radheef.info
ރަދީފު


އެއްޗެއް
ނ އެކަތި
ގިގުނި
ނ (1) ހަލުވައިލީމާ އަޑުކިޔާ ގޮތަށް އެތެރެޔަށް ހަރުއޮށެއް ކަހަލަ އެއްޗެއް ނުވަތަ އެތިކޮޅުތަކެއް ލައި ބައްދައިފައި ހުންނަ މައުދަނީ އެއްޗެއް މީގެ ކިތަންމެ ވައްތަރެއް ހުރެއެވެ މިސާލު: ހަލާދަނޑީގެ ފުލުގައި ލުމަށާއި ނަށާ މީހުންގެ ފައިގައި އަޅައި އުޅުމަށް ބޭނުންކުރާ ގިގުނި (2) ވިހަ ގިގުނި ގަހުގެ ހިކިތޮޅި
ގީފަތި
ނ (1) ރުޅިއައިސްގެން ކިޔާނުކިޔާ އެއްޗެއް ނޭނގޭގޮތަށް ކިޔާއެއްޗެހި (2) ގޮވާގޮވެލިފަތި
ގީފަތިދެމުން
މ ރުޅިއައިސްގެން ކިޔާނުކިޔާ އެއްޗެއް ނޭނގޭގޮތަށް އެއްޗެހި ކިޔުން
ގުނގުރު
ނ (1) ނަށާއިރު ފައިގައި އަޅާ އެއްޗެއް މިއީ ގިގުނި ކަހަލަ އަޑު ކިޔާ ގޮތަށް ހުންނަ އެއްޗެކެވެ މިއީ މިއުޒިކު ކުޅޭއިރު އަތުން ތަޅުވަންވެސް ގެންގުޅޭ އެއްޗެކެވެ (2) މުށްގަނޑުލައިފައި ހުންނަ ގުނގުރު
ގުނގުރުފަތި
ނ ގުނގުރުތަކެއް އެއްކޮށްގެން ފައިގައި އައްސާ ގޮތަށް ހަދައިފައި އޮންނަ އެއްޗެއް މިއީ ނަށާ މީހުންގެ ފައިގައި އަޅާ އެއްޗެކެވެ
ގުން
ނ )ސ ( (1) ބާރަށް ފައިޖަހަމުން ހިނގައިފައިދާއިރު އިވޭއަޑު (2) އެއްޗެއް އިތުރު ބާރަކާއެކު ދިރުވައިލާއިރު އިވޭއަޑު
ގުންބަނަގަންޗޯސް
ގބ ކުޑަކުދިން ފެންވަރުވާއިރު ކިޔާ އެއްޗެއް
ގުންބައިލުން
މ ފެން ނުވަތަ އެފަދަ ދިޔާ އެއްޗެއްގެ ތެރެއަށް އެއްޗެއް ފައްތައިލުން
ގުންބާ
ނ ފެނާއި ތެޔޮފަދަ އެއްޗެހި ނެގުމަށާއި އެކިއެކި އެއްޗިއްސަށް ވައި ޖެހުމަށް ހަދައިފައި ހުންނަ އެއްޗެއް
ގުންބާކުރުން
މ (1) ބޮޑުކަމު ބޭރަށް ނުދެވިގެން ފުރަގަސް ފަރާތުދޮރުން އެތެރެއަށް ގުންބާއަކުން ސައިބޯނިފެން ފަދަ އެއްޗެއް ދުއްވުން (2) ބިގަރު ފަދަ އެއްޗެއްސަށް ވައިޖެހުން
ގުންބާދިނުން
މ ބިގަރާއި އިންޖީނު އުނދުން ފަދަ އެއްޗެއްސަށް ވައިޖެހުން
ގުންބާޖެހުން
މ އިންޖީނު އުނދުނާއި ބިގަރުފަދަ އެއްޗެއްސަށް ވައިޖެހުން
ގުންޑާ
ނ (1) އެއްޗެއް ނޭނގޭމީހާ (2) ނުކިޔަވައިހުރިމީހާ (3) ޖާހިލުމީހާ (4) ތަންދޮރު ނުދަންނަމީހާ
ގުންޑާއިން
ނ (1) އެއްޗެއް ނޭނގޭ މީހުން (2) ނުކިޔަވައި ތިބޭ މީހުން (3) ޖާހިލުން (4) ތަންދޮރު ނުދަންނަ މީހުން
ގުރާ
ނ ދޫނީގެ ބާވަތެއް. މީގެ އެންމެ ޚާއްޞަ ސިފައަކީ ތުންގަނޑު ގުދުކޮށް ހުންނަކަމެވެ. މީގެ ބޮޑެތި އެއްޗެއްސާއި ކުދި އެއްޗެހި އުޅެއެވެ. މިއީ ވަރަށް ރީތި ދޫންޏެކެވެ
ގުރާމޮށުން
މ މަޖާޒު: (1) ތިމާގެ އަމިއްލަ ޚިޔާލެއްނެތި އަނެކަކު ބުނާހާ އެއްޗެއް ބުނުން (2) ތިމާގެ އަމިއްލަ ޚިޔާލެއް ނުވަތަ އިތުރު މަޢުލޫމާތެއް ހޯދުމެއްނެތި ހަމައެކަނި ތިމާދަސްކޮށްފައިވާ ގޮތަކަށް އެއްޗެއް ކިޔުން
ގުޅަކޮށްފައިޖެހުން
މ (1) އެއްޗެއް ބޮނޑިކޮށްލައިފައި ތަނަކަށް އެއްލައިލުން (2) މަޖާޒު: ކަންތައްތަކެއް ބޮނޑިކޮށްފައި އަނެކަކާ ޙަވާލުކުރުން
ގުޅަވެށުން
މ (1) ވަށްކޮށް ހުންނާނެގޮތަށް އެއްޗެއް ބައިބައިކުރުން (2) ބައިބައިކޮށްފައި ހުރި އެއްޗެއް ގުޅަގުޅައަށް ހުންނާނެގޮތަށް ހެދުން މިސާލު: ފުށްގުޅަވެށުން
ގުޅަފަތަފޮޅި
ނ އެތެރެއަށް ގުޅަމަސް އަޅައިގެން ފިހެފައި ހުންނަ މަސްފަތަފޮޅިއަށްވުރެ ކުޑަކޮށް ބޯކޮށް ހުންނަ ހެދިކާއެއްޗެއް
ގުޅުން
މ (1) އެކުލެވުން (2) އެއްކުރުން (3) އެއްޗެއް އަނެކައްޗަކާ ލައިމެހުން (4) އެކުވެރިވުން (5) މުވާޞަލާތުގެ ވަޞީލަތެއްގެ ބޭނުންކޮށްގެން އެއްފަރާތަކުން ބުނާ އެއްޗެއް އަނެއް ފަރާތަކަށް އެނގޭގޮތް ހެދުން