radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ކާސިމަޖާކުރުން
މ ކާސިމަޖާ ކުޅިވަރުކުޅުން
ކާޑު
ނ (1) ކެއުމަށް ބޭނުންކުރާ މައިގަނޑު ބާވަތްތައް ކަމުގައިވާ ހަނޑޫ ހަކުރު ފުށް. (2) އެކިއެކި ބޭނުމުގައި ރީތިމިނަކަށް ހަދައިގެން ގެންގުޅޭ ބޯކަރުދާސްކޮޅު. މިސާލު: )ހ( އެޑްރެސްކާޑު. )ށ( ޕޯސްޓުކާޑު. )ނ( ދަޢުވަތުކާޑު. )ރ( ހެޔޮއެދުންތަކުގެ ކާޑު. (3) އިލެކްޓްރޯނިކް ބައެއްތަކެތީގެ ޚިދުމަތް ލިބިގަތުމަށްޓަކައި ބޭނުންކުރުމަށް ޕުލާސްޓިކުން ނުވަތަ މަޢުދަނީ އެއްޗަކުން ތުނިކޮށް ފަތިކޮށް ހަދައިފައި ހުންނަ އެއްޗެއް. މިސާލު: )ހ( ފޯނުކާޑު. )ށ( ކުރެޑިޓްކާޑް. )ނ( ތަޅުދަނޑިކާޑު. )ރ( އަވަސްފައިސާ ކާޑު. (4) މުދައު ކޮންޓްރޯލްކޮށްގެން އުޅޭ ތަންތާނގައި އެގެއަކަށްތަކެތި ގެންނަންވީ ޢަދަދު ލިޔެފައިވާ ކަރުދާސްކޮޅު. (5) މުދައު ކޮންޓްރޯލް ކޮށްގެން އުޅޭ ތަންތާނގައި މީހަކަށް ނުވަތަ ބަޔަކަށް ކޮންޓްރޯލް ޤަވާޢިދުން ދޫކޮށްފައިވާ ކާބޯތަކެތީގެ ކޮއްތު. (6) ކޮމްޕިއުޓަރުފަދަ އެއްޗެހީގައި އެކިއެކި ވާޖިބުތައް އަދާކުރުމަށްނަގައި ބަދަލު ކުރެވޭގޮތަށް ޖަހައިފައި ހުންނަ ބޯޑު (7) )ބދ ( ފިރިހެން ހަށި
ކާޑުންކެނޑުން
މ ރަށެއްގެ ނުވަތަ ގެއެއްގެ ކާޑުގެ ރަޖިސްޓްރީން މީހަކު ވަކި ކުރުން
ކާޑުބަދަލުކުރުން
މ އެއް ގެއެއްގެ ކާޑުގައި އޮތް މީހަކު އަނެއް ގެއެއްގެ ކާޑުގައި ޖެހުން
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކާޑުގެ
ނ އިހުގައި ރާއްޖެތެރޭގެ ރަށްރަށުގައި ކާޑުގެކަންތައް ހިންގައި އުޅުނުތަން
ކިހިޅިބިސީ
ނ )ޏ ( މަޖާޒު: (1) ކުޑަކުދީން (2) މުޖުތަމަޢުގައި އަގެއްނެތް މީހުން
ކިހިލިޖެހުން
މ (1) އުކުޅުގައި ކުއްޖަކު ބޭންދުން (2) އުފުލުމަށްޓަކައި އެއްޗެއް ކިހިލީގައިލުން
ކިނބޫ
ނ އެއްގަމާއި ފެނުގައި ދިރިއުޅޭ މިނިކާ އެއްޗެއް މިއީ ހަރުތޮއްޓެއް އޮންނަ ބިންމަތީގައި ބަނޑުޖަހައިގެން އުޅޭ ޖަނަވާރެކެވެ މީގެ އަނގަ ވަރަށް ބޮޑުވާނެއެވެ އަދި ނަގޫ ދިގުވެފައި ވަރުގަދަވާނެއެވެ
ކިނދު
