radheef.info
ރަދީފު


ހ
އ ތާނައިގެ ފުރަތަމަ އަކުރު
ސުއްދަހުވައިސްދާނަ
ނ )ބދ ( އެންމެ ހެޔޮ ތެދުވެރިޔާ
ސުއްދަސުވަރުދަލޯކަ
ނ )ބދ ( ހެޔޮކަން ފޯރައި ތެދުވެރިކަމަށް ނަންވާމީހާ
ސުއްދާނަށްނެގުން
މ ސުއްދާނު ހިފޭތޯ ބަލަން ނެގުން
ސުއްޓާ
ނ ދުންފަތުން ހިމަދިގުކޮށް ވަށްކޮށް އަނބުރައިފައި ހުންނަ އެއްޗެއް މިއީ ދުންފަތުގެ އިސްތިޢުމާލު ކުރާމީހުން ރޯކޮށްގެން ބޯ އެއްޗެކެވެ
ސުވަރު
ނ (1) އުފާވެރިކަން (2) ފަހިކަން (3) މާތްކަން (4) އޫރު
ސުވަރުގެ
ނ މާތް ﷲ އެންގެވި ގޮތަށް އުޅޭ އަޅުތަކުންނަށް ޤިޔާމަތް ދުވަހުން އެކަމުގެ ސަވާބާއި ދަރުމަ ދެއްވާ ތަން
ސުވަދަރުމަ
ނ އެންމެ މަތީ ވެރިޔާގެ އަރިހުން ލިބޭ ހެޔޮބަސް ނުވަތަ އުޖޫރަ
ސުވާ
ނ (1) ކުޅޭ ކުޅިވަރެއްގައި ބޭނުން ކުރާ ބޯޅައެއް ކަހަލަ އެއްޗެއް މިއީ ފޮތިން ހަދައިފައި ކައިވަތެއް ހުންނަވަރުގެ ފަށެއް ލައިފައި އޮންނަ ބޯޅައެކެވެ (2) ސުވާ ބޭނުން ކޮށްގެން ކުޅޭ ކުޅިވަރެއް (3) ކާ އެއްޗަކުން އެއްފަހަރާ އަނގަޔަށްލާން އަތުން ނަގާ މިންވަރު (4) )ޏ ( ޓެނިސްބޯޅަވަރުގެ ވައްބޯޅައަކާއި ބަމައެއް ހުންނަ ވަރުގެ އޮނުބުރިއެއް ބޭނުންކޮށްގެން ކުޅޭ ކުޅިވަރެއް މި ކުޅިވަރު ކުޅެނީ ކުޅޭމީހުން ދެބަޔަކަށް ބަހައިލައިގެންނެވެ (5) )ސ ( ފަންވަތުން ވިޔެގެން ކުޅެން ގެންގުޅޭ ބަށި
ސުވާދީބު
ނ ރާއްޖޭގެ އެންމެ ދެކުނުގެ ހަތަރު އަތޮޅު
ސުވާލު
ނ (1) އަނެކެއްގެ ފަރާތުން ޖަވާބަކަށް އެދި ބުނާބަސް (2) އެއްޗެއް އަހާ އެހުން
ސުވާލުކުރުން
މ (1) އަނެކެއްގެ ފަރާތުން ޖަވާބަކަށް އެދި އެއްޗެއް ބުނުން (2) އެއްޗެއް އެހުން
ސުވާލުމާކު
ނ ސުވާލަކަށް ހިމެނޭ ލަފުޒެއް ނުވަތަ ޖުމްލައެއް ނިމޭތާނގައި ޖަހާ ނިޝާނެއް މި ނިޝާން އޮންނަނީ؟ މިސިފަޔަށެވެ
ސުވޭހުހީނާ
ނ ހީނާފަތުގެ ބާވަތެއް މިއީ އާދައިގެ ހީނާގަހުގެ ފަތަށްވުރެ ފަތް ބޮޑެތިކޮށް ވާކޮށް ހެދޭ ގަހެކެވެ މިގަހުގެ ފަތް ފުނޑައިފައި އެޅިޔަސް ފަތްކުދި ހީނާފަތް އެޅީމާ ރަތްވާވަރަކަށް ރަތެއް ނުވާނެއެވެ
ސުވޭހުގޮށް
ނ އަނގޮޓީގެ އެސްޖަހާ ތަނުގައި ހިމަ ނަރުފަށްތަކަކުން ގެތުމަކަށްވާގޮތަށް ގޮށެއް ޖަހައިފައި ހުންނަ އަނގޮޓިއެއް
ސުމަގުލް
ނ ރަށަކުން މުދާ ބޭރުކޮށް އެތެރެކޮށް ހެދުމަށް ކުރާ ވަގު ވިޔަފާރި
ސުފުރާ
ނ ކާންހަދާ ތަށިތައް އޭގެ މަތީގައި އެތުރުމަށްޓާކައި ފަތުރާލާ އެތި
ސުތުލިބަރަނި
ނ ސުތުލި ރޮދިން އަނބުރައިފައި ހުންނަ ބަރަނި
ސުލައިޑު
ނ (1) ފޮޓޯނަގާގޮތަށް ނަގައި ފިލްމު ސާފުކުރުމަށްފަހު އަލި އަޅުވައިލީމައި ފޮޓޯ ގޮތަށް ފެންނަ ފިލްމު. (2) ލޭފަދަ އެއްޗެހި މައިކްރޮސް ކޯޕުން ބެލުމަށްޓަކައި މައިކްރޮސްކޯޕަށް ލައްވާ ބިއްލޫރިކޮޅު
ސުލޫކު
ނ (1) އުޅޭގޮތް (2) ޢަމަލުތައް ހުންނަގޮތް
ސުލޭމާނު
ނ ހަރުހިލައިގެ ތެރޭގައި ހިމެނޭ އަގުހުރި އެއްޗެއް