radheef.info
ރަދީފު


ތުން
ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން
ސުއްދާނުހިފުން
މ މައްޔިތާގެ ބޮޑުކަމު ނަޖިސް ނުކުތުން ބަންދުވުން
ސުއްޓާ
ނ ދުންފަތުން ހިމަދިގުކޮށް ވަށްކޮށް އަނބުރައިފައި ހުންނަ އެއްޗެއް މިއީ ދުންފަތުގެ އިސްތިޢުމާލު ކުރާމީހުން ރޯކޮށްގެން ބޯ އެއްޗެކެވެ
ސުވާ
ނ (1) ކުޅޭ ކުޅިވަރެއްގައި ބޭނުން ކުރާ ބޯޅައެއް ކަހަލަ އެއްޗެއް މިއީ ފޮތިން ހަދައިފައި ކައިވަތެއް ހުންނަވަރުގެ ފަށެއް ލައިފައި އޮންނަ ބޯޅައެކެވެ (2) ސުވާ ބޭނުން ކޮށްގެން ކުޅޭ ކުޅިވަރެއް (3) ކާ އެއްޗަކުން އެއްފަހަރާ އަނގަޔަށްލާން އަތުން ނަގާ މިންވަރު (4) )ޏ ( ޓެނިސްބޯޅަވަރުގެ ވައްބޯޅައަކާއި ބަމައެއް ހުންނަ ވަރުގެ އޮނުބުރިއެއް ބޭނުންކޮށްގެން ކުޅޭ ކުޅިވަރެއް މި ކުޅިވަރު ކުޅެނީ ކުޅޭމީހުން ދެބަޔަކަށް ބަހައިލައިގެންނެވެ (5) )ސ ( ފަންވަތުން ވިޔެގެން ކުޅެން ގެންގުޅޭ ބަށި
ސުވާލު
ނ (1) އަނެކެއްގެ ފަރާތުން ޖަވާބަކަށް އެދި ބުނާބަސް (2) އެއްޗެއް އަހާ އެހުން
ސުވާލުކުރުން
މ (1) އަނެކެއްގެ ފަރާތުން ޖަވާބަކަށް އެދި އެއްޗެއް ބުނުން (2) އެއްޗެއް އެހުން
ސެހެރީ
ނ (1) އެއްޗެއް ތައާރަފު ކުރުމުގެ ގޮތުން ދައްކާ ވާހަކަ ނުވަތަ ލިޔާލިޔުން (2) ތަރުވާޒު
ޑަޑަން
ނ ބަޑިތަކެއް ތަޅައިގަތުން ފަދަ ނުވަތަ އަޑުގަދަވާ ކަހަލަ އެއްޗެހި ތަކެއް ވެއްޓުން ފަދަ ކަމަކުން އިވޭ އަޑު
ޑިރެކްޓަރު
ނ (1) އިދާރީ ގޮތުން ބައިކުރެވިފައިވާ ބައިތަކުން ކުރެ ބައެއްގެ ވެރިޔާ (2) ފިލްމާއި ތަމްސީލުގައި ހަދަންވީގޮތް ކިޔައިދޭ މީހާ (3) ވިޔަފާރީގެ ބޮޑު ބަޔަކާ ހަވާލުވެ ހުންނަ ވެރިޔާ
ޑިއުޓީ
ނ (1) އަދާކުރަންޖެހޭ ވަޒީފާ (2) އެތެރެކުރާ މުދަލާއި ބޭރު ކުރާ މުދަލުގެ އަގުގެ ނިސްބަތުން ސަރުކާރަށް ނަގާބައި
ޑިޕޮޒިޓު
ނ (1) ގަރަންޓީއެއްގެ ގޮތުން ބަހައްޓާފައިސާ (2) ޖަމާގައި ހުންނަ ފައިސާ
ޑުރާމާ
ނ ވާހަކަ އާއި ޙަރަކާތުން ނުވަތަ ޅެމުންނާއި ޙަރަކާތުން ދައްކައިދޭ ތަމްސީލު
ޑެމަރޭޖް
ނ ބޯޓަކުން ބާލާމުދާ ކަސްޓަމުގެ ސަރަހައްދުން ބޭރަށް ނުގެންގޮސް ވަކި މުއްދަތެއް ފާއިތުވުމުން އިތުރަށް ހުންނަ ދުވަސް ތަކަށް މުދަލުގެ ވެރިފަރާތުން ދޭންޖެހޭ ޖޫރިމަނާ
ޑޭޝް
ނ ނިޝާނެއްގެ ގޮތުން ޖަހާކުރު ރޮނގުބުރި
ޒަންޖަބީލް
ނ އަރިދަފުސް ރޯގާ ޖެހުމުން ފަރުވާ އެއްގެ ގޮތުންދޭބޭސް ފެނެއް މިކައްކާނީ އިނގުރާއި ފޮނިތޮައްޓާއި ކާފޫރުތޮޅިއާއި ވޭމުއި އަޅައި ގެންނެވެ
ޒަބާނިއްޔަމަލާއިކަތުން
ނ ނަރަކައިގައި އަޒާބު ދެއްވުމުގެ ކަންކަމާ ހަވާލު ކުރެވިގެންވާ މަލާއިކަތުން
ޒަކާތްނެގުން
މ މީހުންގެ މުދަލުން ޒަކާތަށްވާބައި ވެރިކަމުގެ ފަރާތުން އަތުލުން
ޒައްރެއްގެމިންވަރު
ނ (1) ހަމަލޮލުން ނުފެންނަހާ ކުޑަމިންވަރު (2) އެންމެ ކުޑަ މިންވަރު މިއީ މިސާލުގެ ގޮތުން ކުޑަކަން އެންގުމަށްޓަކައި ބުނާ ބަހެކެވެ
ޒިކުރުކޭން
ނ ޒިކުރަށް އެރީމާ އާދައެއްގެ ގޮތުންދޭކެއުމެއް
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒުވާބު
ނ (1) ޖަދަލު (2) ދެކޮޅުވެރިކަމުގެ ގޮތުން ދެފަރާތުން ރައްދު ކުރާ ބަސް (3) ދެމީހަކު ނުވަތަ ގިނަބަޔަކުވާ އަރާރުން (4) ޖަވާބު (5) ގިނަބަޔަކުވެގެން ލަވަކިޔާއިރު ނަގާކިޔާމީހާގެ ފަހަތުން އެހެން މީހުން ކިޔަންޖެހޭބައި