގެކަން
ނއނ ހަތްދަށު ކޮލީގެ ދަރަޖަ ލިބިފައިވާކަން
ކިލާސް
ނ (1) މަދަރުސާގައި ކިޔަވައިދިނުމަށް އެއްކޮށް ތިބެން ކަނޑައަޅައިފައިވާ ކުދީންގެ ބައެއް (2) ފަސިންޖަރުން ދަތުރުކުރާ ރޭލާއި މަތިންދާ ބޯޓް ފަދަ އެއްޗެހީގައި ދަތުރުކުރެވެން ހުންނަ އެކި ފެންވަރުގެ ބައިބައި
ކިސް
ނ (1) ލޯބިކުރުމުގެ ގޮތުން ތަނެއްގައި ނުވަތަ އެއްޗެއްގައި މޫނުޖައްސައިފައި ދެތުން ފަތުން ބޮސްދޭ ބޮސް ދިނުން (2) )ބދ ( ބަނޑު
ކިޔަވާގެ
ނ (1) ބޮޑުދެހިތީގައި ހިތީ ކިޔަވަންގެންދާ ފޮތް ފޮށިތައް ބެހެއްޓުމަށާއި ވިއްސާރަވެއްޖެނަމަ ކިޔަވަން ދާމީހުންތިބޭން ފަނުން އަޅާފައި ހުންނަ ގެއެއް (2) ކިޔެވެލިކިޔަވަން ފުއްޓަރު ފަރާތުގައި އަޅައިފައި ހުންނަގެ (3) އެދުރުގެ
ކިޔާހާލަވަޔަކަށް ނެށުން
މަޖާޒު: ބުނިހައި ގޮތަކަށް ބުނިހައި ކަމެއް ނުކުރެވޭނެއޭ ބުނަން ބޭނުންކުރާ ބަހެއް
ކިޔެވެނި
ނ (1) ރަސްމީ ކިޔެވުންތައް ކިޔަވާން ދައުލަތުން ލައްވައިފައިވާ ޖަމާޢަތުގެ މީހެއް (2) )ރ ( ގިއުޅުފާޑަށް ހުންނަ ކަޅުކުލައިގެ މަހެއް
ކީހާޅެންފަރިއްސަށްވުން
)މިސާލުބަހެއް( ހުރިހާ ކަމެއް ތާކުންތާކުނުޖެހި ދިއުން
ކީމިޔާކެއްކުން
މ ބޭހެއްޖަހއިގެން ލޮއިރިއްސަށް ނުވަތަ ރަނަށް ބަދަލު ވާނެކަމަށްހީކޮށް އެކަމަށް މަސައްކަތް ކުރުން
ކީސާކުރުން
މ (1) މަޢުދަނީ ފައިސާ އާއި ޖަވާހިރުފަދަ ތަކެތި ކޮތަޅަށް އަޅައި ބަނދުކުރުން (2) މުދާ ވިއްކައިފައި ފައިސާއަށް ހެދުން