radheef.info
ރަދީފު


ހ
އ ތާނައިގެ ފުރަތަމަ އަކުރު
ސާބިތުކުރުން
މ (1) ޔަޤީންކުރުން (2) ހެއްކާއެކު ބަޔާންގެ އެނގޭނެގޮތް ހެދުން
ސާބިތުވުން
މ (1) ހަރުލައިހުރުން (2) ޝަރީޢަތަށް ނުވަތަ ތަޙުޤީޤަށް ހެތްކާއެކު ކަމެއް ބަޔާންވުން
ސާބިތުވެހުރުން
މ (1) ގޮތެއްގައި ނުވަތަ ކަމެއްގައި ނުގުޑާ ފަދަ ގޮތެއްގައި ހުރުން (2) ހަރުދަނާ ކަންމަތީ ހުރުން
ސާޅި
ނ އަންހެނުން ގައިނިވާ ކުރުމަށް ބޭނުންކުރާ ތުނި ދިގު ފޮތިގަނޑެއް
ސާޅީހަށްހިނައިގަތުން
މ ނިފާސްކަމުގެ ލެއި ކެނޑުމުން އެކަމަށްޓަކައި ހިނަންޖެހޭ ހިނެއިން ހިނައިގަތުން
ސާޅީހަށްފެންއެޅުން
މ ސާޅީހަށް ހިނައިގަތުން
ސާޅީސް
ނ (1) ހަތަރު ދިހަ (2) ދިހައެއްގެ ހަތަރުބާރު
ސާޅީސްވަޅި
ނ އިހުގައި މީހުން ވިހައިގެން އުޅޭއިރު ސާޅީސްވަންދެން ގެންގުޅޭ ވަޅިއެއް
ސާޅީސްވުން
މ މީހަކު މަރުވެގެން ސާޅީސްދުވަސް ހަމަވުން
ސާވޭ
ނ ކަންހުރި ނެތްގޮތާއި ޙާލާތު ހުރި ނެތްގޮތް ރަނގަޅަށް ބެލުމަށް މީހުން ގޮސްގެން ހޯދައި ބަލާބެލުން
ސާވޭކުރުން
މ ކަންހުރިނެތް ގޮތާއި ޙާލާތު ހުރިނެތްގޮތް ރަނގަޅަށް ބެލުމަށް މީހުންގޮސް ހޯދައި ބެލުން
ސާމަރާ
ނ (1) ސާމަރާ ދޫނީގެ ފަތުން ހަދައިފައި ހުންނަ ފަންކާއެއް މީގެ މުށްގަނޑު ހުންނާނީ ލަކުޑިން ލިޔެފައި އަތުތެރެއިން އެނބުރޭ ގޮތަށް ހަރުކޮށްފައެވެ (2) މކ މިޔަރާއި ބޮޑެތި މަސް މަހުގެ ބޮލުގައި ޖަހައި ބަލިކޮށްލަން މަސްދޯނިފަހަރުގައި ގެންގުޅޭ ލަކުޑި މުގުރު
ސާމަރާކުރުން
މކ މާކެޔޮޅުކަން ކުރާއިރު މިޔަރުމެރުމަށް ބޮލުގައި ޖަހަން ގެންގުޅޭ ކަނދުބުރިން ޖެހުން
ސާމަރާކޮޅު
ނ ސާމަރާދޫނީގެ ފަތުން ހަދައިފައިވާ ފަންކާއެއް މިއީ ރަސްރަސްކަލުން ދަރުބާރުގައި ތިއްބަވާއިރު ގައިކޮޅަށް ވިހެން ބޭނުންކުރާ އެއްޗެކެވެ
ސާމަރާދޫނި
ނ (1) ފިނދުފަތްގަނޑުގައި ވަރަށް ރީތި ކުލައަރާ ފަތްތަކެއް ހުންނަ ރީތި ދޫންޏެއް (2) ނިމެރި ދޫނި
ސާމާނު
ނ (1) އެއްޗެހި (2) އެކަމަކާ ގުޅޭ ހުރިހާ އެއްޗެހި
ސާމޯރު
ނ އޮޑިފަހަރުގެ ކުނބުގެ ކުރީގައި ހުންނަ "ނީ" ގެ ތެރެއަށް ލައްވައިފައި ހުންނަ ދެފުރޮޅުލީ އެއްޗެއް މިއީ ރިޔާ ނަގަން ހަންޖާ ލައްވަން ހަދައިފައި ހުންނަ އެއްޗެކެވެ
ސާމްރާޖު
ނ (1) ރަސްކަލެއްގެ ދަށުގައި އެހެން ރަސްރަސްކަލުން ތިއްބަވާ ގޮތަށް ރޭވިފައިވާ ވެރިކަމުގެ ނިޒާމު (2) އެއްދައުލަތެއްގެ ދަށުގައި އެހެނިހެން ދައުލަތްތަކެއް ބޭއްވުމުގެ ސިޔާސަތު
ސާފު
ނއ (1) ކުންޏެއް މިލައެއް ނެތް (2) ހަޑީގެ އިދިކޮޅު (3) އަލި (4) އޮޅުމެއްނެތް
ސާފުނުކުރާތެޔޮ
ނ ސާފުކޮށްގެން ތެލުގެ އެކި ވައްތަރުތައް ވަކިނުކޮށް ތެޔޮވަޅުން ނަގާގޮތަށް ހުންނަތެޔޮ