radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ދާ
ނ (1) މަސްހިފުމަށްޓަކައި ރޮދިފަދަ އެއްޗަކުން ގޮޅިގޮޅި އަށްވާގޮތަށް ބަނދެފައި ނުވަތަ ހަދައިފައިވާ އެއްޗެއް (2) މައުދަނީ ފަށްތަކުން ގޮޅިގޮޅިޔަށް ވާގޮތަށް ހަދައިފައި ހުންނަ އެއްޗެހި (3) ގައިގެހަމުގައި ހުންނަ ލޯވަޅުތަކުން ނުކުންނަފެން (4) )ޏ ސ ( ފުނޑާ ދައި (5) )ގ ( ދޯ (6) "ދިއުން" މިބަހުގެ ވާކަން (7) ދާވުން މިބަހުގެ ނަން އިތުރު
ދާރަޖެހުން
މ އެއްޗެއްގެ ނުވަތަ ތަނެއްގެ ދެއަރިމަތި ގުޅޭތަނުން ވަކިގޮތަކަށް ބައެއްކޮށައި ނުވަތަ މަށައިނެގުން
ދާޅިއެޅުން
މ ތޮށަލި ނުވަތަ ފަންފުރާޅުގެ އެންމެފަހު ތޮށަލިފަށް ވަހަށް ބަނުން ނުވަތަ ފަންވައް )ފަންފަށް( ވަހަށް ބަނުން
ދާޅިފެހުން
މ ތިނބީގެ ދަށުން ދެފަރާތުން އޮންނަ ދެފަންވައް )ފަންފަށް( ނުވަތަ ދެތޮށަލި ފަށްގުޅައިލުން
ދާއެޅުން
މ )ޏ ( މަސްހިފުމަށްޓަކައި ފަޅުތެރެއަށް ދާއުކުން ނުވަތަ ފަޅުތެރޭގައި ދާދެމުން
ދާމޫގަނޑު
ނ (1) ދާމޫ (2) މަޖާޒު: މީހެއްގެ އަތުގައި ނުވަތަ ތަނެއްގައި ހުންނަފައިސާ
ދާލި
ނ ލަކުޑިގަނޑެއް ނުވަތަ ދަނޑިގަނޑެއް ފަދަ އެއްޗެއް ކޮށާއިރު ނުވަތަ މަށާއިރު އެއިންނެގޭ ބައިބައި
ދިހަލަދިކުރުން
މ )ދ ( ފުރުމުގެ މޮޅު އިރުވަރު ޖެހޭއިރު ދަތުރަށް ތައްޔާރުނުވެގެން ނުވަތަ އެހެންވެސް ސަބަބެއް މެދުވެރިވެގެން ފުރުން ލަސްވާގޮތް ދިމާވެއްޖެނަމަ އެމޮޅު އިރުވަރުގައި ފުރާފައިލެފުން ނުވަތަރަށާއި ގާތް ހިސާބެއްގައި މަޑުކޮށްފައި ބޭއްވުން
ދިހިދިހިހުރުން
މ (1) ކަމަކަށް ނުވަތަ އެއްޗަކަށް ބޭނުންވޭވެ ހުރުން (2) )ހ ( ދަހިލަވަލަވައި ހުރުން
ދިރިހަވާދު
ނ ދިރި ދަވިއްގަނދު ނުވަތަ ހުސް ދިރިލައިގެން ފުނޑާ ހަވާދު ބައެއްމީހުން މީގެތެރެއަށް ކުޑަ ހުނިކޮޅެއްލައިގެންވެސް މިހަވާދު ފުނޑައެވެ
ދިރިހުއްޓައި ކަށްވަޅަށް ދިއުން
މ މަޖާޒު: ނުއުފުލޭވަރުގެ ބޮޑު ދަރަންޏެއް ބޮލުގައި އެޅުން ނުވަތަ އެނޫންވެސް މާބޮޑަށް ލަދުގަންނަންޖެހޭ ފަދަކަމެއް ދިމާވުމުން ބުނެއުޅޭ ބަހެއް
ދިރުވައިލުން
މ (1) އެއްޗެއް އަރުން އެތެރެ ކޮށްލުން (2) ކަންތައްތައް އާލާކޮށްލުން (3) މަޖާޒު: މީހަކާ ނުވަތަ ބަޔަކު ޙަވާލުކޮށްފައިހުރި އެއްޗެއްގައި ނުވަތަ އެއްޗެހިތަކެއްގައި ޖެހުން
ދިރުވުން
މ (1) އެއްޗެއް އަރުން އެތެރެކުރުން (2) ރޫޙެއްނެތި މަރުވަމުންދާކަމެއް އަލުން ދިރޭނޭގޮތް ހެދުން (3) މަސްމަހާމެހި ފެނަށް ހޭނުވުން (4) މަޖާޒު: ކަންތައްތައް އާލާކުރުން (5) ކުރިއެރުވުން (6) މުދާ ނުވަތަ ފައިސާ ފަދަ އެއްޗެއް ނަހަމަގޮތުގައި ބޭނުންކުރުން
ދިރޭކުރި
ނ )ޅ ( (1) ހެދޭކުރި (2) މަޖާޒު: ކުރިއަރަމުން އަންނަ ކަމެއް ނުވަތަ މީހެއް
ދިއުޅިދެމުން
މ ހަނު ނުވަތަ ފޮނުމަތް ފަދަ ތަކެތި އެނބުރުމަށް ލައްވައިފައި ހުންނަ ފަށް ދެކޮޅަށް ދެމުން
ދިއްކުރުން
މ (1) ކޮންމެވެސް އެއްޗެއް އަނެކަކަށް ފޯރުކުރުން (2) ކުރިމައްޗަށް ނެރެލުން ނުވަތަ ދަމައިލުން
ދިއްކޮށްލުން
މ (1) ދިނުމުގެ ލުއިގޮތް (2) ފޯރުކޮށްލުން (3) ކުރިމައްޗަށް ދަމައިލުން ނުވަތަ ނެރެލުން
ދިއްވުން
މ (1) ކުރިމައްޗަށް ނެރެފައި ނުވަތަ ދަމައިލެވިފައިވުން (2) )ސ ( ދުއްވުން
ދިވެހިހެދުން
ނ (1) ދިވެހި ފިރިހެނުން ބޭނުންކުރާ މުންޑާއި ގަމީސް ނުވަތަ މުންޑާއި ލިބާސް (2) ދިވެހި އަންހެނުން ބޭނުންކުރާ ބޯވަޅުއެޅި ލިބާހާއި ފޭލިނުވަތަ ބޯވަޅުއެޅި ލިބާހާއި ކަނޑިކި ނުވަތަ ނަންބަރ ހެދުން
ދިމާކުރުން
މ (1) ބައްދަލުކުރުން (2) މީހަކާ ޖައްސައިލައިގެން އެއްޗެހި ކިއުން (3) އެއްޗަކާ އެއްޗެއް ސީދާކުރުން (4) ރަނގަޅު ޖަވާބެއް ދިނުން ނުވަތަ ރަނގަޅު ޖަވާބެއް ހޯދުން (5) ހަމަލަދިނުން