radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
އޮއްބުން
މ (1) މީހަކުލައްވާ އޮބުވުން (2) ފަތިމެޅުން (3) ކައިރިމެޅުން (4) މަސްހިފާންޖަހާ ދައުފަދަތަކެތީގެ ތިރީކައިރި ބިމުގައި ޖައްސައި ހިފެހެއްޓުން (5) ވަށައިދެމިމަދިރިގެ ފަދަތަކެތީގެ ތިރީކައިރި ގޮދަޑި ދަށަށް ލެއްވުން (6) މަޖާޒު: ވަންހަނާކުރުން (7) ނުފެންނާނޭ ގޮތް ނުވަތަ ނޭގޭނޭގޮތް ހެދުން
އޮއްތުން
މ ބައެއް ރަށްރަށު މީހުންގެ ބަހުގައި އޮށޯތުން
އޮއްސުން
މ (1) އިރު ހަނދު ތަރި ވިލާފަދަ އުޑުމަތިން ފެންނަ ތަކެތި އުދަރެހާ އެޅި ނުފެންނަގޮތްވުން. (2) ގޮސް އަނބުރާ ނުފެންނާނޭ ގޮތެއްގައި އަނބުރައިލުން. (3) ރުއް ގިނަދުވަސްވެގެންގޮސް އެއްޗެއް ނުގަންނަގޮތްވުން މިހެން ވީމާ ކިޔަނީ "ކުރިއޮއްސުމެ"ވެ (4) މަޖާޒު: މީހަކު އަނބުރާ އަންނާން ތާކަށް ގޮސްފައި ދެން ނައުން (5) މީހަކު އަލުން ކުރިނާރާ ގޮތުގައި ދަށަށް ދިއުން
އޮމާލާ
ނއ (1) އަންހެންދުޅާމީހާ (2) ފިރިހެނުންނާ އެޅޭމީހާ
އޮފިސަރު
ނ (1) ސަރުކާރުގެ ކޮންމެވެސް ކަމެއް ބަލަހައްޓާން ޙަވާލުވެފައިވާމީހާ (2) ސިފައިންގެ ނުވަތަ ފުލުހުންގެ ވަކިދަރަޖައެއްގެ ވެރިއެއް
އޮފުކަރުދާސް
ނ އެއްފުށުގައި އޮފުލައިފައިހުންނަ ކަރުދާހެއް މީގެ ކިތަންމެ ކުލައެއްގެ ކަރުދާހެއް ހުރެއެވެ
އޮފުކެނޑުން
މ (1) އޮފުފިލުން މަޖާޒު: (2) މީހެއްގައިހުންނަ އައުކަންކެނޑުން (3) މިންވަރަށްވުރެ އަރައިހުރި މީހަކު އޭނާގެ މިންވަރަށް ދަށްވުން
އޮލީ
ނ ބޭފުޅުން އަވަހާރަވެގެން ކިޔަވާ ރަސްމީ ކިޔެވުން
އޮލީކިއެވުން
މ ވަކިދަރަޖައެއްގެ ބަޔަކު ނިޔައުވީމާ ރަސްމީގޮތުން ޤުރުއާން ކިޔެވުން
އޮގަރު ފާތިޙާ
ނ (1) އޮގަރުމަސް ލިބޭމީހާ އަހަރަކު އެއްފަހަރު ކައްކައިގެން ކިޔަވާ ފާތިޙާ (2) ކަޑުމަތި ފާތިޙާ
އޮގަރުކަނޑިއައްޑަނަ
މ (1) ރަދުންގެ ޚާއްޞަ ކަނޑިކޮޅާއި އައްޑަނަކޮޅު (2) ޢިއްޒަތަށް ވަޑައިގަންނަވާއިރު އަރިހުގައި ގެންގޮސް އުޅުނު ކަނޑިކޮޅާއި އައްޑަނަކޮޅު މިހިފަނީ އެކަމަށް ޚާއްޞަކުރައްވައިފައިވާ މީހެކެވެ
އޮގަރުކަލޭގެ
