radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ދޮރޯށި
ނ ގޯތިތެރެއަށް ނުވަތަ ރަށަކަށް ވަދެނުކުމެ އުޅުމަށް ލަކުޑިން ނުވަތަ މަޢުދަނީ އެއްޗަކުން ހަދައިފައި ހުންނަ ދޮރު
ދޮލަނގު
ނ (1) ތަފާތު ވައްތަރުގެ ކާއެއްޗެހި އަޅައިފައި ހުންނަ ތަށިތައް އެތުރުމަށާއި ހަނޑޫ ހޮވުންފަދަ ކަންކަމުގައި ބޭނުންކުރުމަށް މައުދަނީ އެއްޗެހިން ހަދައިފައި ހުންނަ އެއްޗެއް. މި ތަފާތު ބޮޑުމިނުގައި ހަދައިފައި ހުރެއެވެ (2) ކާއެއްޗެހި އަޅައިމަތި ބަނދެފައި ހުންނަ ދޮލަނގު
ތޮނގި
ނ ފުޅަފުގައި ފުޅަލި ހަރުކުރަން ހުންނަދަނޑި މިދަނޑިހުންނާނީ ފުޅަލީގެ އެހެން ދަނޑިތަކަށްވުރެ ތަންކޮޅެއް ދިގުކޮންނެވެ މިދަނޑީގެ ތިރީކޮޅު ހުންނަނީ ފުޅިއެއްގެފޫ ނުވަތަ ނާއްޓެއް ފަދަ އެއްޗެއްގައި ޖައްސައިފައެވެ މަތީ ކޮޅުގައި ފުޅަފުގެ މުޑިޔާއެއްކޮށް ކުސަގަނޑެއ ފުރައިފައެވެ
ގޮޓިބައި
ނ ޕަޗިސް ކުޅޭއިރު ގެންގުޅޭ ކުޅިތަކެއް މިހުންނާނީ ރާޒުވާ ގޮނޑީގެ ރިޔަލާ އެއްވައްތަރަށް އެއަށްވުރެ ކުދިކޮށެވެ މިހުންނާނީ ލިޔެލާޖަހާފައެވެ
ގޯނބިލި
ނ ބިލަމަގު ގަހާ ވައްތަރު އެއަށްވުރެ މައްޗަށް ހެދޭ ގަހެއްގައި އަޅާ ވަށްކޮށް ފަތިކޮށް ފިތްފިތް ހުންނަ މޭވާއެއް މީގައިދެނީ ހުތްރަހައެވެ
ގޯޅި
ނ (1) ބޮޑެތި މަގުތައް ހުރަސްކޮށް ތަންކޮޅެއް ހަނިކޮށް ކުރުކޮށް ހުންނަމަގު (2) ދަގަނޑު އެއްޗެހި ތޮރުފަން ހަދައިފައި ހުންނަ ކައްޓެއް މިކަށިން ތޮރުފަނީ ތޮރުފަން ބޭނުންވާ އެއްޗެއްގައި ތުނޑު ޖައްސައިފައި އަނެއް ކޮޅުގައި އެއްޗަކުން ތަޅައިގެންނެވެ (3) އިމާރާތެއްގެ ތެރޭގައި ނުވަތަ ގޯއްޗެއްގެ ތެރޭގައި ހަނިދިގުކޮށް އޮންނަ ތަން
ފާލަކެކެރި
ނ )ސ ( ކެކުރީގެ ބާވަތެއް މިހުންނަނީ ގާތްގަނޑަކަށް ދެތިން އިންޗީގެ ދިގުމިނުގައެވެ
ފާގަ
ނ ވެލެއްގައި އަޅާ ހަށިގަނޑަށް ފައިދާހުރި ފެހި ތަރުކާރީއެއް މި ދޮންވީމާ ހުންނާނީ ރީނދޫ ކުލައިގައެވެ އޮށްތައް ހުންނާނީ ރަތްކުލައިގައެވެ
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން
ފާސްކުރިހެދުން
ނ (1) ނަންބަރުހެދުން. (2) ދިގު ހެދުން. މިއީ ދެވަނަ ބޮޑު ހަނގުރާމައިގެ ދުވަސްވަރު ދިވެހި އަންހެނުން ލައި އުޅުނު ކަސަބު ބޯވަޅު ހެދުމުގެ ސާމާނު ނުލިބިގެން ސަރުކާރުން އުފެއްދެވި ޚަރަދު ކުޑަ ހެދުމެކެވެ މީގެ ތިން ނަންބަރެއްގެ ހެދުން އުފެއްދެވިއެވެ މިތަނުން މިހާރު ބޭނުންކުރަނީ އެކި ނަންބަރު އެއްކޮށްލައިގެން ހަދާފައިވާ ހެދުމެކެވެ
ފާސްކުރުން
