radheef.info
ރަދީފު


ހ
އ ތާނައިގެ ފުރަތަމަ އަކުރު
ސުންނީން
ނ (1) ސުންނަތް ޖަމާޢަތުގެ މީހުން (2) މުސްލިމުންކުރެ ހަތަރު ޚަލީފާއިން ޤަބޫލުކުރާ މީހުން
ސުންބުލާ
ނ ރާއްސެއްގެ ނަން މިއީ ހަވަނަ ބުރުޖެވެ
ސުންބުލި
ނ އެއްޗެހި އެޅުމަށް އެއްތެޔޮ ފާޑުގެ އެއްޗަކުން ހިމަދިގުކޮށް ވިޔެފައި ހުންނަ އެއްޗެއް
ސުންކަން
ނ (1) އެއްޗަކުން ނަގާ މަދުމިންވަރެއް މިސާލު: ކައްކައިފައި ހުރި ބޮނޑިބަތްތެލި ސުންކަމަށް ގޮސް ހުސްވެއްޖެއެވެ (2) ޖަމާޢަތެއްގެ ތެރެއިން ކުރަންޖެހޭ ކަމަކަށް ބޯބޯމަތިން ނަގާ ފައިސާ (3) އިހުގައި ހަވަރުގެ ބަޔަކު ނުކުމެ ފިހާރަ ފިހާރައިން ނަގައި އުޅުނު ފައިސާއެއް (4) އިހުގައި ބަނދަރަށް އަންނަ ބޯޓުފަހަރުން ނަގައި އުޅުނު މުދަލުގެ ބާވަތްތައް
ސުންކަންނެގުން
މ (1) ޖަމާޢަތެއްގެ ބަޔަކު ނުވަތަ ރަށެއްގެ ރައްޔިތުން ފަދަ ބައެއްގެ ތެރެއިން ގަސްދުކުރާ ކަމަކަށް ކަނޑައެޅޭ އެއްޗެއް ނެގުން (2) އިހުގައި ހަވަރުގެ ބަޔަކު ނިކުމެގެން ފިހާރަފިހާރައިން ނަގައި އުޅުނު ލާރިއެއް ނެގުން (3) އިހުގައި އަންނަ ބަނގަލާ ބޯޓްފަހަރުން ނަގާ ތަކެތި ނެގުން
ސުންކަންޖެހުން
މ (1) ބަޔަކު ކާއެއްޗެއް ތައްޔާރު ކުރަނިކޮށް ފެނުމުން ނުވަތަ ތަނެއްގައި ކާ އެއްޗެއް ހުއްޓައި ފެނުމުން އޭގެ ތެރެއިން އެތިއެތި ކޮޅު ނަގައިގެން ކެއުން (2) ދަހިކުދިން ނުވަތަ މީހުން އެތިއެތި ކޮޅުން ކެއުން
ސުންގަޑި
ނ ކަމެއް ނިންމުމަށް ހަމަޖައްސައިފައިވާ ވަގުތު
ސުންޑަލި
ނ ސޯޅިޔާހުނި
ސުންޕާވުން
މ (1) މީހެއްގެ ނަސީބު ނުބައިވުން (2) ކަމެއްގެ ސަބަބުން ދެރަގޮތެއް މެދުވެރިވުން
ސުރުކާހުތް
ނ މޭބިސްކަދުރު ދިޔައިން ހަދާހުތް
ސުރެ
އ ފެށިގެން މިބަސް ބޭނުންކުރަނީ ވަގުތާ ނުވަތަ ޒަމާނާ ގުޅުވައި ގެންނެވެ މިސާލު: )ހ( ދުނިޔެ ފެށުނީއްސުރެ )ށ( ދޭއް ޖެހީއްސުރެ
ސުބަ
ނއ )ބދ ( (1) ތެދުވެރި (2) ހެޔޮ
ސުބަސަދަސުވަރުދާނަ
)ބދ ( އެންމެ ރިވެތިކަން ލިބިގެންވާ މީހާ
ސުބޫތު
ނ ހެކި
ސުކުނިމުކުނި
ނ ކުދިކުދި އެއްޗެހީގެ އޭތިމީތި
ސުކުން
ނ އަކުރުގެ މަތީގައި ޖަހާނިޝާނެއް މިނިޝާން އޮންނަނީ ވަށް ބޮޅެއްގެ ސިފައިގައެވެ
ސުކުންކުރުން
މ ސުކުން ޖެހުން
ސުކޫތު
ނ ހަމަހިމޭން ވަގުތު ކޮޅެއް
ސުއިޓަރު
ނ ފިނިން ރައްކާތެރި ވުމަށްޓަކައި ލާން ވިޔެފައި ހުންނަ ފޭރާމެއް
ސުއިޗު
ނ ކަރަންޓް ގުޅުވައިދީ ކަނޑައި ދިނުމަށް ހަދައިފައި ހުންނަ އެއްޗެއް