ނ ރަދުންނާއި ގަނޑުވަރުތެރޭ ބޭފުޅުންނަށް ރާފޮދު ބާލާން ރަސްމީގޮތުން ހުންނަމީހާ
އޮގަރުކިޔެވުން
މ (1) އޮގަރުމަސްލިބޭ މީހާ އަހަރަކު އެއްފަހަރު ކައްކައިގެން ޞަލަވާތް ފާތިޙާ ކިޔެވުން (2) މަސްދޯނި ފަހަރުން އޮގަރުމަސްދީގެން ކޮންމެ ދުވަހަކު މަސްދޯނި ލަފާއިރު އެތާ އިނދެގެން ޞަލަވާތްފުޅާއި ފާތިޙާ ފަރިއްކޮޅު ކިޔެވުން އޮގަރު ކިޔަވާއިރު ހުރިހާ ވަލީވެރިންނަށް ފާތިޙާ ފަރިއްކޮޅު ކިޔަވައިފައި ކަނޑުމަތި ފާތިޙާ ކިޔަވާނެއެވެ (3) ރާވެރީން ރާތަށްޓެއް ދީގެން މިފާތިޙާ ކިއުއްވުން
އޮގަރުފޮދު
ނ ރަދުންނާއި ގަނޑުވަރުގެތޭ ބޭފުޅުންނަށް އޮގަރުގެއިން ރަސްމީގޮތުގައިގެންދާ ރާފޮދު މި ގެންދާމީހާ ހުންނާނީ އިހުގައި ހަނގުބޭކަލުން ދަމަށް ދުރުވާ ހެދުމުގައި އުނަގަނޑުމަތީ ކަޅުރުމާލެއް ބަނދެފައެވެ އޭނާގެ އުނަގަނޑުގައި އެއްނަރު ފައްޓަރުފަށެއް އޮންނާނެއެވެ މިގެންދާއުނބު ހުންނާނީ ދެފަށްލާ ޖަހައި ކުރަހައިފައި ރިހިކެވެލިފަށެއް ލައިފައެވެ
އޮގަރުފޮތިކޮޅު
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާ ތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަ ފޮތިގަނޑު
އޮގަރުތުންފިހި
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަފޮތިގަނޑު
އޮގަރުގެ
ނ އޮގަރުކަލޭގެ ހުންނަގެ މިއީރަސްމީ ރާވެރިކަންތައް ކުރާގެއެވެ
އޮގަރުގޭމީހުން
ނ އޮގަރުގޭ މަސައްކަތްކުރާން ދައުލަތުން ލައްވައިފައިތިބޭ މީހުން މިމީހުންގެ މަސައްކަތަކީ ރާވެރިކަމުގެ ކަންތަކާއި ރުކުއެޅުމެވެ
އޮޑާ
ނ ވަޑާންކުރާން ގެންގުޅޭ އާލަތެއް. މިއީ އުދަލިހެން ދަނޑިއިންދަން ހަދައިފައި ހުންނަ އެއްޗެކެވެ. މީގެ ތިލަ ހުންނާނީ އުދަލި ތިލައަށްވުރެ ހިމަ ދިގުކޮށް ބޯކޮށް އެތެރެއަށް ގޮނިކޮށް އަދި މިޔަވެސް އަޅާފައެވެ. އޮޑައަކަށްވާނީ މިތިލައިގައި ދަނޑި އިންދީމާއެވެ
އޮޑާލުން
މ (1) އޮޑާއިން އެއްޗެއްމެށުން މަޖާޒު: (2) އޮޑާއިން އެއްޗެތި މަށާއިރު އޮޑާގެ ޙަރަކާތް ހުންނަގޮތަށް އަތްފައިން ޙަރަކާތްކޮށް ވައްތަރު ޖެއްސުން މިއީމީހުން ރުޅިއެރުވުމަށް ޖައްސާ ވައްތަރެކެވެ