މ (1) މީހެއްގެ ހަށިގަނޑުގައި ނުވަތަ ތަނެއްގައި ނުވަތަ ގެންގުޅޭ އެއްޗެއްގައި އެއްޗެއް ފޮރުވައިފައި އޮތްތޯ ބެލުން (2) ފޮތް ފަދަ ތަކެތި ލިޔެފައިވަނީ ރަނގަޅަށްތޯ ނުވަތަ ނޫންތޯ ބަލައި ނިންމުން (3) އެއްޗެއް ނުވަތަ ކަމެއް ހަމަޖެހިފައިވާ ގަވާއިދަކާ އެއްގޮތްތޯ ނުވަތަ ނޫންތޯ ބަލައި ނިންމުން
ފާސްދިނުން
މ ތާސްބައިން ނީލަން ކުޅޭއިރު ތިމާއާ ޖެހޭފަހަރު ނީލަން ނުކިޔައި ދޫކޮށްލުން
ފިހާރައަށްދާ ކުޅިގަނޑު
ނ އޮށްވަޅު ކުޅުމުގައި ކުޅޭ ކުޅިގަނޑެއް މިއީ ކުޅޭ މީހާ އިންނަ ފަރާތަށް އެކަނި ބޮލިއަޅައިގެން ހުރިހައި ވަޅުތަކުންވެސް ފިހާރައަށްގޮސް ހުރިހައި ފުއް ހުސްކުރާ ކުޅިގަނޑެކެވެ މީގައި ބޮލިއަޅާނީ އެއްވަނަ ވަޅަށް )ފިހާރައާ އެންމެ ކައިރިވަޅަށް( އެއްފުއް ދެވަނަ ވަޅަށް ދެފުއް މިއުސޫލުންނެވެ
ފިހިގަނޑު
ނ (1) ބޮނބި ނުވަތަ އެފަދަ އެއްޗެއްގެ ނަރުން ހަދައި ދަނޑިއެއް ލައިފައި އޮންނަ އެއްޗެއް. މިއީ ކުނިކަހަން ބޭނުންކުރާ އެއްޗެކެވެ. (2) ތަރަފާލާއި ތަޅުންގަނޑު މަތިން ހިރަފުސް ފިލުވަން އުއި ފަށްތަކަކުން ހަދައިގެން ގެންގުޅޭ އެއްޗެއް. ހިރަފުސް ފިލުވުން މި ބޭނުން ކުރަނީ ފެނުން ތެންމައިލައިގެންނެވެ (3) ފިހިގަނޑު ބުމަރު ޖަހަން ރޯ ދިއްގާ ދަނޑިން އެއްކޮޅުގާ ވަކަފަށްތައް ހުންނަ ގޮތަށް ހަދާ އެއްޗެއް
ފިހިގަނޑުބުމަރު
ނ ފިހިގަނޑުންޖަހާ ބުމަރު މިބުމަރު ހުންނާނީ ފުލަށް ހިމަކޮށް ދޯރިއެއް ހެންނެވެ
ފިނދު
ނ (1) އާދަމުގެ ދަރިންނާއި ޖަނަވާރާއި ދޫނި ސޫފާސޫފީގެ ބޮޑުކަމު ނަޖިސް ނުކުންނަ ދޮރާއި ކުޑަކަމު ނަޖިސް ނުކުންނަ ދޮރު. (2) ތެލަނގަ އާއި މަޑިފަދަ އެއްޗެހީގެ ފަހަތުކޮޅުގައި ގުޅާނަގޫ. (3) އިންސާނުންނާއި ޖަނަވާރުގެ ފިނދުމަސްގަނޑު. (4) އެއްލާގުޑީގެ ތެރޭގައި ހިމެނޭ ވާލުގެ ފަހަތުކޮޅުން ދެފަޅިއަށް ފަޅައިފައި ހުންނަތަން. (5) ކުކުޅު ހާލާއި ދޫނީގެ ފިނދުފަތްގަނޑު.
ފިނދުފަތްގަނޑު
ނ ކުކުޅު ހާލާއި ދޫނީގެ ފަހަތުކޮޅުގައި ހުންނަ ފަތްތައް
ފިނިހައް
ނ ތެތްފިނި ތަންތާނގައި އުޅޭ އެނބުރިފައިވާ ތޮށިގަނޑެއްގެ ތެރޭގައި އޮންނަ މަޑުން ދުވާ ސޫތްޕެއް މިއެތި ދުވަނީ އެތެރޭގައި އޮންނަ މަސްގަނޑުން ބައެއް ބޭރަށް ނެރެގެންނެވެ
ފިނިހިފުން
މ ފިނީގެ އަސަރު ހަރުލުން
ފިނިމޫސުން
ނ (1) އަހަރުގެ ތެރޭގައި އަންނަ ފިނިދުވަސްވަރު. (2) އަހަރުގެ މަސްތައް ތަފާތު ހަތަރު މޫސުމަކަށް ބަދަލުވާ ތަންތަނުގައި ޚަރީފާއި ރަބީޢާ ދެމެދަށް އަންނަ މޫސުން ދުނިޔޭގެ އުތުރުގެތަން ތަނަށް މިމޫސުން އަންނަނީ ޑިސެމްބަރުން މާރިޗަށެވެ