ނ ކުއްޖާ އުފަންވާއިރު ގައިގައި އުނގުޅިފައި ހުންނަ ހުދުކުލައެއްގެ ތަތް އެއްޗެއް
ކިނދުބޯ
ނ ވިހާއިރު ކުއްޖާގެ ބޮލުގައި ހުންނަ އިސްތަށި
ކިނދުކާށި
ނ ކުއްޖާއަށް ހަތްދުވަސްވެގެން ބޮލުންބާލާ އިސްތައްޓާއި ކަނޑާ ނިޔަފައްޗާއި ވެއްޓޭ ފޫޅު ދެނާށީގެ ތެރެއަށްލައި އެކާށި ހެހުނު ބޮނބިގަނޑު އޭގެ ބޭރުންލައި ބަނދެފައި އޮންނަކާށި
ކިނދުފާރު
ނ ޅަކުއްޖާގެ ކަންފަތުބުޑާއި އުކުޅުވަޅު ފަދަ ތަންތާނގައި ހެދޭ ފާރު މިފާރު ހެދެނީ ރަނގަޅަށް ކިނދުނުފިލުވުމުގެ ސަބަބުން ކަމަށްބުނެއެވެ
ކިރާހަނޑޫ
ނ ހަނޑުލުގެ ބާވަތެއް މިއީ ފުއްކުދިކޮށް ހުންނަ މީރު ވަހެއްދުވާ ހުދުކުލައިގެ ހަނޑުލެކެވެ މިއީ ބަންގާޅުން ރާއްޖެއަށް ގެނެސްއުޅުނު ހަނޑުލެކެވެ
ކިރިކެޓު
ނ ދަނޑުގައިކުޅޭ ކުޅިވަރެއް މިކުޅިވަރުގައި ބައިވެރިވާނީ ދެޓީމެވެ ޓީމެއްގައި 11 ކުޅުންތެރީންނެވެ އެއްބަޔަކު ބޯޅަ ހޮވަން ތިބޭއިރު އަނެއްބައިގެ ދެކުޅުންތެރީން ކުޅެން އަރާތިބެއެވެ ބިމަށް ޖަހާފައި ހުންނަ ތިންދަނޑީބުރީގެ ކުރިމަތީގައި ކުޅޭމީހާ އޮވެގެން ހޮވާޓީމުގެ މީހަކު އެއްލާބޯޅައިގައި ފިލާގަނޑަކުންޖަހައި ލަނޑު ހަދައެވެ ނުވަތަ ދުވެގެން ލަނޑު ހަދައެވެ ދަނޑިބުރިތައް ޖަހައިފައި ހުންނަނީ މެދުރިއަޅައިފައި އޮންނަ ތަނެއްގައި ދެކޮޅުގައެވެ
ކިރިޔާ
ކއ (1) ކުޑަކޮށް (2) ކަމެއްވާން ތައްޔާރުވެފައި ނުވީމާ ނުވަތަ ކަމެއް ނުވާނެކަމަށް ހީވެފައި ވީމާ ބުނެއުޅޭގޮތެއް މިސާލު: )ހ( ކިރިޔާފޯރި )ށ( ކިރިޔާ ނުޖެހުނީ
ކިރުނު
ނ އަތްކަންކުރާ މީހުނާއި ދަގަނޑުތަޅާ މީހުން ތަޅާ އެތިގަނޑު ތަޅަން ބާއްވާ ދަގަނޑުގަނޑު މީގެ ތެރެއިން އަތްކަން ކުރާ މީހުން ބޭނުންކުރާ ކިރުނު ހަދައިފައި ހުންނަނީ ހަތަރު އަރިޔަށް ހަތަރު ފަސް އިންޗީގެ އުސްމިނުގައި އޮންނަ ލަކުޑި ގަނޑެއްގެ މެދަށް ދަގަނޑުބުރިޔެއް ޖަހައިގެންނެވެ
ކިރުނުގޮނޑި
ނ އެއްތަނުން އަނެއްތަނަށް ގެންދެވޭނޭހެން ކިރުނުޖަހާން ހަދާފައި އޮންނަ ލަކުޑިގަނޑު
ކިރުބޯތުން
ނ ކިރުބޯފުޅީގައި ޖަހަން ބޭނުންކުރާ ތުން
ކިރުއެރުން
މ އުރަމައްޗަށް ކިރު ޖަމާވުން